ကိုယ့်စိတ်ချမ်းသာမှုကို သူများလက်ထဲမှာ ထည့်ထားလိုက်တယ်။
ပြီးတော့ သူများက ကိုယ့်ကို စိတ်ချမ်းသာအောင်
လုပ်ပေးမယ်လို့ မျှော်လင့်တယ်။
ကိုယ့်စိတ်မချမ်းသာတဲ့အခါ သူကငါ့ကိုစိတ်ဆင်းရဲအောင် လုပ်နေတယ်လို့ ပြောတယ်။
အမှန်က သူများက ကိုယ့်ကို လွှမ်းမိုးနိုင်အောင် ကိုယ်က သူ့ကို power ပေးလိုက်တာပဲ။
ကိုယ်ပေးထားလိုက်တဲ့ power ကို ပြန်ယူလိုက်ပါ။
ကိုယ့်ကို ဘယ်သူကမှ စိတ်ဆင်းရဲအောင် မလုပ်နိုင်တော့ရင် ဘယ်သူကမှ ကိုယ့်ကို အနိုင်ကျင့်လို့ မရတော့ဘူး။
အနိုင်ကျင့်တယ်ဆိုတာ များသောအားဖြင့် စိတ်ဆင်းရဲအောင် လုပ်တာပဲ။
ဘယ်သူ ဘာလုပ်လုပ် ကိုယ်က စိတ်မဆင်းရဲဘူးဆိုရင် နိုင်ချင်တဲ့သူက လက်လျှော့ရလိမ့်မယ်။
ကိုယ့်ကို ဘယ်သူမှ စိတ်ဆင်းရဲအောင် လုပ်လို့မရမှ
ကိုယ်က power ကြီးတဲ့သူ ဖြစ်သွားတာပဲ။
သူများကို နိုင်လို့ရတာကို power လို့ယူဆကြတယ်။ အဲဒါ စစ်မှန်တဲ့ power မဟုတ်ဘူး။
စစ်မှန်တဲ့ powerက ဘယ်သူမှ ကိုယ့်ကိုစိတ်ဆင်းရဲအောင် လုပ်လို့မရတာ။
သူ့ကို ငါတို့ စိတ်ဆင်းရဲအောင် လုပ်လို့မရဘူးလို့
သိသွားရင် ကိုယ့်ကို လွှမ်းမိုးဖို့ မကြိုးစားတော့ဘူး။
အဲဒါ သူ့အတွက်လည်း ကောင်းတယ်။
ကိုယ့်အတွက်လည်း ကောင်းတယ်။
သူကလည်း ကိုယ့်ကို လွှမ်းမိုးဖို့ မကြိုးစားဘူး။
ကိုယ်ကလည်း သူ့ကို လွှမ်းမိုးဖို့ မကြိုးစားဘူး။
နှစ်ဦးလုံး လွတ်လပ်တယ်။ စိတ်ချမ်းသာတယ်။
စိတ်ချမ်းသာချင်ရင် သူ့ကို လွတ်လပ်မှုပေးလိုက်ပါ။
မလွှမ်းမိုးပါနဲ့။ ကိုယ်လည်း သူလွှမ်းမိုးတာ မခံရအောင်နေပါ။ အဲဒါဟာ လွတ်လပ်တဲ့သူရဲ့ ဘဝနေနည်းပဲ။
ဆရာတော် ဦးဇောတိက (မဟာမြိုင် တောရ)
'' စိတ်ချမ်းသာဖို့ လိုရင်းပါ ''
No comments:
Post a Comment