ကံကြမ္မာဝဋ်ကြွေးဆိုတာ
အနှိုင်းမဲ့မြတ်ဗုဒ္ဓပင်
ရှောင်၍မလွတ်နိုင်ပါဘူး...
ဒီကနေ့ကာလမှာ
သူတစ်ပါးအသက်ကို
အလွယ်တကူပဲ
နည်းလမ်းပေါင်းစုံနဲ့
သတ်ဖြတ်နေကြတာတွေ
မြင်နေကြားနေရတယ်...
ကဿ ပဘုရားရှင်လက်ထက်က
ရှင်ဘုရင်စားတော်ပွဲအတွက်
နေ့စဉ်ငှက်သားဆက်သရတဲ့
ငှက်မုဆိုးတစ်ယောက်
ရှိခဲ့ဘူးတယ်...
မုဆိုးဟာ
စားတော်ပွဲဆက်ပြီး
ပိုလျှံ တဲ့ငှက်တွေကို
ရောင်းလိုရတာရောင်းတယ်၊
ကျန်တဲ့ငှက်တွေ
ထွက်မပြေးနိုင်အောင်
အတောင်နဲ့ခြေထောက်ကို
ချိုးထားတယ်တဲ့...
ရက်အတော်ကြာတဲ့အထိ
ရောင်းမထွက်တဲ့
ငှက်တွေကတော့
အလွန်ကြီးတဲ့ဆင်းရဲဒုက္ခကို
နေ့စဉ်ခံစားရတာပေါ့...
သူဟာတစ်နေ့မှာ
ရဟန်းတစ်ပါးကို
အရသာကောင်းမွန်တဲ့
ဆွမ်းနဲ့ဆွမ်းဟင်းများ
လောင်းလှူခဲ့ပြီး
နိဗ္ဗာန်ဆုကိုတောင်းခဲ့တယ်...
လက်ရှိဘဝကသေတော့
အပါယ်ငရဲမှာ
နှစ်ပေါင်းများစွာ
ငရဲကျ ခံရပြီးနောက်
ဗုဒ္ဓဘုရားရှင်လက်ထက်မှာ
ဇေတဝန်ကျောင်းတော်မှာ
ရဟန်းဖြစ်ခဲ့တယ်...
ဒါပေမဲ့ အတိတ်ကပြုခဲ့တဲ့
အကုသိုလ်ဝဋ်ကြွေးကြောင့်
ခန္ဓာကိုယ်မှာ
သွေး၊ပြည်တွေပြည့်နေတဲ့
ဇီးသီး၊ဥသျှစ်သီးအရွယ်
အနာလုံးကြီးတွေကြောင့်
ဒုက္ခကြီးစွာခံနေရပြီး
အပုပ်နံ့တွေတောင်
ထွက်နေတယ်တဲ့...
ရဟန်းဘဝမှာပဲ
ဘုရားရှင်ရဲ့
သစ္စာလေးပါးတရားတော်ကို
နာကြားလိုက်ရလို့
အရဟတ္တဖိုလ်ဉာဏ်ရပြီး
ပရိနိဗ္ဗာန်ပြုသွားတယ်တဲ့...
ဘယ်လိုပုဂ္ဂိုလ်ဖြစ်စေ
မိမိပြုခဲ့တဲ့
အကုသိုလ်ဝဋ်ကြွေးက
သံသရာတစ်လျှောက်မှာ
ကြေအောင်ပေးဆပ်ရမှာ
မလွဲပါဘူး...
* ချမ်းမြေ့ဆရာတော်
Credit...
No comments:
Post a Comment