ခဏအဆင်ပြေတဲ့နည်းဟာ အတိုးနဲ့ ပြန်ဆပ် ရတတ်တယ် ။
" ကိုယ့်စိတ်ကို ကိုယ်တကယ်ညာလို့ မရနိုင်ပါဘူး ။
စိတ်ထားမကောင်းရင် စိတ်ချမ်းသာမှု မရနိုင်ပါ ဘူး ။
ဉာဏ်နည်း တဲ့သူဟာ ရုပ်ပိုင်းကို ဦးစားပေးတယ် ။
ဉာဏ်ပညာ ရင့်ကျက်တဲ့သူဟာ စိတ်ပိုင်းကိုဦးစားပေးတယ် ။
ကိုယ့်ပတ်ဝန်းကျင်မှာ ကိုယ်သိတဲ့သူတွေကို လေ့လာကြည့်ပါ ၊
ဘယ်လိုလူမျိုးဟာ စိတ်အေးချမ်းနေသလဲ
ငွေ ၊ ဂုဏ် ၊ ရာထူး ၊ ပစ္စည်း ဥစ္စာ ၊ ကျော်ကြားမှု စတဲ့ပြင်ပတွေကို ဦးစားပေးတဲ့သူတွေ စိတ်ချမ်းသာမှု မရကြပါဘူး ။
စိတ်ထားမကောင်းရင် စိတ်အေးချမ်းမှု မရနိုင်ဘူးဆိုတာ အင်မတန် သေချာတဲ့တရားပါ ။ လုံးဝ မလွဲပါဘူး ။
( စိတ္တေန နီယတိ လောကော )
လောကကို စိတ်ကဦးဆောင်တယ် " လို့ ဘုရား ဟောတာ ရာနှုန်းပြည့် မှန်ပါတယ် ။
ဒါကြောင့် ဘာပဲ ဖြစ်ချင်ဖြစ်ချင် ကိုယ်ဖြစ်ချင်တာနဲ့ တန်တဲ့စိတ်ထား ကို အရင်မွေးပါ ။
နေ့စဉ် ကိုယ့်စိတ်ကို လမ်းမှန်နေအောင် လမ်းတည့်မတ်ပေးနေရင် တဖြေးဖြေး အားမကိုးသင့်တာတွေကို အားမကိုးနေတော့ဘဲ အယူသည်းတာတွေ
ဗေဒင် ယတြာ ယုံတာတွေ ဖျောက်ပြီးတော့ ကိုယ်လုပ်နိုင်တာတွေကို သဘာဝကျကအကြောင်း အကျိုး ကိုက်အောင်တွေးပြီး အကြောင်းမှန်ကို လုပ်လို့ အကျိုးမှန်ကို ရလာလိမ့်မယ် ။
ဒါကြောင့်
စိတ်အေးချမ်းမှုလည်း ပိုရှိလာမယ် ။
ကိုယ့်ကိုကိုယ် ယုံကြည်မှု မရှိသေးသ၍ စိတ်အေးချမ်းမှု မရှိနိုင်သေးဘူးဆိုတာကိုတော့ လေးလေးနက်နက် သဘောပေါက် မှ ဖြစ်မယ်နော် ။
ဆရာတော် ဦးဇောတိက (မဟာမြိုင် တောရ)
Credit.
No comments:
Post a Comment