ဒိဋ္ဌိသုံးမျိုးလုံး ကွာနေတယ်။
ဒိဋ္ဌိကို အထူးခွာနေစရာ မလိုတော့ပါဘူး။
ဒိဋ္ဌိခွာပြီး ရှုနေတဲ့ ဝိပဿနာဟာ
အားကြီးတဲ့ ဝိပဿနာ ဖြစ်ပြီး
နိဗ္ဗာန်ထိ ပို့ဆောင်ပါတယ်။
ဝင်လေ, ထွက်လေ ရှုရင်း ဒိဋ္ဌိ ဘယ်လို ခွာသလဲ၊
ဘယ်လို ကွာနေသလဲ မေးခဲ့သည် ရှိသော်
ဝင်လာတဲ့ လေကလေးသည်
နှာသီးဖျားကို တိုးထိပြီး ပျက်သွားပါတယ်။
ပြန်ထွက်သွားတဲ့ လေကလေးလည်း
နှာသီးဖျားကို တိုးထိပြီး ပျက်သွားပါတယ်။
ထိုကဲ့သို့ အပျက်ကို မြင်တိုင်း, မြင်တိုင်း
ရုပ်နာမ်တွေကို
ခိုင်တယ်, မြဲတယ် လို့ ယူထားတဲ့
#သဿတဒိဋ္ဌိစင်ပါတယ်။
ဝင်လေ, ထွက်လေနဲ့ ဖြစ်နေတဲ့
နှာခေါင်းက ရုပ် ...
သိနေတဲ့ စိတ်ကလေးက နာမ် ...
ရုပ်နာမ် ပဲလို့ သိရင်၊
ရုပ်နာမ် အပေါ်မှာ ငါ, သူတစ်ပါး,
ယောက်ျား, မိန်းမ
ပုဂ္ဂိုလ်, သတ္တဝါ လို့ ယူထားတဲ့
#သက္ကာယဒိဋ္ဌိစင်ပါတယ်။
ဝင်လေလေးဟာ
ဝင်လာပြီးနောက် ပျက်သွားပေမဲ့
ထွက်လေကလေးက
အစားထိုးပြီး ဖြစ်လာတာကို သိရင်
#အပြတ်ယူတဲ့_ဥစ္ဆဒေဒိဋ္ဌိစင်ပါတယ်။
ရုပ်နာမ်တွေဟာ
တစ်ခု ဖြစ်လိုက်, တစ်ခု ပျက်လိုက်
တစ်ခု အစားထိုးလိုက်နဲ့
ဓမ္မအစဉ်တွေ တန်းနေတာပါလား ...
ရုပ်နာမ် အကြောင်းအကျိုးတွေ
အစဉ် တန်းနေတာပါလား လို့
အကြောင်းအကျိုးအပေါ်ဉာဏ်နဲ့ရှင်းပြန်တော့
#ဝီစိကိစ္ဆာစင်ပါတယ်။
ဒါကြောင့် ဝင်လေ, ထွက်လေ ရှုမှတ်ခြင်းရဲ့
အကျိုးကျေးဇူးက များလှပါတယ်။
တရားထိုင်တဲ့ အခါ
ဘာရှုရမှန်း မသိဘူး လို့ မငြီးပါနဲ့။
အမေ မွေးကတည်းက သေတဲ့အထိ
မိမိနဲ့အတူ ရှိနေတဲ့
ဝင်လေ, ထွက်လေ လေးကိုသာ
သတိကပ်၍ ရှုမှတ်နေပါ။
သွား, ရပ်, ထိုင်, လျောင်း ...
အရိယာပုဒ်တိုင်းမှာ ရှုမှတ်လို့ ရပါတယ်။
ကျန်တာတွေ မရှုရတော့ဘူးလား လို့ မေးရင်
#မိမိခန္ဓာမှာ_ဘာပေါ်ပေါ်_ရှု့လို့ ရပါတယ်။
အဖြစ်ကိုမြင်တိုင်းမြင်တိုင်း ဥစ္ဆေဒိဋ္ဌိစင်ပြီး
အပျက်ကိုမြင်တိုင်း သဿတဒိဋ္ဌိစင်ပါတယ်။
ဘာမှ မပေါ်ရင် ဝင်လေ, ထွက်လေ လေးပဲ မှတ်နေပါ။
မိမိခန္ဓာကိုယ်ပေါ်က ပြလာရင်
ပြတဲ့ နေရာလေးကို
ဉာဏ်ကလေးနဲ့ ကြည့်လိုက်ပါ။
#ရှေ့ကပေါ်လာတာက_အရှု့ခံ
#နောက်ကသိပေးလိုက်တာက_ရှု့တဲ့ဉာဏ်ပါ။
#နောက်ကအရှု့ဉာဏ်လေးနဲ့_သိပေးလိုက်တိုင်း
ရှေ့ကပေါ်နေတဲ့ရုပ်နာမ်ကပျက်သွားပါတယ်။
{ ကျေးဇူးတော်ရှင်
မိုးကုတ်ဆရာတော်ဘုရားကြီး }
စာ၊ ပုံတော် လေးစားစွာ ခရက်ဒစ်ပါ ဘုရား 🙏
No comments:
Post a Comment