စိတ်ညစ်စရာအတွေးတွေကို
ဖယ်ထုတ်ပစ်ဖို့ထက်
ထပ်တလဲလဲတွေးပြီးတော့
ပူဆွေးနေကြတာများပါတယ်။
အဲဒီလိုတွေးပြီးတော့
စိတ်ဆင်းရဲနေတာကြောင့်
ကိုယ့်ဘဝမှာ
ပျော်ရွင်မှုတွေနဲ့ဝေးကွာစေပါတယ်။
စိတ်ညစ်စရာ အတွေးတွေနဲ့
ကိုယ့်ဘဝကို အချိန်မဖြုန်းနဲ့။။
ကိုယ်လုပ်ရမဲ့ အလုပ်ကို
ကိုယ်ကပဲ တန်ဖိုးထားလုပ်ရမယ်။
စိတ်ညစ်ရတဲ့ အချိန်ဆိုတာ
ဘဝမှာ ခဏလေးပါပဲ ။
ကိုယ့်ရဲ့ အားနည်းချက်ကို
ပြင်ဆင်ပြီးတော့
ကိုယ်ရွေးချယ်ထားတဲ့
ဘဝကို ပိုမိုလှပနေလိုက်အောင်
ကြိုးစားပစ်လိုက်စမ်းပါ။
ငိုချင်နေရတဲ့ အချိန်တွေမှာ
ဟာသတပုဒ်ရှာဖွေပြီးတော့
ဖတ်လိုက် ကြည့်လိုက်ပါ။
အားရအောင် ရယ်ပစ်လိုက်ပါ။
စိတ်ဆင်းရဲစရာတွေက
တဖြည်းဖြည်းပျောက်ကွယ်လိမ့်မယ်။
ဒါမှမဟုတ်ရင်
ဘုရားတရား ကုသိုလ်ဘာဝနာနဲ့
ကိုယ့်စိတ်ကို ချမ်းသာအောင်
ပြုပြင်ဆောင်ရွက်ပေးရမှာဖြစ်တယ်။
ကိုယ် အောင်မြင်ချိန်ရောက်ရင်
ကိုယ် ကြုံတွေ့ခဲ့ရသော
စိတ်ညစ်စရာ အရာအားလုံးဟာ
ဟာသတပုဒ်ဖြစ်ကာနေလိမ့်မယ်။
ကိုယ့်ရဲ့အတွေ့အကြုံတွေဟာ
ကိုယ့်ဘဝကို
မြင့်မားတိုးတက်စေဖို့အတွက်
လှေကားထစ်တွေပဲ ဖြစ်ပါတယ်။
စိတ်ညစ်စရာတွေကို ဖယ်ထုက်ပစ်ပါ။
စိတ်ချမ်းသာပျော်ရွှင်မှုရအောင်
ကိုယ့်ဘဝကို တည်ဆောက်လိုက်ပါ။
Credit.. မာဃအရှင်(အညာမြေ)
No comments:
Post a Comment