ဝဋ်ကြွေးတော် ၊ ဝိပါတ်တော် (၁၂)ပါး
***********************
၁။ ဒုက္ကရ ၊ ကဿပဘုရားလက်ထက် ဇောတိပါလပုဏ္ဏားဖြစ်စဉ် ဘုရားဖြစ်မည်ဆိုလျှင် ခြောက်လမဟုတ် ခြောက်နှစ် ဒုက္ကရစရိယာကျင့်ပါမည် ဆိုသော ဝစီဝိပါက်တော်၊
၂။ စိဉ္စမာဏ ၊ ရှေးအခါ သေသောက်ကြူးဖြစ်စဉ် ပစ္စေကဗုဒ္ဓါတစ်ပါးအား ဆွမ်းရပ်နေတော်မူရာ အကျင့်ယုတ်ဟု ပြောမိခြင်း ဝိပါက်တော်၊
၃။ သုန္ဒရီ ၊ ရှေးအခါ မုနာဠိအမည်နှင့် လူဖြစ်စဉ် ပစ္စေကဗုဒ္ဓါအား အကျင့်ယုတ်ဟု စွပ်စွဲခဲ့ခြင်း ဝိပါက်တော်၊
၄။ ၊ အလောင်းတော် ရသေ့ဖြစ်စဉ် ဈာန်ပျံရသေ့တစ်ဦးအား ငြူစူခဲ့ဖူးသော ဣဿာဝိပါက်တော်၊
၅။ ဒေဝဒတ် ကျောက်တုံး ၊ သူကြွယ်မျိုးဖြစ်စဉ် ညီကို လှည့်ဖြားခေါ်သွား၍ ကျောက်လွှာဖြင့် ဖိညှပ်ထုသတ်ခဲ့မိသော ဝိပါက်တော်၊
၆။ ကျောက်လွှာထိ ၊ ရှေးက သူငယ်ဖြစ်စဉ် ပစ္စေကဗုဒ္ဓါ တစ်ပါးအား ခဲဖြင့် ပစ်ရာ ခြေတွင် သွေးယိုခဲ့ဖူးသော ဝိပါက်တော်၊
၇။ နာဠာဂီရိဆင် ၊ ရှေးအခါ ဆင်ထိန်းဖြစ်စဉ် ရှင်ပစ္စေကဗုဒ္ဓါတစ်ပါးအား ဒေါသနှင့် ဆင်နှင့် လိုက်၍ တိုက်ခဲ့သော ဝိပါက်တော်၊
၈။ ခြေမဓားနဲ့ခွဲ ၊ ပဒေသရာဇ်မင်း ဖြစ်စဉ် မူးယစ်ယောက်စား၍ လူအရှင်လတ်လတ်ကို ဓားဖြင့် ထိုးဖြတ်ခြင်း ပြုခဲ့သော ဝိပါက်တော်၊
၉။ ရံဖန်ရံခါ ခေါင်းခဲတော်မူရခြင်း၊ ရှေးအခါ တံငါဖြစ်စဉ် ငါးဦးခေါင်းကို ထုရိုက်ရာတွင် ဝမ်းမြောက်ခဲ့ဖူးသော ဝိပါက်တော်၊
၁၀။ မုယောဆွမ်း၊ မထင်မရှားသော အမျိုးသားဖြစ်စဉ် ရဟန်းတော်များ ဆွမ်းစားနေသည်ကို ဆွမ်းကြမ်းစားဟု ပြစ်မှားပြောဆိုခဲ့ဖူးသော ဝိပါက်တော်၊
၁၁။ ခါးကိုက်၊ ရှေးအခါ လက်ဝှေ့သမားဖြစ်စဉ် နိုင်လျှင် ခါးရိုးကို မြေနှင့်ကိုင်ရိုက်ခဲ့ဖူးသော ဝိပါက်တော်၊
၁၂။ ဝမ်းတော်သွန်၊ ဆေးဆရာဖြစ်စဉ် သူဌေးသားတစ်ယောက်အား ကုစားရာ အခမပေးလို၍ မသက်သာသေးဟု လိမ်လည်ပြောဆိုရာတွင် ဝမ်းလားဆေး (ဝမ်းနုတ်ဆေး)ကို တိုက်ကျွေး ခဲ့ဖူးသော ဝိပါက်တော်။
#တိပိဋကမြန်မာပြန်
No comments:
Post a Comment