အကောင်းဆုံး ရှုပွားနည်း
သမထနှင့် ဝိပဿနာတွဲရှုနည်း
📂📂📂📂📂📂📂📂📂
ဝိပဿနာရှုတဲ့ နေရာမှာ သမထနဲ့
ဝိပဿနာ နှစ်ခု ဒွန်တွဲနေတာပဲ။
ပကတိမျက်စိဖြင့် စွဲမြဲ ထင်မြင်
နေအောင် ရှုရတာက သမထရှု။
ဉာဏ်ဖြင့်သာ သူ့သဘာဝအတိုင်း
ဖြစ်ပျက်နေတာတွေကို မြင်အောင်
ရှုရတာက ဝိပဿနာရှုလို့ ပီပီပြင်ပြင်
ခွဲခြားမှတ်ထားပါ။
ဝိပဿနာကမှ “လောဘ၊ ဒေါသ
မောဟ" စတဲ့ ကိလေသာအပူတွေ
ပြေငြိမ်းစေနိုင်တာ ပယ်ဖျက်ပေးနိုင်တာ။
"သမထ"ကတော့ ဝိပဿနာနဲ့
တွဲပြီး လိုက်ပါပေးရတယ်။
ဝိပဿနာရှုရာမှာ ပါပါနေရတဲ့
သတိတို့ ဝီရိယတို့၊ သမာဓိတို့က
"သမထ"တွေပါပဲ။
သမထနဲ့ အတူတွဲပြီး ဖြစ်ပျက်
မြင်အောင်ရှုတဲ့ ပညာကတော့
ဝိပဿနာဉာဏ် မဂ်ပါပဲ။
မဂ်ဉာဏ်ကမှ ကိလေသာတွေကို
ပယ်ဖျောက်ပေးနိုင်တာ။
ဝိပဿနာက အရေးအကြီးဆုံး
သူက ခေါင်းဆောင်ပါ။
"သမထ"ကတော့ မကင်းတရားမို့
သဟဇာတဖြစ်အောင် လိုက်ပါရ
ပါတယ်။
ဥပမာ။ ရေသောက်ချင်လို့ ရေခပ်ယူ
ရာမှာ ခွက်က မကင်းစကောင်းဖြစ်လို့
ပါရတာ။
ရေကမှ အမောပြေစေတာ။ ခွက်က
အမောပြေစေတာ မဟုတ်ဘူး။
♠️ဝိပဿနာ ရှုပွားနည်း(၃)မျိုး
ဘုရားက သမထရှေ့သွား
ဝိပဿနာ နောက်လိုက်
ငါ တစ်မျိုးဟောခဲ့ပြီတဲ့။
ဝိပဿနာ ရှေ့သွား
သမထ နောက်လိုက်
ငါတစ်မျိုး ဟောခဲ့ပြီတဲ့။
တွဲပြီးသကာလ ရှုနည်းလည်း
ငါ တစ်မျိုး ဟောခဲ့တယ်တဲ့။
ကြိုက်တာယူတဲ့၊ သဘောကျပလား။
♠️အကောင်းဆုံးရှုပွားနည်း
သမထရှေ့သွား
ဝိပဿနာ နောက်လိုက်
ဒီလိုလည်း ဟောခဲ့တယ်တဲ့။
ဝိပဿနာ ရှေ့သွား
သမထ နောက်လိုက်လည်း
ငါ ဟောခဲ့တယ်တဲ့။
တွဲပြီး လွှတ်တာလည်း
"ဟောခဲ့ပါတယ် ဘုရား"
အခုဟာက တွဲပြီးလွှတ်တဲ့နည်း
ပေးလိုက်တယ်။ ဘာဖြစ်လို့ ဒီနည်းကို
ဘုန်းကြီးက ပေးပါသတုန်း ဆိုတော့
ဟိုဟာတွေက တစ်သန့်စီ
တစ်သန့်စီ လုပ်နေလို့ ကြာတယ်။
ခင်ဗျားတို့ သက်တမ်းတိုတိုနဲ့
တွဲလွှတ်လိုက်ရင် တစ်ခါတည်း
ပြီးသွားတာပဲ။
♠️သမထ ဝိပဿနာနှစ်ခုနှင့် ရှုပါ။
သမထနဲ့ ဝိပဿနာ ရောပြီး
လုပ်ခိုင်းလို့သာလျှင်
ဖြစ်တာကို သတိကလည်း သိတယ်။
ဖြစ်တိုင်း ဖြစ်တိုင်းလို့လည်း သိတယ်။
ဝီရိယဆိုက်လို့လည်း သိတယ်။
သမထက ပါနေတယ်။
ဒီတရားတွေ မခိုင်ဘူး
မမွဲဘူးလို့ သိတာက ပညာ။
ဒါဖြင့် သတိပညာနဲ့ ရောလွှတ်တာ။
သတိ ပညာနဲ့ ရောလွှတ်တဲ့အတွက်
သမထ ဝိပဿနာနှစ်ခုနဲ့ ရှုတာ။
သမထ အထူးမတည်ထောင်နဲ့တော့။
♠️သမထ ဝိပဿနာ တွဲရှုနည်း
ဖြစ်တိုင်း ဖြစ်တိုင်းသိရင်
သမထက သိတယ်။
ပျက်တိုင်း ပျက်တိုင်းသိရင်
ဝိပဿနာက သိတယ်။
ဖြစ်တိုင်းဖြစ်တိုင်း သိရင်
"သမထက သိပါတယ်ဘုရား"
ပျက်တိုင်းပျက်တိုင်း သိရင်
"ဝိပဿနာက သိပါတယ်ဘုရား"
ဒါဖြင့် ဖြစ်ပျက်သိရင် တွဲလိုက်
နှစ်ခုတွဲစပ် သိတဲ့နည်း။
"ယုဂနဒ္ဓနည်း"လို့ခေါ်တယ်၊
"ယုဂနဒ္ဓ"ဆိုတာ နွားနှစ်ကောင်
တစ်ပြိုင်နက် မောင်းတာ။
နွားနှစ်ကောင်နဲ့ တစ်ပြိုင်နက်မောင်း
တော့ တိုတိုနဲ့ ခရီးရောက်တာပေါ့။
မိုးကုတ်ဆရာတော်ဘုရားကြီး
တရားအလှ စကားအလှ
#Via - Parallel
Moe Sandar
No comments:
Post a Comment