ဘဝကောင်းနှင့် ဆုတောင်းပြည့်
🙏🙏🙏🙏🙏🙏🙏
လူတွေအသက်ရှင်နေတာ
ဥပါဒါန်(အစွဲ)နဲ့ အသက်ရှင်နေတာ။
အစွဲသန်သလောက်
အပါယ်ဘဝတွေ ရောက်နေကြတယ်။
ဥပါဒါန်မြူးလေ ဘဝကူးမှားလေ
ဖြစ်နေကြတယ်။
အပါယ်လေးဘုံသားတွေဆိုတာ
ဉာဏ်လမ်းကို မဆိုထားနဲ့ ကံလမ်းတောင်
မဖြောင့်တန်းနိုင်တော့ဘူး။
ဒီတော့ ဘဝကူးကောင်းအောင် (ဝါ)
သုဂတိဘုံတွေ ရောက်အောင်
ကြိုးစားကြရဦးမယ်။
သုဂတိဘုံတွေရောက်မှ ပန်ဆင်ထားတဲ့
ဆုထူး ဆုမြတ်တွေ ပြည့်အောင်
ဖြည့်ကျင့်နိုင်မယ်။
ဒီတော့ ဘဝကောင်းလိုချင်ရင်
ကောင်းတာ အကုန်လုပ်
မကောင်းတာ ဘာမှမလုပ်နဲ့။
အစွဲအငြိတွေက လွတ်အောင်လုပ်
တစ်ခဏကောင်းနဲ့ လမ်းကြောင်းပေါ်မှာ
ရပ်မနေပါနဲ့။
ကြွေးဟောင်းကို ကြေအောင်ဆပ်ပြီး
ကြွေးသစ်ထပ် မယူချင်ပါတော့နဲ့။
ကုန်သည်ပွဲစားတွေဟာ ရာသီကိုကြည့်ပြီး
ရောင်းဝယ်ဖောက်ကားကြသလို
လယ်သမားဟာ ရာသီနဲ့ဖက်
ထွန်းယက်စိုက်ပျိုးကြသလို. . .
လူ့ဘဝနဲ့ သာသနာကြုံ ဆုံခွင့်ရတုန်းမှာ
အမြတ်ထွက်အောင် ကြိုးစားကြစမ်းပါ။
မဟာဗောဓိမြိုင်ဆရာတော်ဘုရားကြီး
🙏🙏🙏🙏🙏🙏🙏🙏🙏🙏
[၁၃၆၁ ခုနှစ် မောနေယျတော]
Credit to original writer.
No comments:
Post a Comment