၃၈ဖြာ မင်္ဂလာပုံပြင်​များ.. ၂

🍃 ၃၈ ဖြာ မင်္ဂလာပုံပြင်များ..🍃
         ****   ^^^   ****
၂ . ပညာရှိကို ဆည်းကပ်ခြင်း
*********************
Association with the wise.

   ပညာရှိကို ဆည်းကပ်ခြင်းသည် ကြီးပွားခြင်းအလုပ်တစ်ခု ( ၀ါ ) မင်္ဂလာတစ်ပါးဖြစ်သည်။

  တစ်ရံရောအခါ ဗာရာဏသီအနီးရှိ လက်သမားရွာကြီး တစ်ရွာ၌ လက်သမားတစ်ထောင် နေထိုင်ကြသည်။ ထိုသူတို့သည် ထိုရွာ၌ ကြာမြင့်စွာ နေထိုင်လာခဲ့ကရာမှ လုပ်ငန်းများ မအောင်မြင် ဖြစ်လာသည်။

   ဆက်လက်နေထိုင်ရန် မသင့်လျော်သောကြောင့် တခြားအရပ်သို့ ပြောင်းရွှေ့နေထိုင်ရန် စီစဉ်ကြသည်။ လှေကြီးတစ်စီးပြုလုပ်ကာ မိသားစုများကိုပါ တင်ဆောင်၍ ရေလမ်းခရီးဖြင့် ထွက်ခွာလာကြသည်။

   သူတို့သည် သမုဒ္ဒရာအလယ်၌ ဆန်ရေစပါးနှင့် သီးနှံမျိုးစုံပေါများသော ကျွန်းတစ်ကျွန်းကို တွေ့ကြသည်။ ထိုကျွန်းတွင် သင်္ဘောပျက်သဖြင့် ဦးစွာရောက်နှင့်နေသော ယောက်ျားတစ်ယောက်ကိုလည်း တွေ့သည်။ ထိုသူက ဤကျွန်းမှာ အစားအစာ ပေါများကြောင်း.. သို့ရာတွင် နတ်များစောင့်ကြောင်း ပြောပြသည်။

   တဖန်..နတ်များသည် လူသားတို့၏ ကျင်ကြီးကျင်ငယ်တို့ကို စက်ဆုပ်ကြသည်။ ဤကျွန်းတွင် နေလိုပါက ကျင်ကြီးကျင်ငယ်တို့ကို စနစ်တကျ စွန့်ဖို့လိုကြောင်း..
သဲများကို ယက်၍တွင်းပြုပြီးမှ စွန့်သင့်ကြောင်း..
ကျင်ငယ်တို့ကို သဲဖြင့်ပြန်၍ ဖုံးအုပ်ရမည်ဟူ၍ .... သတိပေးပြောဆိုသည်။

   လက်သမားတို့သည် ထိုကျွန်း၌ပင်  နတ်တို့အလိုကျ စနစ်တကျ နေထိုင်ကြသည်။ လက်သမားတစ်ထောင်အနက် ငါးရာစီကို ခေါင်းဆောင်နှစ်ဦးက အုပ်ချုပ်ကြသည်။ ခေါင်းဆောင်နှစ်ဦးတွင် တစ်ဦးက ပညာရှိသည်။ တစ်ဦးကား ပညာမဲ့သည်။ လက်သမားတို့သည် ကျွန်းပေါ်တွင် အခြေချ နေထိုင်ရာမှ အတန်ကြာသော် ပညာမဲ့ ခေါင်းဆောင်နှင့် ငယ်သားများသည် အရက်များချက်၍ သောက်စားမူးယစ်လာကြသည်။ ကျင်ကြီးကျင်ငယ်တို့ကိုလည်း စည်းကမ်းတကျ မစွန့်ပစ်ကြတော့ပေ။ ထင်သလိုစွန့်ကြလေသည်။

   သို့အတွက် ကျွန်းစောင့်နတ်တို့သည် လွန်စွာအမျက်ထွက်ကြလေသည်။ ၁၅ ရက်လွန်မြောက်လျှင် သမုဒ္ဒရာရေကို တက်စေ၍ ကျွန်းဆေးအံ့.. လူအများကို သေစေအံ့ဟု စီစဉ်ကြသည်။ ကျွန်းစောင့်နတ်တို့အနက် နတ်ကောင်းတစ်ပါးသည် လူအများ သေကျေပျက်စီးမည်ကို မလိုလားပေ။ ထို့ကြောင့် ကျွန်းနေလက်သမားများထံ လာ၍ ၁၅ ရက် မတိုင်မီ ထွက်ပြေးကြရန် သတိပေးလေသည်။

ထို့နောက် နတ်ဆိုးတစ်ပါး ရောက်လာပြန်သည်။ ထိုနတ်ဆိုးသည် လူအများတို့ကို သေကျေပျက်စီးစေလို၍...
"" ဤကျွန်းတွင် ဆက်လက်နေထိုင်ကြပါ။ ဘေးမရှိပါ .."" ဟု ပရိယာယ်ဖြင့် ပြောဆိုလေသည်။

   ဤတွင် ပညာရှိခေါင်းဆောင်က စဉ်းစားချင့်ချိန်ပြီးလျှင် သူ၏ ငယ်သားများအား လှေတို့ကို အဆင်သင့် စီစဉ်ထားစေသည်။ ပထမနတ်၏ စကားမှန်သော ရေတက်လာပါက လှေဖြင့်ထွက်ခွာကြမည်။
ဒုတိယနတ်၏ စကားမှန်သော် လှေတို့ကို သင့်လျှော်ရာ၌ထား၍ ဤကျွန်းမှာပင် ဆက်လက်နေကြမည်ဟု အဖော်လက်သမားများအား ပြောဆိုမှာထားလေသည်။

   ထိုစကားကို ပညာမဲ့ ခေါင်းဆောင်ကလက်မခံ။ အလုပ်ကိုမလုပ်။ "" ပထမနတ်သားသည် သူတို့ကိုမုန်း၍ ပြောဆိုနေခြင်းဖြစ်သည်။ ဒုတိယနတ်သားသည် ချစ်၍ပြောဆိုခြင်းသာဖြစ်မည်.. ဤကျွန်းမှ မစွန့်ခွာနိုင်။ လှေပြုလုပ်ရန်မလို "" ဟုဆို၏။
ဆိုသည့်အတိုင်းလည်း လှေမလုပ်ဘဲ ငယ်သားများနှင့်အတူ သောက်စားမူးယစ်၍သာ နေ၏။

၁၅ ရက်စေ့သော် ပထမနတ်သား ပြောသည့်အတိုင်း သမုဒ္ဒရာရေတို့သည်  ကျွန်းပေါ်သို့ တရိပ်ရိပ်တက်လာသည်။ ခါးလယ်ခန့်ရောက်သောအခါ ပညာရှိခေါင်းဆောင်နှင့် ငယ်သားငါးရာတို့သည် လှေကြီးပေါ်သို့တက်၍ ဘေးကင်းစွာ ထွက်ခွာသွားကြလေသည်။

   ပညာမဲ့ခေါင်ဆောင်နှင့် ငယ်သားများမှာမူ မမှုကြ။ ဤရေတို့သည် ခါးလယ်အထိသာရောက်ပြီး ပြန်ကျသွားလိမ့်မည်ဟု ထင်မှတ်ကြသည်။ သို့ရာတွင် သူတို့ထင်ထားသကဲ့သို့မဟုတ်.. ။ သမုဒ္ဒရာရေတို့သည် တစ်စတစ်စနှင့် ထန်းတစ်ဖျားတိုင်အောင် တက်လာလေ၏။ ပညာမဲ့ခေါင်းဆောင်နှင့် တကွ ထိုသူကိုဆည်းကပ်သူ ငယ်သားငါးရာစလုံး ရေနစ်သေဆုံးကြရလေသည်။

ကျမ်းကိုး >> ငါးရာ့ငါးဆယ် သမုဒ္ဒ၀ါဏိဇဇာတ်

    ✏ မင်းယုဝေ

၃၈ဖြာ မင်္ဂလာပုံပြင်​များ

၃၈ ဖြာ မင်္ဂလာပုံပြင်​များ
၁.. သူမိုက်​ကို မ​ပေါင်း​ဖော်​ခြင်း
*** *** *** *** *** ***
Non - Association with Bad Characters

   သူမိုက်​ကို မ​ပေါင်း​ဖော်​ခြင်းသည်​ မင်္ဂလာတစ်​ပါးဖြစ်​၏။

   ​ရှေးသ​ရောအခါ ​ဗာရာဏသီပြည်​တွင်​ ဒဓိဝါဟနမင်း စိုးစံသည်​။
   တစ်​​နေ့သ၌ မင်းသည်​ မြစ်​ထဲ၌​မျောပါလာ​သော ​ရွှေ​ရောင်​အဆင်းရှိသည့်​ သရက်​သီးတစ်​လုံးကို ရရှိသည်​။ ထိုသရက်​သီးကို  သုံး​ဆောင်​ကြည့်​ရာ ချိုမြိန်​၍ ထူးခြား​ကောင်းမွန်​​သော အနံအရသာနှင့်​ ပြည့်​စုံသည်​ကို သိရသည်​။   ထိုသရက်​သီးကို စားပြီး အ​စေ့ကို ဥယျာဉ်​၌ နို့ရည်​​လောင်း၍ စိုက်​ပျိုး​စေ၏။  သုံးနှစ်​ကြာ​သော်​ ထိုသရက်​ပင်​သည်​ အလွန်​ချိုလှသည့်​ သရက်​သီးကို သီး၏။

  မင်းသည်​ သရက်​သီးများကို ကိုယ်​တိုင်​လည်း သုံး​ဆောင်​သည်​။ တချို့​သော တခြားမင်းများထံသို့လည်း လက်​​ဆောင်​​ပေးသည်​။ သို့ရာတွင်​ မျိုးပွားမည်​ စိုး​သော​ကြောင့်​ လက်​​ဆောင်​မ​ပေးမီ သရက်​သီး၏ အညွန့်​အ​ညှောင့်​ဖြစ်​မည့်​​နေရာကို ဖားရိုးစူးနှင့်​ထိူးပြီးမှ ​ပေးပို့သည်​။

    လက်​​ဆောင်​ရလာ​သော မင်းတို့သည်​ သရက်​သီးကို စား၍ အ​စေ့ကိုစိုက်​​စေသည်​။ အပင်​မ​ပေါက်​​ပေ။ မင်းတစ်​ပါးသည်​ သရက်​သီး၏ အရသာကို ခါး​အောင်​လုပ်​နိုင်​​သော ဥယျာဉ်​မှူးတစ်​ဦးကို ဒဓိဝါဟနမင်းထံ ​စေလွှတ်​သည်​။ ဥယျာဉ်​မှူးအဖြစ်​ ခစား​စေသည်​။

   ထိုဥယျာဉ်​မှူးသည်​ သရက်​ပင်​အနီး၌ တမာ ​ခွေး​တောင်​ပင်​တို့ကို စိုက်​၏။ ထိုအပင်​တို့ ကြီးထွား၍ သရက်​ပင်​အမြစ်​နှင့်​ ​ရောယှက်၍ သွားသည်​။ ထိုသရက်​ပင်​၏ အသီးများ ခါးသွားကြသည်​။ ဥယျာဉ်​မှူှးုလည်း ထွက်​​ပြေးသွား​လေသည်​။
  
   ဒဓိဝါဟနမင်းသည်​ သရက်​သီးများ ခါးလာ​သော အ​ကြောင်းရင်းကို ဘုရား​လောင်​ပညာရှိ အမတ်​အား စူးစမ်း​စေသည်​။
   ပညာရှိအမတ်​က.... "" တမာပင်​ ​ခွေး​တောက်​ပင်​တို့​ကြောင့်​ သရက်​သီးခါးရပါ၏.."" ဟု​လျှောက်​သည်​။
 
   ထို့​နောက်​ ထိုအပင်​တို့ကို အမြစ်​နှင့်​တကွ နှုတ်​​စေပြီး ​မြေသြဇာသစ် ​၊ ​မြေသြဇာ​ကောင်းများ ​ကျွေး​မွေး​စေသည်​။ နို့ရည်​၊ သကာရည်​၊ နံ့သာရည်​ တို့ဖြင့်​ သွန်း​လောင်း​စေသည်​။ သို့ဖြင့်​ ​နောက်​ထပ်​၍ သရက်​သီးများ သီးလာ​သောအခါ သရက်​သီးတို့သည်​ မူလအတိုင်း ချိုမြိန်​လာသည်​။ ထူးကဲ​သော အနံအရသာနှင့်​ ပြည့်​စုံလာ​လေသည်​။

    ထိုအခါ ပညာရှိတို့က ...
       "" အသက်​မဲ့​သော အရာပင်​လျှင်​ မ​ကောင်း​သော အ​ပေါင်းအ​ဖော်​နှင့်​ ​ပေါင်း​ဖော်​ရ၍ ပျက်​စီးခဲ့ရ​သေးသည်​။ အသက်​ရှိ​သော သတ္တ၀ါတို့ကား မ​ကောင်း​သော အ​ပေါင်းအ​ဖော်​နှင့်​ ​ပေါင်း​ဖော်​​သော်​ အဘယ်​ဆိုဖွယ်​ရာ ရှိအံ့နည်း..။""
                  ဟူ၍ ဆိုကြ​လေသည်​။

    }}}  ကျမ်းကိုး -ငါးရာ့ငါးဆယ်​
              ဒဓိဝိဟနဇာတ်​ {{{
       ✏ မင်းယု​ဝေ

ဆား​တောင်​ဆရာ​တော်​ကြီး၏အဆုံးအမ

ဆားတောင်ဆရာတော်ကြီး၏အဆုံးအမ
==========================
၁။ ဘယ်လိုပုဂ္ဂိုလ်ဖြစ်ဖြစ် တရားကတော့အားထုတ်ရမှာပဲ။ အားထုတ်ခွင့်ကြုံတုန်း အားထုတ် ကြ၊ သာသနာပပြီဆိုတော့ဝိပသာနာနဲ့တွေ့ရတာမဟုတ်ဘူး။ဒီတော့ပိုနစ်နာတယ်။

၂။ တရားအားထုတ်ဖို့တော့မအားဘူး။ မအားဘူးလို့ပြောကြတယ်။
သေချိန်ကျလာလို့မသေချင်သေးဘူးလို့ပြောလို့ရတာ မဟုတ်ဘူး။ မအားဘူးလို့ ပြောလို့ ရတာ မဟုတ်ဘူး။

၃။ တရားအားထုတ်တယ်ဆိုတာအားနဲ့မာန်နဲ့ထုတ်ရတယ်။ မသေချာမရေရာဘူးလို့ပြောလို့ ရတဲ့ အလုပ်တွေတောင်မှဟုတ်နိုးနိုးနဲ့သက်စွန့်စံဖျားလုပ်နေရတာပဲ။သေချာရေရာတဲ့အလုပ် ဘာပဲလုပ်စရာရှိလဲ။ ဆင်းရဲတစ်ဘ၀ပေါ့။ တစ်ဘ၀တောင်မှခဏလေးပါ။

၎။ ထိတိုင်းထိတိုင်း သိနေပါစေ။ ကိလေသာကြားမခိုစေနဲ့။

၅။ တရားအားထုတ်တယ်ဆိုတာတမင်းစားသလိုပဲ။ မဆာလည်းစား၊ ဆာလည်းစား။ စားကောင်းလိမ့်မယ်ထင်ပေမယ့် တကယ်စားတော့မြိန်ချင်မှမြိန်တာ။ မကောင်းဘူးထင်လို့ လည်း တကယ်စားတော့ မြိန်ချင်မြိန်တာ။ ဒီတော့မထုတ်ချင်လည်းထုတ်၊ ထုတ်ချင်လည်း ထုတ်ပေါ့။

၆။ ၀ိပသာနာ တရားအားထုတ်ရတာ အလွန်ကောင်းပါတယ်။ အ၀တ်လဲပြောင်းစရာမလိုဘူး။ ဂူထဲအောင်းစရာမလိုဘူး။ ပုထုဇဉ်စရိုက်မူပြောင်းဖို့လိုတယ်။

၇။ ကိုယ့်ခန္ဓာ ကိုယ်ရူနေတော့ အမူပွေတာပေါ့။

၈။ မ်ိမိခန္ဓာက ဖြစ်ပေါ်နေတဲ့ ဝေဒနာကိုသည်းခံရူမှတ်နိုင်မှ ပတ်ဝန်းကျင်ရဲ့လောကဓံကိုလည်း ခံနိုင်ရည်ရှိမှာပဲ။

၉။ တရားအားထုတ်တဲ့အခါ ကိလေသာကြာမခိုအောင် နှာသီးဝလေကို ထိတိုင်းသိနေပါစေ။
ထိတဲ့ပေါ် သတိထား၊သတိထားရင် တရားမြင်မယ်၊ သတိမထားရင် အမှားဝင်မယ်။

၁၀။ အရိယာသူတော်ကောင်းတို့ဆိုတာ ရုပ်ရယ်၊ နာမ်ရယ်၊ တရားရယ် ဒီသုံးဦးနဲ့ပဲ အဖော်ပြု နေတာပါ။ သူတို့မှာပျင်းတယ်မရှိပါဘူး။

၁၁။ လူ၏သာဓုခေါ်၊ နတ်သာဓုခေါ်လောက်နဲ့ ကျေနပ်တင်းတိမ် မနေကြနဲ့။ ဘုရား၊ ရဟန္တာ အရိယာပုဂ္ဂိုလ်တွေ ချီးမွမ်းတဲ့အထိ ဖြစ်ပါစေ။

၁၂။ ပထမတော့ တရားကို လူကဦးဆောင်တယ်။ နောက်တော့ တရားက လူကိုဦးဆောင် တယ်။ အဒီအချိန်မှာ လူက တရားနောက်လိုက်ဖို့လိုတယ်။

၁၃။ ခန္ဓာကတော့ သူ့တရားသူပြနေတာပဲ။ လောဘ၊ ဒေါသ၊ မောဟ ဖုံးနေတော့ ဘာမှမသိ လိုက်ရဘူး၊

၁၄။ အားကိုးမမှားစေနဲ့၊ မ်ိမိကိုယ်ကို အားကိုးရမယ်။

၁၅။ ဘာမဆ်ို အတွင်းက အေးနေအောင်လုပ်ရတယ်။ အပြင်ကဘယ်လောက်ပူပူ အတွင်းက အေးနေတော့အေးတာပဲ။ အပြင်က ဘယ်လောက်အေးအေး အတွင်းကပူတော့ ပူတာပဲ။

၁၆။ တရားနှင့်အိပ်စက်ခြင်း၊ တရားနှင့်နိုးထခြင်း၊ တရားနှင့်မွေ့လျော်ခြင်း၊ ဒါ အပ္ပမာဒ တရားပဲ။

၁၇။ လောကီချမ်းသာက တစ်ဘ၀တစ်နပ်စာ။ လောကုတ္တရာချမ်းသာမှ တစ်သံသရာလုံး အေးတာ။ တစ်ဘ၀တစ်နပ်စာလုပ်နဲ့။ တစ်ဘ၀သံသရာစာလုပ်ကြ။

၁၈။ မကောင်းတာလုပ်တာသာကြောက်ရမှာ။ ကောင်းတာလုပ်တာကြောက်စရာမလိုဘူး။ မကောင်းတာတောင် ရဲရဲလုပ်ရဲရင် ကောင်းတာလုပ်တာ ဘာမရဲစရာရှိသလဲ။

၁၉။ မဟုတ်လည်းသည်းခံ၊ ဟုတ်လည်းသည်းခံရမှာပဲ။ ခံရမည့်အတူတူတော့ အခုကတည်း က ခံလိုက်တော့ သံသရာပြတ်တာပေါ့။

၂၀။ လောဘ၊ ဒေါသ၊ မောဟကင်းအောင် ပြတ်အောင်လုပ်ကြ။ ဖြစ်အောင်လည်း မလုပ်နဲ့၊ ပျက်အောင်လည်းမလုပ်နဲ့။ ဖြစ်အောင်လုပ်တာ လောဘ၊ ပျက်အောင်လုပ်တာက ဒေါသ။ ဖြစ်တာပျက်တာ မသိတာက မောဟ။

၂၁။စိတ်ကဖြတ်လို့ပြတ်တာမဟုတ်ဘူး။ တရားက ဖြတ်မှပြတ်တာ။ တရားရှိအောင် အားထုတ်ကြ။ တရားရှိတော့ တရားကပဲဖြတ်ပေးတယ်။ ပြတ်ပေးတယ်။ ပယ်ပေးတယ်။

၂၂။ အမြတ်က မရူံးစေနဲ့၊ အရူံးကသာ မြတ်ပါစေ။ အကုသိုလ်က ကုသိုလ်ဖြစ်ပါစေ။ ကုသိုလ်က အကုသိုလ်မဖြစ်စေနဲ့။

၂၃။ ပုထုဇဉ်တွေ မကောင်းတာလုပ်တာများ အဆန်းလုပ်မနေနဲ့။ အခုလည်း မကောင်းတာလုပ်နေသလို နောင်လည်း မကောင်းတာလုပ်နေဦးမှာပဲ။ သူတို့မကောင်းတာ ကိုယ်နဲ့ဘာဆ်ိုင်သလဲ။ ကိုယ့်တရားကိုယ်ရူဖို့ပဲလိုတယ်။

၂၄။ ဘုရားစကား နားလည်အောင်လုပ်၊ ဘုရားစကားနားလည်ရင် လောကစကားတွေအားလုံး နားလည်တယ်။

၂၅။ နိဗ္ဗာန်မဂ်ဖိုရလိုကြောင်း ဆုတောင်းခဲ့တာများပြီ။ ၀ိဇ္ဇာဥာဏ်မပါ၊ ဓမ္မတာတောင်းမို့၊ အာညောင်းရုံပဲ မောဖတ်တင်မည်။ ဒါနပြုကာ အခါခါတောင်းလဲ၊ ငါကောင်းချင်မှု ခုခံနေသည်။ ငါတစ်လုံးပယ်ကာ၊ ကွယ်ကာပေးမှ လွန်စွာမနှေး နိဗ္ဗာန်မြင်မည်။

Credit to ကိုယ့်စိတ်ကိုစစ်ဝိပဿ    နာရိပ်သာ

သီလပျက်​ကပြစ်​ငါးဝ

သီလပျက်​က ပြစ်​ငါးဝ
** ** ** ** ** **
၁. သီလပျက်​သူသည်​ ​မေ့​မေ့​လျော့​လျော့ များခြင်း​ကြောင့်​ ဥစ္စာစီးပွား ဆုံးရှုံးသွား၏။

၂. ​ဆွေဂုဏ်​ မျိုးဂုဏ်​ ပျက်​​အောင်​ မ​ကောင်းသတင်း ထွက်​လာတတ်​၏။

၃. မည်​သည့်​ပရိတ်​သတ်​၊ မည်​သည့်​အစည်းအ​ဝေးမဆို မျက်​နှာညှိုးငယ်​ သွားရတတ်​၏။

၎. ​တွေ​တွေ​ဝေ​ဝေ ​သေဆုံးရတတ်​၏။

၅. ​သေပြီး​နောက်​ အပါယ်​ ( ၄ )ပါး သို့ ​ရောက်​ရ၏။

              ✏ သာမ​ဏေ​ကျော်​

နောင်​ပွင့်​လတ္တံ​သောဘုရား​ပေါင်း

နောင်​ပွင့်​လတ္တံ့ ​သော ဘုရား​ပေါင်း ရင့်​မှာ တစ်​ကျိပ်​ ( ၁၀ )
******************************
၁. ​မေတ္တယျ
၂. ရာမ
၃ . ပေဿနဒီ
၎ . အဘိဘူ
၅ . ဒီဃ​သောဏိ
၆ . စင်္ကီ
၇ . သုဘ
၈ . ​ေတာ​ေဒယ်
၉ . နာဠာဂီရိ
၁၀ . ပါလိ​ေလယ်။

*** ဒဿုတ္တရာ ပဉ္စသတာ ၊ ​ဗောဓိသတ္တာ ၊  သမူဟ​တော။
       ဧ​တေ အနုက္ကမာ​စေ၀ ၊ အ၀​သေသာ နာနုက္ကမာ ။ ***

ရင့်​မှာတစ်​ကျိပ်​ ၊ နုမှာငါးရာ၊ ​နောင်​လာရှစ်​​သောင်း ဘုရား​ပေါင်း..။

       🙇​သောတတ္ထကီကျမ်း ၆၂၉
        ဘဒ္ဒန္တဥာဏာဘိဝံသ

အမြဲဆင်​ခြင်​အပ်​​သောအရာ

အမြဲဆင်​ခြင်​အပ်​​သောအရာ ( ၅ )မျိုး
***••***••***••***••***••***
၁. ဇရာ... အိုခြင်းသ​ဘောတရားကို မလွန်​​မြောက်​နိုင်​။

၂. ​ဗျာဓိ... နာခြင်းသ​ဘောတရားကို မလွန်​​မြောက်​နိုင်​။

၃. မရဏ... ​သေခြင်းသ​ဘောတရားကို မလွန်​​မြောက်​နိုင်​။

၎. နာနာဘာဝ ၀ိနာဘာဝ... = ချစ်​အပ်​​သော အရာအားလုံးနှင့်​ ​သေကွဲရှင်​ကွဲ ကွဲရလိမ့်​မည်​။

၅. ကမ္မဿကတဥာဏ်​ .. ​ကောင်းမှု၊ မ​ကောင်းမှု မိမိပြု​သော ကံ၏ အ​မွေခံတို့သာ ဖြစ်​ကြလိမ့်​မည်​။

           🙇 အဘိဏ္ဏသုတ်​ 🙇

ကိုးကွယ်​ဆည်းကပ်​ထိုက်​​သော

ကိုးကွယ်​ဆည်းကပ်​ထိုက်​​သော ရဟန်း၏ အင်္ဂါ ( ၁၀ ) ပါး
***"***"***"***"***"***"***"***"***"***"***
၁. သီလဖြူစင်​ ချစ်​ခင်​အပ်​ခြင်း။
၂. ဒါယကာ၊ ဒါယိကာမတို့ နှလုံးကို  ပွား​စေအပ်​ခြင်း
၃. ​ကျောက်​ထီးတန္တု အ​လေးဂရုပြုအပ်​ခြင်း။
၎. ​မေတ္တာစိတ်​ဖြင့်​ ပွား​စေအပ်​ခြင်း။
၅. လိမ္မာယဉ်​​ကျေး​အောင်​ ဆုံးမတတ်​ခြင်း။
၆. သူတစ်​ပါးတို့၏ အဆိုးကို သည်းခံနိုင်​ခြင်း။
၇. ပဋိစ္စသမုပ္ပါဒ်​စသည်​နှင့်​စပ်​​သော နက်​နဲ​သော တရားစကားကို ​ဟော​ပြောနိုင်​ခြင်း။
၈. မ​လျော်​​သော ​လောကီသင်္ခါရ ကုသိုလ်​ ၊ အကုသိုလ်​အရာ၌ မတိုက်​တွန်းခြင်း။
၉. ၀ိပဿနာနှင့်​ယှဉ်​​သော အဓိသီလ၌ ​ဆောက်​တည်​​စေခြင်း။
၁၀. သတိပဋ္ဌာန်​​လေးပါး ၊ ​ဗောဓိပက္ခိယတရား သုံးဆယ့်​ခုနစ်​ပါးတို့ကို ပွားများ​လေ့လာခြင်း၌ ​ဆောက်​တည်​​စေခြင်း။

         🙇စူဠနိ​ဒ္ဒေယ ပါ ၁၆၄၊ ပါရာနယ၀ဂ်​ ***

ကုသိုလ်​​လေးမျိုးစုံ မစုံ စစ်​​ဆေး

ကုသိုလ်၎မျိုးစုံ မစုံ စစ်ဆေးကြည့်
••••••••••••••••••••••••••••••

ညအိပ်ယာဝင်ပြီဆိုရင် အရင်ဆုံး ဒါန၊ သီလ၊ သမာဓိ၊ ဝိပဿ    နာကုသိုလ် လေးမျိုးစုံ မစုံ ကိုယ့်ဟာကိုပြန်စစ်ဆေးကြည့်။
ကုသိုလ်လေးမျိုးစုံသွားပြီဆိုရင် အိပ်ချင်လည်းအိပ်တော့။
အဲဒိလိုဆိုရင် တစ်နေ့တာအတွက် နေ့တွက်ကိုက်သွားပြီ။

ကုသိုလ်လေးမျိုးမစုံသေးဘူး၊ လိုနေသေးတယ်ဆိုရင် မအိပ်နဲ့ဦး။
ချက်ချင်းဘုရားကျောင်းဆောင်ရှေ့ကိုသွား၊

♠ ဘုရားကို သောက်တော်ရေကပ်၊ ဆီမီးကပ်၊ ရေကတော့ အချိန်မရွေး ကပ်လို့ရတယ်။
အဲဒိလိုဆိုရင် ဒါနဖြစ်သွားမယ်။ (ဒါန)

♠ သရဏဂုံ သီလဆောက်တည်။(သီလ)

♠ ထွက်လေ ဝင်လေ ရှု့မှတ်၊ ဘုရားဂုဏ်တော်ပွားများ။ (သမာဓိ)

♠ ခန္ဓာအရှိကို ဉာဏ်နဲ့ သေသေချာချာကြည့်ရှု့သုံးသပ်။ (ဝိပဿ    နာ)

ညအိပ်ယာဝင်ခါနီးမှာ ကုသိုလ်လေးမျိုး တစ်ခါတည်းစုံသွားတယ်နော်။

ညအိပ်ယာဝင်တာဟာ အသေလေး သေတော့တာတဲ့။

မနက်အိပ်ယာက ထလာတာ ဘဝသစ်ကလေး ပြန်စတာတဲ့။

အသေလေးသေခါနီး ကုသိုလ်လေးမျိုးမစုံရင် ချက်ချင်းပြန်ဖြည့်လို့ရတယ်။

အသေကြီးသေခါနီးရောက်ရင်တော့ ကုသိုလ်လေးမျိုးမစုံရင် ပြန်ဖြည့်လို့မရတော့ဘူး။

♤ တိပိဋကဓရ ယောဆရာတော်ဘုရားကြီး

Credit to original uploader.

မာရ်​ငါးပါး

မာရ်​ ( ၅ ) ပါး
**´`**´`**´`**
၁ . တစ်​​ထောင့်​ငါးရာ ကိ​လေသာသည်​
      #ကိ​လေသာမာရ်​မည်​၏။

၂. ကုသိုလ်​ ၊ အကုသိုလ်​ကံသည်​
     #အဘိသင်္ခါရမာရ်​မည်​၏။

၃. မာရ်​နတ်​သည်​ ​ ​​ဒေ၀ပုတ္တမာရ်​မည်​၏။

၎. ခန္ဓာငါးပါးသည်​  ​ခန္ဓမာရ်​မည်​၏။

၅. ​သေခြင်းတရားသည်​  ​မစ္စုမာရ်​မည်​၏။

           📚ခန္ဓသံယုတ်​၊ မာရသုတ်​၊

ရေချိုး​ပေးပါ

ရေချိုး​ပေးပါ
********
** အမိဝမ်းမှ ကျွတ်​လွတ်​စတွင်​ ငါ့ရုပ်​ခန္ဓာ မသန့်​ပါ၍ ဦးစွာပထမ ​ရေချိုးရ၏။

** ထိုမှတဆင့်​ ကြီးရင့်​၍လာ ဤချိန်​ခါထိ ငါသည်​ ​ရေချိုး​နေရဆဲ။

** ဤမျှမပြီး ဇရာစီး၍ ခရီးလမ်းဆုံး အသက်​သုဉ်းလျှင်​ ​နောက်​ဆုံး​ရေချိုးရအုံးမည်​။

** ​သြော်​...
     ငါ့ရုပ်​ခန္ဓာ အ​ဖြေရှာ၍ ​သေချာ​စေ့ငု သတိပြုမှ အသုဘကြီးပါတကား။

   }} အသျှင်​ပ၀ရ (ရန်​ကင်း​တောင်​) {{

မာန

မာန
÷••÷••÷
     နောက်တစ်ခုက ကိုယ့်ရဲ့အရည်အချင်း ကြည့်ပြီးတော့ လူတွေဟာ ကိုယ့်ရဲ့ အရည်အချင်းကို ထုတ်ဖော်ပြီး မာန်တက်တာတွေ ဖြစ်တတ်တယ်။ အဲဒါကို ။မာန။ လို့ ခေါ်တယ်။ ကိုယ့်ရဲ့ အရည်အချင်းက ကောင်းသည်ဖြစ်စေ၊ နိမ့်ကျသည် ဖြစ်စေ မာနဆိုတာ တက်လာတာ။ ကိုယ့်ရဲ့ အရည်အသွေးပေါ်မှာ အထင်အမြင်လေးတွေ ဖြစ်လာတာကို မာနလို့ ခေါ်တယ်။ ငါ လုပ်နိုင်တယ်၊ ငါ သွားနိုင်တယ်၊ ငါ စားနိုင်တယ်။ ဒီ ။။နိုင်။။တယ်ဆိုတာ မာန လို့ခေါ်တယ်။ မလုပ်နိုင်ဘူးလို့ ပြောရင်လည်း မာနပဲ။ မလုပ်နိုင်တာက ညံ့တဲ့ အရည်အချင်းပေါ့။

         မာနဆိုတာ သူတောင်းစားတောင် ရှိသတဲ့။ ကြားဖူးလား? တောင်းစားနေတဲ့ လူတစ်ယောက်ကို သူဋ္ဌေးတစ်ယောက်က မင်း တောင်းစားမနေနဲ့၊ ငါ့ခြံထဲလာ အမှိုက်ရှင်း၊ ငါ တစ်နေ့ ဘယ်လောက်ပေးမယ်။ သူတောင်းစားက ဘာပြောတုန်း? ။။ကျုပ်က သူတောင်းစားဗျ၊ ခင်ဗျား အလုပ်မလုပ်နိုင်ဘူးတဲ့။။တဲ့။ ခြံရှင်းတဲ့ အလုပ် မလုပ်နိုင်ဘူးတဲ့၊ ဒါမျိုး။ အဲဒါလည်း သူတောင်းစားမာန ခေါ်တာပဲ။ မာနဆိုတာ အမျိုးမျိုး၊ ကိုယ့်ကိုယ်ကို အထင်ရောက်တာ။ ကိုယ့်ရဲ့ အရည်အသွေး ကိုယ်အထင်ရောက်တာဟာ မာနပဲ။

          အဲဒီမာနဟာလည်း ကိုယ့်ကိုယ်ကို ချစ်ခင်မှု၊ ကိုယ့်ကိုယ်ကို ယုံကြည်မှုပေါ်မှာ အခြေခံပြီးတော့ ဖြစ်တာမို့လို့ လောဘနဲ့ ယှဉ်တွဲတယ်လို့ ပြောရတယ်။ ဒီ မာနဖြစ်ပေါ်လာပုံနဲ့ ပက်သက်လို့ ပြောရရင် ဒီမာနက ကောင်းတဲ့ မာနရှိတယ်။ ကောင်းတဲ့ မာနရှိတယ်ဆိုတာ အကောင်းဘက်ကို ဦးတည်သွားတဲ့ မာနကို ပြောတာ။ မာနကတော့ မကောင်းဘူးပေါ့။ သို့သော် အကောင်းဘက်ကို ဦးတည်သွားစေတဲ့ မာန၊ အဆိုးဘက်ကို ဦးတည်သွားစေတဲ့ မာနလို့ ဒီလို နှစ်မျိုး ခွဲနိုင်တယ်။

အကောင်းဘက်ကို ဦးတည်စေတဲ့ မာန
             ဒီပင်္ကရာမြတ်စွာဘုရားနဲ့ တွေ့တဲ့အခါ သုမေဓာရသေ့က ဘာပြောလဲ၊ ။။။ကိံ မေ ဧကေန တိဏ္ဏေန၊ ပုရိသေန ထာမ ဒဿိနာ။။။ - ငါလို စွမ်းရည်သတ္တိရှိတဲ့ လူတစ်ယောက်က ကိုယ်လွတ်ရုန်းသွားလို့ ဘယ်တော်မလဲ။။ သူ့ကိုယ်သူ သူရဲ့ စွမ်းရည်သတ္တိကို အထင်ကြီးတဲ့ မာနရှိတယ်။ ငါလိုလူက တစ်ယောက်တည်း ကိုယ်လွတ်ရုန်းလို့ ဘယ်တော်မလဲ၊ ။။ သဗ္ဗညုတံ ပါပုဏိတွာ၊ သံသာရေတွာ သဒေဝကံ။။ - ဘုရားအဖြစ်ကို ရောက်အောင်လုပ်ပြီး သတ္တဝါတွေ ကယ်တင်မယ်။။ တဲ့။
             အကယ်၍ ဒီပင်္ကရာ မြတ်စွာဘုရားထံမှာ တရားနာပြီး တရားကျင့်လိုက်ရင် သူဟာ ရဟန္တာ ဖြစ်နိုင်တယ်၊ ရဟန္တာဖြစ်နိုင်တဲ့ အရည်အချင်းမျိုးက သူ့မှာ ရှိပြီးသား။ ဘာလို့တုန်းဆို ဈာန်အဘိညာဉ်တွေ ရထားတဲ့ ပုဂ္ဂိုလ်တစ်ဦးပဲ။ သို့သော် သူက သူ့ရဲ့ စွမ်းရည်သတ္တိကို သူယုံကြည်တယ်လေ၊ အားကိုးယုံကြည်တဲ့ မာန်မာနကလေးက ဂေါတမ မြတ်စွာဘုရားအဖြစ် ရောက်အောင် ပို့ဆောင်ပေးလိုက်တာ။ အကောင်းဘက်ကို ဦးဆောင်တဲ့ မာနလို့ ခေါ်တယ်။ အဲဒီလို အကောင်းဘက်ကို ဦးဆောင်တဲ့ မာနမျိုးကတော့ ရှိသင့်တယ်လို့ ပြောတာ။ ရှိသင့်တယ်ဆိုတာ သူ့ကြောင့် ကောင်းကျိုးချမ်းသာ ရနိုင်တယ်လို့ ပြောတာနော်။ အကုသိုလ်တော့ အကုသိုလ်ပဲပေါ့။
               
           ဒီမာနက အမျိုးမျိုးရှိတယ်။ မထားရမယ့် မာနကတော့ ဘယ်လိုဟာတုန်းဆိုရင် ။။ ငါ အတတ်ဆုံးပဲ၊  ဘယ်ကောင်မှ ဂရုစိုက်စရာ မလိုဘူး။။ ဆိုတဲ့ မာနမျိုး။ ။။ငါ့လောက် တော်တဲ့လူ မရှိဘူး၊ ဘယ်သူ့ကိုမှ ဂရုမစိုက်ဘူး I don't care ။။ ဆိုတဲ့ မကောင်းတဲ့ မာနမျိုးပေါ့။ အကျိုးကို ပျက်ပြားစေတယ်လေ။ လူတကာ အမုန်းပွားစေတဲ့ မာနမျိုး မထားရဘူးတဲ့၊ ကိုယ့်ထက်ကြီးတဲ့ ပုဂ္ဂိုလ်တွေပေါ်မှာ မာန မထားရဘူး။ ဒီလို ဆိုလိုတယ်နော်။ ခုနက ကောင်းကျိုးချမ်းသာဘက်ကို ဦးတည်သွားတဲ့ မာနမျိုးတော့ ထားရမယ်လို့ ဒီလို ဆိုလိုတယ်နော်။
  
            သို့သော် ဘယ်မာနပဲဖြစ်ဖြစ် ကိုယ့်တကယ်ရှိတဲ့ အရည်အချင်းကို အရည်အချင်း ရှိတယ်ဆိုတဲ့ အတွေးသည်ပင်လျှင် အင်မတန် ထူးခြားတဲ့ တရားဓမ္မတစ်ခုကို မျက်မှောက်ပြုဖို့ရန်အတွက် အန္တရာယ်ပြုတယ်တဲ့။
           ရှင်အနုရုဒ္ဓါမထေရ်မြတ်ဟာ သင်္ကန်းဝတ်ပြီး ပထမဝါတွင်းမှာပဲ သမထကျင့်စဉ် အောင်မြင်လို့ ဈာန်အဘိညာဉ်တွေ ရတယ်။ ဒိဗ္ဗစက္ခုမှာ ထူးခြားတဲ့ ပုဂ္ဂိုလ်တစ်ယောက်ဖြစ်တယ်။ သူစိတ်ထဲမှာ ထင်တယ်၊ ဒိဗ္ဗစက္ခုနဲ့ စကြာဝဠာတစ်ထောင်ကို သူ ကြည့်နိုင်တယ်၊ သူ ရဟန္တာဖြစ်ဖို့ အလွယ်လေးလို့ အောက်မေ့တယ်။ ဝိပဿနာပြောင်းပြီး အားထုတ်တယ်၊ လုံးဝ ရဟန္တာ မဖြစ်ဘူး၊ ဘာဖြစ်လို့တုန်း?။ သူ့မှာ ဘာအတွေးရှိတုန်းဆိုရင် ။။စကြာဝဠာ တစ်ထောင်ကို ကြည့်နိုင်တဲ့ စွမ်းရည်သတ္တိ ငါ့မှာ ရှိတယ်။။ ဆိုတဲ့ အတွေးလေးရှိတယ်။ ဒါလေးက မာန တဲ့။ အဲဒီ မာန ခံနေလို့ သူ ရဟန္တာဖြစ်ကိုမဖြစ်ဘူး။
           ရှင်သာရိပုတ္တရာကို သွားပြီး လျှောက်တယ်၊ ။။အရှင်ဘုရား တပည့်တော် ဒိဗ္ဗစက္ခုနဲ့ ဒီစကြာဝဠာတစ်ထောင်ကို တစ်ပြိုင်တည်း ကြည့်နိုင်တယ်၊ တရားလည်း အားထုတ်တယ်၊ သမာဓိတွေလည်း ကောင်တယ်၊ ဒါပေမယ့် ဘာဖြစ်လို့ ကိလေသာ အာသဝေါ မကုန်မှန်း မသိဘူး။။ ပေါ့။
         ရှင်သာရိပုတ္တရာက ထောက်ပြတယ်၊ ။။ငါ့ရှင် - စကြာဝဠာတစ်ထောင်ကို ဒိဗ္ဗစက္ခုနဲ့ ကြည့်နိုင်တယ်ဆိုတဲ့ အတွေးဟာ ငါ့ရှင်မှာ မာနဖြစ်နေတာ၊ အဲဒီအတွေးကို ဖျောက်လိုက်ပါ၊ မစဉ်းစားပါနဲ့ တဲ့။ ငါတရားအားထုတ်နေတယ်၊ သမာဓိတွေလည်း ကောင်းတယ်ဆိုတဲ့ အတွေးဟာ ဥဒ္ဓစ္စဖြစ်နေတာ စိတ်မငြိမ်မသက်ဖြစ်နေတာ။ ။ဘာဖြစ်လို့များ ရဟန္တာ မဖြစ်တာပါလဲ။ လို့ဆိုတဲ့ ဒီအတွေးဟာ ကုက္ကုစ္စဖြစ်နေတာ၊ အကုသိုလ်တွေချည်းဖြစ်နေတာ။။ စဉ်းစားကြည့်။
         ဒီ စကြာဝဠာတစ်ထောင်ကို သူကြည့်နိုင်လို့ ကြည့်နိုင်တယ် ပြောတာများ ဘာအပြစ်ရှိလို့တုန်း၊ ပြောကြမှာပေါ့၊ ဟုတ်တယ်မဟုတ်လား။ သို့သော်လည်း စဉ်းစားကြည့်စရာက အင်မတန် သေးငယ်တဲ့ မြူမှုံကလေးတစ်ခုဟာ လက်ဖဝါးထဲမှာ ထည့်ပွတ်လို့ရှိရင် ဘာမှ မဖြစ်ဘူး၊ ဟုတ်လား။ သို့သော် လက်ဖဝါးထဲ ထည့်ပွတ်လို့ရှိမှန်းတောင် မသိတဲ့ အဲဒီမြူမှုံလေးကို မျက်လုံးထဲ ထည့်ကြည့်ပါလား၊ မျက်လုံး ဘယ်နှယ့်နေမလဲ၊ မခံနိုင်ဘူး။ အမှုံသေးသေးလေးပဲဖြစ်စေ မျက်လုံးထဲ ရောက်သွားရင် ခိုးလိုးခုလုနဲ့ မျက်ရည်တွေ ထွက်စေမှာပဲ။ အဲဒီလိုပဲ ဒီလိုသေးငယ်တယ်လို့ ထင်ရတဲ့ မာနလေးက ရဟန္တာဖြစ်ဖို့အတွက် စလုံးစခု ဖြစ်စေတယ်။
          ဒါကို ရှင်သာရိပုတ္တရာက မြင်တယ်၊ ရှင်အနုရုဒ္ဓါက စဉ်းစားလို့မရဘူး။ ရှင်သာရိပုတ္တရာက ထောက်ပြတယ်၊ ဒီ စိတ်ရဲ့ အညစ်အကြေးတွေက စိတ်ထဲမှာ ဝင်နေတယ်။ အဲဒါလေးတွေကို လျှော်ပစ်လိုက်ပါလို့ ပြောတာနော်။ ဖြူစင်အောင် လုပ်ပစ်လိုက်ပါ၊ ဘာဖြစ်လို့လဲဆို ဒီမာနလေးဟာလည်း စိတ်ရဲ့ အညစ်အကြေးလေးပဲ။ ညစ်တယ်ဆိုလို့ရှိရင် မကြည်ဘူး။ မကြည်ရင် မမြင်ရဘူးပေါ့။ မှန်များလို့ပေါ့။ နည်းနည်းလေး အစက်အပြောက်တွေရှိနေရင် မြင်ကွင်းမှာ လာရှုပ်နေမှာပေါ့။ ဒါကြောင့် ဒီမာနဆိုတာဟာလည်း တရားထူး တရားမြတ် ရဖို့ရာအတွက် အနှောင့်အယှက်ဖြစ်တဲ့ အရာတစ်ခု၊ စိတ်ရဲ့ အညစ်အကြေးတစ်ခုပါပဲ။

ဒိဋ္ဌိနဲ့ မာန အတူမဖြစ်
      
           လောဘရယ်၊ ဒိဋ္ဌိရယ်၊ မာနရယ်ဟာ လောဘမူစိတ်မှာ ယှဉ်ပြီးတော့ ဖြစ်ကြတယ်တဲ့။ အယူမှားတဲ့ ဒိဋ္ဌိနဲ့ ကိုယ့်ကိုယ်ကို အထင်ကြီးတဲ့ မာနတို့ဟာ တူတူယှဉ်တွဲပြီး မဖြစ်ကြဘူး။ ဘာ့ကြောင့် ယှဉ်တွဲပြီး မဖြစ်တာတုံးဆိုလို့ရှိရင် အာရုံချင်း မတူလို့တဲ့။ အတူတူတွဲတယ် ဆိုတဲ့နေရာမှာ ။။အခြေခံဝတ္ထုချင်း တူရမယ်၊ အာရုံချင်း တူရမယ်၊ တပြိုင်နက် ဖြစ်ရမယ်၊ တပြိုင်နက် ချုပ်ရမယ်။။ ဒါမှ ယှဉ်တယ်၊ Association ဆိုတာ ဒါမှ။ တခုတည်း ဖြစ်ရမယ်။ သို့သော် မာနနဲ့ ဒိဋ္ဌိဟာ ဒိဋ္ဌိက သူရဲ့ အယူအဆ philosophy ကို အာရုံပြုတယ်၊ မာနက သူ့ရဲ့ အရည်အချင်းကို အာရုံပြုတယ်ဆိုတော့ သူတို့နှစ်ခုမှာ အာရုံချင်းမတူကြဘူး။
            စာပေထဲမှာတော့ စွမ်းရည်သတ္တိချင်း ပြိုင်နေလို့ဆိုတဲ့ အကြောင်းပြတယ်၊ ခြင်္သေ့နှစ်ကောင်ဟာ လိုဏ်ဂူထဲ အတူမအောင်းသလိုပဲလို့ ဥပမာပေးထားတယ်။ သို့သော် အဲဒီ အကြောင်းပြချက်ထက် အာရုံချင်း မတူလို့ဆိုတဲ့ အကြောင်းက ပိုပြီးတော့ သဘာဝကျတယ်။ ခြင်္သေ့ဆိုတာ အုပ်လိုက်နေတတ်တာဆိုတော့ တစ်ခါတလေကျ သူတို့တည့်ရင် ခြင်္သေ့အထီးကြီးတွေနှစ်ကောင်က လိုဏ်ဂူထဲမှာ အတူအောင်းတယ်။ တစ်ခါက TV ထဲမှာ ခြင်္သေ့အုပ်ထဲ ခြင်္သေ့အထီး နှစ်ကောင်ရှိတာ တွေ့ရတယ်။ TV ကြည့်ကြည့်ပေါ့။
            ဒါကြောင့်မို့ အာရုံချင်း မတူလို့ ဆိုတာက ပိုပြီးတော့ အဓိကကျတယ်။ မာနက ။သူရဲ့ အရည်အသွေးကို အာရုံပြုတယ်။ ဒိဋ္ဌိက ။သူရဲ့အမြင်ကို အာရုံပြုတယ်။ ဒါကြောင့်မို့ အာရုံချင်း မတူလို့ သူတို့ အတူတူမယှဉ်ဘူး။ သို့သော် လောဘနဲ့ကျတော့ နှစ်ခုလုံး ယှဉ်တွဲကြတယ်။
÷••÷••÷••÷••÷••÷••÷••÷••÷••÷••÷••÷••÷••÷••

                            အပြည်ပြည်ဆိုင်ရာ
                 ထေရဝါဒ ဗုဒ္ဓသာသနာပြု တက္ကသိုလ်
          ပါမောက္ခချုပ်ဆရာတော်ဘုရား အဂ္ဂမဟာပဏ္ဍိတ
              ဒေါက်တာ ဘဒ္ဒန္တနန္ဒမာလာဘိဝံသ(Ph.D)

÷••÷••÷••÷••÷••÷••÷••÷••÷••÷••÷••÷••÷••÷••÷••÷
အဘိဓမ္မာ မြတ်ဒေသနာ ပထမတွဲ အပိုင်း၆၊ စိတ်၏ အညစ်အကြေးများမှ ကူးယူပူဇော်ပါသည်။