ဘယ်လိုမျိုးကို ဆိုလိုပါလည်း ဘုရား???
~~~~~~~~~~~~~~~~~~~~~~~~~
သာသနာဆိုတာ ပါဠိလို ပြောတာလေ
မြန်မာလိုကြတော့ အဆုံးအမပေါ့
အဲတော့ ဘုရားအဆုံးအမကို
ကိုယ်တိုင်ကျင့်နေတာ ဟာ သာသနာပြုနေတာ
# ပြု ဆိုတာ လိုက်နာတာကိုပြောတာ
ပြုကျင့်တာပေါ့ နော် မွနျမာစကားအဓိပ်ပါယျကို
Definition ဖွင့်လိုက်ရင် ရှင်းပါတယ်
သာသနာပြု စကားနှစ်လုံး
သာသနာဆိုတာ အဆုံးအမ
ပြု _ဆိုတာ ပြုကျင့်တာ
အဲတော့ ဘုရားအဆုံးအမကို
ကိုယ်တိုင်ပြုကျင့်နေတာ
အခု ဒကာ/ဒကာမတွေ
သရဏံဂုဏ်ထိန်းပြီးတော့ ငါးပါးသီလတွေ
ထိန်းနေကြတယ်
ဒါသာသနာ ပြုနေတာနော်
ပြီးရင် ကိုယ်သီလလုံသလို
ကိုယ့်ရဲ့ မိတ်ဆွေတွေကို
သီလလုံအောင် ပြောပြတယ်
ဆိုလိုတာက ကိုယ်တိုင်လည်း လိုက်နာတယ်
သာသနာပြုတယ် သူများကို လိုက်နာအောင်
ဟောပြတာ သာသနာပြုတာ
သာသနာပြုတယ်ဆိုတာ ဘုရားအဆုံးအမကို
ကိုယ်တိုင်လည်းကျင့် -
သူများလည်း ကျင့်အောင် လုပ်ပေးတာကို သာသနာပြုတယ်လို့ ခေါ်တယ်
ဟုတ်တယ်နော် အဓိက အဲဒါပဲ
အဲတော့ ခေါင်းစဉ် တွေ တပ်ချင်တိုင်း
တပ်ပေမယ့်လည်း တကယ့်သာသနာပြု
တာ မဖြစ်ပါဘူး
အဲဒါကြောင့် ဒီပုဂ္ဂိုလ်က တကယ်သာသနာပြုလား -
မပြုလား သိချင်ရင် ဘုရားအဆုံးအမကို
လိုက်နာလား -မလိုက်နာလား
ဘုရား အဆုံးအမကို လိုက်နာနေရင်
သာသနာပြုတာပဲ
ဘုရားအဆုံးအမကို မလိုက်နာဘူးဆိုရင်
သာသနာပြုနေတာမဟုတ်တော့ဘူး
သာသနာဖျက်နေတာပဲနော်
သာသနာဖျက်တယ်ပြောလိုက်ရင်
စကားလုံးကြီးတယ် လို့ ခံစားရတယ်
တကယ်တော့ မှန်တယ် ဦးဇင်းတို့
ဆရာသမားတွေ ပြောတယ်နော်
ဘုရားရဲ့ အဆုံးအမတစ်ခုသည်
သာသနာတစ်ခုသိလား
ဘုရားရဲ့ အဆုံးအမ နှစ်ခုသည်
သာသနာ နှစ်ခု
အဲဒီတော့ ဘုရားရဲ့ အဆုံးအမ
တစ်ခုကို လိုက်နာရင် သာသနာတစ်ခုပြုလိုက်တာပဲ
အဲဒီတော့ ဘုရားရဲ့ သာသနာ နှစ်ခု
လိုက်နာရင်သာသနာ နှစ်ခု ပြုလိုက်တာပဲ
ပြောင်းပြန်လှန်လိုက်
ဘုရားရဲ့ အဆုံးအမ တစ်ခု ဖျက်ရင်
သာသနာ တစ်ခုဖျက်တာပဲ
ဘုရားရဲ့ အဆုံးအမ နှစ်ခုကို ဖျက်ရင်
သာသနာ နှစ်ခု ဖျက်လိုက်တာပဲ
သာသနာဆိုတာ ဘုရားလည်း မဟုတ်
ဘုရားကျောင်းလည်း မဟုတ်
စေတီလည်း မဟုတ်
ဗောဓိပင်လည်း မဟုတ်
ဘုရားရဲ့ အဆုံးအမကို ပြောနေတာ
အဆုံးအမကို လိုက်နာရင် သာသနာ ပြုနေတာ
ဘုရားရဲ့ အဆုံးအမကို မလိုက်နာရင် သာသနာဖျက်နေတာ
ရှင်းနေတာပဲလေ နော်
(မဟာဝိဟာရလှည်းကူးဆရာတော်ဘုရား၏ ဩဝါဒ)
No comments:
Post a Comment