ကုသိုလ်၎မျိုးစုံ မစုံ စစ်ဆေးကြည့်
••••••••••••••••••••••••••••••
ညအိပ်ယာဝင်ပြီဆိုရင် အရင်ဆုံး ဒါန၊ သီလ၊ သမာဓိ၊ ဝိပဿ နာကုသိုလ် လေးမျိုးစုံ မစုံ ကိုယ့်ဟာကိုပြန်စစ်ဆေးကြည့်။
ကုသိုလ်လေးမျိုးစုံသွားပြီဆိုရင် အိပ်ချင်လည်းအိပ်တော့။
အဲဒိလိုဆိုရင် တစ်နေ့တာအတွက် နေ့တွက်ကိုက်သွားပြီ။
ကုသိုလ်လေးမျိုးမစုံသေးဘူး၊ လိုနေသေးတယ်ဆိုရင် မအိပ်နဲ့ဦး။
ချက်ချင်းဘုရားကျောင်းဆောင်ရှေ့ကိုသွား၊
♠ ဘုရားကို သောက်တော်ရေကပ်၊ ဆီမီးကပ်၊ ရေကတော့ အချိန်မရွေး ကပ်လို့ရတယ်။
အဲဒိလိုဆိုရင် ဒါနဖြစ်သွားမယ်။ (ဒါန)
♠ သရဏဂုံ သီလဆောက်တည်။(သီလ)
♠ ထွက်လေ ဝင်လေ ရှု့မှတ်၊ ဘုရားဂုဏ်တော်ပွားများ။ (သမာဓိ)
♠ ခန္ဓာအရှိကို ဉာဏ်နဲ့ သေသေချာချာကြည့်ရှု့သုံးသပ်။ (ဝိပဿ နာ)
ညအိပ်ယာဝင်ခါနီးမှာ ကုသိုလ်လေးမျိုး တစ်ခါတည်းစုံသွားတယ်နော်။
ညအိပ်ယာဝင်တာဟာ အသေလေး သေတော့တာတဲ့။
မနက်အိပ်ယာက ထလာတာ ဘဝသစ်ကလေး ပြန်စတာတဲ့။
အသေလေးသေခါနီး ကုသိုလ်လေးမျိုးမစုံရင် ချက်ချင်းပြန်ဖြည့်လို့ရတယ်။
အသေကြီးသေခါနီးရောက်ရင်တော့ ကုသိုလ်လေးမျိုးမစုံရင် ပြန်ဖြည့်လို့မရတော့ဘူး။
♤ တိပိဋကဓရ ယောဆရာတော်ဘုရားကြီး
Credit to original uploader.
No comments:
Post a Comment