ဆရာတော်ဘုရားကြီးဧ။် အဆုံးအမတရားတော်များ
❀ သညာဆိုတာ မှတ်တမ်းတင်တဲ့ စနစ်တစ်ခုပဲ။ အဲဒီမှတ်တမ်းတင်ထားသည့်အတိုင်း နောက်ထပ် ပြန်ပြီးတော့ သိနေတာ။ နောက်တစ်ခါသိရင် နောက်တစ်ခါထပ်ပြီး မှတ်တမ်းတင်ပြန်တယ်။
❀ အဲဒီသညာက ဘယ်လို ဒုက္ခပေးတုန်းဆိုတော့ တစ်ခါတစ်ရံကျရင် သူက ကောင်းတယ်လို့ ကြိုက်တယ်လို့ မှတ်တမ်းတင်ထားတဲ့အခါ ဝေဒနာက ခံစား၊ ဝေဒနာက ခံစားတဲ့အခါ တဏှာက သဘောတွေကျပြီးတော့ မရ' ရအောင် မလုပ်ဘူးလား၊ လုပ်တယ်။ ဟော...ဒါ သူ့ကြောင့် ဒုက္ခရောက်ရပြန်တာပဲလေ။
❀ အကယ်၍ သူက မှတ်တမ်းတင် မထားဘူးဆိုရင် နောက်ထပ်လိုချင်တယ်ဆိုတာ ဖြစ်ပါ့မလား၊ မဖြစ်ဘူး။ ဒီအသံလေးတော့ သာယာလိုက်တာ နောက်ထပ် နားထောင်ချင်တယ်ဆိုတာ သညာက မှတ်တမ်းတင်ပေးထားလို့ပေါ့၊ ဟုတ်တယ်မို့လား။သညာက ဒုက္ခပေးနေတာ။
❀ တစ်ခါတစ်ရံကျတော့ သညာက အမှားကို မှတ်ထားသည့်အတွက်ကြောင့် ဒုက္ခ ရောက်ရတာရှိသေးတယ်။
❀ ကြည့်လေ စာခြောက်ရုပ်ကြီးကို လူထင်ပြီးတော့ စာကလေးတွေ လန့်ကြ၊ သမင်လေးတွေ လန့်ကြ၊ လူတွေက ပုံသဏ္ဍာန်လုပ်ထားတဲ့ မြားကို ကြည့်ပြီးတော့ ကျီးကန်းတွေ ကြောက်ကြတာ။ ဟော သညာရဲ့ ခြောက်လှန့်မှုတွေ မခံစားကြရဘူးလား၊ ခံစားကြရတယ်။
❀ တစ္ဆေကြောက်တတ်သူတစ်ယောက် အမှောင်ထဲမှာ သစ်ငုတ်တိုကို မြင်ရင်၊
မဲမဲမြင်ရင် တစ္ဆေထင်ပြီးတော့ လန့်ပြေးတာမျိုးရော မဖြစ်တတ်ဘူးလား။ အေး သညာရဲ့ ဒုက္ခပေးမှုတွေက လောကမှာ အများကြီးပဲတဲ့။
❀ သညာရဲ့ မှတ်တမ်းတင်မှုကြောင့် လူတွေ ကြိုက်မကြိုက် ပေါ်လာတာ။ ကြိုက်မကြိုက် ပေါ်လာသည့်အတွက်ကြောင့် ထို ကြိုက်တာကို ခံစားပြီး မကြိုက်တာကို မုန်းတီးတယ်ဆိုတဲ့ ပြဿနာတွေ တက်မလာဘူးလား၊ တက်လာတယ်။
❀ သညာဆိုတာ ကြည့်နော်၊ မှန်တဲ့အတိုင်း မှတ်တမ်းတင်ချင်မှ တင်တာ၊ ဆင်ဆင်တူလို့ရှိရင် သူက မှားယွင်း ချွတ်ချော်မှုတွေ အများကြီးရှိတယ်။
#{ဒေါက်တာအရှင်နန္ဒမာလာဘိဝံသ}
“ဒေါက်တာအရှင်နန္ဒမာလာဘိဝံသ ဆရာတော်” စာမျက်နှာမှကူးယူဖေါ်ပြပါသည်။
No comments:
Post a Comment