" စိတ်ဆိုတဲ့ ဥယျာဉ် "
စိတ်ဆိုတာ ဥယျာဉ်နဲ့ တူပါတယ် ... မကောင်းတဲ့မျိုးစေ့တွေ ကျလာရင် မကောင်းတဲ့အပင်ပေါက်မယ်... ကောင်းတဲ့မျိုးစေ့တွေ ကျလာရင် ကောင်းတဲ့အပင်တွေ ပေါက်မယ်...ဒါကြောင့် နေ့စဉ် ဘယ်လိုမျိုးစေ့တွေ ရောက်နေသလဲ ဆိုတာကို သတိထားဖို့လိုတယ်။
ဥာဏ်နဲတဲ့သူဟာ ရုပ်ပိုင်းကို ဦးစားပေးတယ် ၊ ဥာဏ်ပညာ ရင့်ကျက်တဲ့သူဟာ စိတ်ပိုင်းကို ဦးစားပေးတယ်။
အာရုံတွေ ဂုဏ်ပကာသနတွေ အမျိုးမျိုး လှည့်စား ဖမ်းစားထားတယ်... အဲဒီအာရုံတွေ ဂုဏ်ပကာသနတွေရဲ့ လှည့်စားမှုထဲမှာ ထောင်ကျနေတဲ့ သူတွေဟာ လှပတဲ့ ထောင်ထဲမှာ နေရတာကို ပျော်နေကြတယ်။
ကိုယ့်စိတ်ထား မြင့်လာမှ ကိုယ့်ဘ၀ဟာလဲ တကယ်မြင့်လာမယ်။
ကျွန်စိတ်မရှိတဲ့သူကို ကျွန်လိုနေရာမှာ တာရှည်ထားလို့ မရပါဘူး။
ကိုယ့်စိတ်ကိုကိုယ် အမှန်အတိုင်း သိနေရင် လုပ်သင့်တာကိုပဲ လုပ်ချင်မှာပဲ...အဲဒီအခါမှာ အောင်မြင်တဲ့သူ ဖြစ်လာမယ်။
ဘာပဲဖြစ်ချင် ဖြစ်ချင် ကိုယ်ဖြစ်ချင်တာနဲ့ တန်တဲ့စိတ်ထားကို အရင်မွေးပါ။
အရာရာတိုင်းဟာ စိတ်ကနေ စ,ပါတယ်... စိတ်ထဲမှာ အသက်၀င်နေတဲ့ အရာဟာ မကြာခင်မှာ အကောင်အထည်ပေါလာမယ် ... စိတ်ထဲမှာ အသက်မ၀င်သေးရင် အကောင်အထည်မပေါ်နိုင်ဘူး...ဒါကြောင့် ကိုယ်လိုချင်တဲ့အရာဟာ ကိုယ့်စိတ်ထဲမှာ အသက်၀င်နေရမယ်...အသက်၀င်တဲ့ စိတ်ကူးကို စိတ်ကူးနိုင်တဲ့သူတွေသာ မဖြစ်နိုင်ဘူးလို့ ထင်ကြတာကို ဖြစ်အောင်လုပ်နိုင်ကြတယ်။
နဲနဲ့ပေးပြီး များများရချင်တဲ့ စိတ်ဓါတ်မျိုးဟာ ဘ၀ကို ဖျတ်ဆီးမယ့်စိတ်ဓါတ်မျိုးဖြစ်တယ် ... လောကကို ဖျတ်ဆီးမယ့် စိတ်ဓါတ်မျိုး ဖြစ်တယ်။
ကိုယ့်ရဲ့စိတ်ထဲမှာ အမှန်ကို သိတဲ့သူရှိတယ် ... သူက အမြဲတမ်းမှန်ကန်တဲ့ စီရင်ချက်ကို ချတယ်။
သူတစ်ပါးကို မကောင်းကြံတဲ့သူဟာ သူ့စိတ်ဟာလဲ မအေးချမ်းဘူး ... စိတ်ထားမကောင်းရင် စိတ်အေးချမ်းမှု မရနိုင်ဘူး။
သိပြီးတော့ မလုပ်ရင် မသိသေးလို့ပဲ။
နဲနဲသိ နဲနဲလုပ်ပါ ... များများသိ များများလုပ်ပါ ...အသိအမြင် လေးနက်မှန်ကန်ပြီးတော့ မိမိဘ၀ကို အဓိပ်ပါယျရှိရှိ နေနိုင်သူများဖြစ်ကြပါစေ ... မိမိအကျိုး၊ သူတစ်ပါးအကျိုးတို့ကို ထိထိရောက်ရောက် ဆောင်ရွက်နိုင်သူများ ဖြစ်ကြပါစေ။
မိမိကိုယ်မိမိ ချစ်ပါ ... မိမိကိုယ်မိမိမချစ်လို့ရှိရင် သူတစ်ပါးကို ချစ်ဖို့ရာလဲ မတက်နိုင်ပါဘူး။
ရင့်ကျက်တယ်ဆိုတာ အသက်အရွယ်နဲ့ မဆိုင်ပါဘူး .... အသိဥာဏ်နဲ့ပဲဆိုင်တယ် ... သတိနဲ့ သိလေလေ လူကြီးဆန်လေလေ ၊ ရင့်ကျက်လေလေ မျှတလေလေဖြစ်လာမှာပါ။
မမှားဘူးတဲ့ လူရယ်လို့ မရှိပါဘူး ... အမှားကင်းဖို့ ဆိုတာလဲ သိပ်တော့ မလွယ်လှဘူး... အမှားနည်းဖို့ပဲ ကြိုးစားရမှာ ... တစ်ခုကိုပဲ ထပ်ခါထပ်ခါ မမှားဖို့ အေ၇းကွီးတာပေါ့နောျ။
အချစ်ခံရဖို့ ဆိုတဲ့ စိတ်နဲ့ တစ်ခုခုကို လုပ်နေတဲ့သူတွေဟာ စိတ်ပျက်ရတယ်ဆိုတဲ့ နေရာမှာ လမ်းဆုံးတာ များပါတယ်။
တကယ့်မေတ္တာစစ်ဆိုတာ ကိုယ့်အတွက်ဘာအကောင်းဆုံးလဲဆိုတာ တွေးတာမဟုတ်ဘူး ... သူ့အတွက် ဘာအကောင်းဆုံးဖြစ်မလဲဆိုတာကိုပဲ တွေးပြီး အဲဒါကိုပဲ လိုလိုလာလားလုပ်ပေးတာပါ။
(ဆရာတော် ဦးဇောတိက မဟာမြိုင်တောရ -
တွေးမိတိုင်းပျော်တယ်စာအုပ်နှင့် သွဝါဒအခြို့ကို
ကောက်နုတ်ပါသည်)
Credit/-
No comments:
Post a Comment