ရသေ့ကြီးနဲ့ ပြည့်တန်ဆာ

☀ ရသေ့ကြီး နဲ့ ပြည့်တန်ဆာမလေး။

═══════════════

❖ တစ်ခါ က သာ၀တ္တိမြို့ အစွန် တောစပ်မှာ ရသေ့ကြီးတစ်ပါး

တဲလေးထိုးပြီး သတင်းသုံး တရားကျင့်နေလေတယ်။

များမကြာမှီ

အဲဒီရသေ့ကြီးကျောင်းသင်္ခန်းနဲ့ မနီးမဝေးမှာ

ပြည့်တန်ဆာမလေးတစ်ယောက်

ဟာ တဲလေးထိုးပြီးလာနေလေတယ်။

❖ ရသေ့ကြီး ကျောင်းသင်္ခန်းကနေ မြင်နေရတဲ့နေရာလောက်မှာပါ။

အဲလိုပဲ ပြည့်တန်ဆာမ တဲကကြည့်ရင်လည် ရသေ့ကြီး ကျောင်းသင်္ခန်းကိုမြင့်နေရတာပေါ့ ။

❖ မနက်တိုင်း သူမ က ရသေ့ကြီးကို 

    ဦးချ  ကန်တော့တယ်။

❖ နောက်တော့ ရသေ့ကြီးက ပြည့်တန်ဆာမဆီ အမျိုးသားတစ်ယောက်လာတိုင်း ကျောက်ခဲလေး

တစ်လုံးကောက်ထားတယ်။

အဲလို နဲ့ အဲဒီ ကျောက်ခဲလေးတွေက

ကျောက်ပုံလေး ဖြစ်လာတယ် ။

❖ ရသေ့ကြီးကနေ့တိုင်းတွေးတယ်။

အော် ဒီကလေးမ နှယ် ငါ့ကျောင်းသင်္ခန်းနားမှာ မှ

လာပြီး တဲထိုးရတယ်လို့ ကွာ ။

ငါ့ကို မလေးစားတာပဲ လို့ ဒေါသဖြစ်တယ်။ ပြီးတော့ ကြည့်ပါဦး

ယောင်္ကျားတွေ တစ်ယောက်ပြီး တစ်ယောက် အထဲ၀င်သွားပြီးဘယ်လိုတွေများဖြစ်နေလဲ မသိ ။ တစ်ခါ တစ်ခါ နှစ်ယောက်ပူးကြီးတောင် ၀င်သွားတာ ။ အဲဒီ နှစ်ယောက်နဲ့ များ ဘယ်လိုများ စခန်းသွားကြလဲမသိ ။

ဆိုပြီး တွေးရင်း ဒေါသတွေ သောကတွေ မောဟ တွေ

ဖြစ်နေလေရဲ့ ။

❖ သေလွန်တဲ့အခါ ရသေ့ကြီးက

    အပယ်ကျသွားတယ်။ ပြိတ္တာဖြစ်သွားတယ်။

❖ ပြည့်တန်ဆာမ ကတော့ နတ်ပြည်ရောက်သွားလေ ရဲ့ ။

အဲဒါနဲ့ ရသေ့ပြိတ္တာကြီးက ငရဲမင်း ကို မကြေမနပ်နဲ့ သွားပြောလေတယ်။

❖ "' ဒီမှာ ငရဲမင်း တရားကျင့်တဲ့ ကျူပ် ရသေ့ က တော့ အပယ်ကျပြီး ဟိုပြည့်တန်ဆာမ ကျတော့ ဘာလို့ နတ်ပြည်ရောက်ရတာလဲ ''

လို့ပေါ့ ...

❖ အဲဒီမှာ ငရဲမင်း က ပြောတာက --

❖ '' မင်းက ရသေ့ဖြစ်ပြီး မင်းရဲ့ စိတ်က ပြည့်တန်ဆာမ ဆီပဲ စိတ်ရောက်ပြီး တစ်ချိန်လုံး အကုသိုလ်စိတ်ဖြစ်နေခဲ့တယ်လေ။ တစ်ချိန်လုံး ပြည့်တန်ဆာမ အကြောင်းပဲ တွေးနေတယ်။ အဲဒါကြောင့် အပယ်ကျတာ။

ဟိုတစ်ယောက်ကျတော့

မနက်တိုင်း ညတိုင်း ရသေ့ကြီးဖြစ်တဲ့မင်းကို ကန်တော့ရင်း အော် ရေသေ့ကြီးတို့ ဘ၀ ကံကောင်းလိုက်တာ ၊ လှူမည့်တမ်းမည့်သူနဲ့ ကျောင်းဆောက်ပေးမည့်သူနဲ့ ကိုယ့်ဟာကို

လွတ်လွတ်လပ်လပ်တရားကျင့်ရုံပဲ ။ ငါဘ၀များကျတော့ သူများတကာနဲ့

ပျော်ပါးမှ ထမင်းစားရတဲ့ဘ၀ ငါ့ အတိတ်ကံကလည်း ဆိုးလိုက်တာ လို့

ကုသိုလ်ကံကောင်းတဲ့ ရသေ့ကြီးကို ကန်တော့ပါတယ်။ ရသေ့ကြီးကျန်းကျန်းမာမာ တရားကျင့် တရားထူး ရနိုင်ပါစေ ။

တပည့်တော်မ ကန်တော့ ပါတယ် ဘုရား လို့ စိတ်ထဲက အမြဲ

သတိသံဝေဂ ရပြီး ကန်တော့ရင်း

ကုသိုလ်စိတ်တွေ ဖြစ်နေခဲ့တာလေ ။

အဲဒီ ကုသိုလ်စိတ်ကြောင့် သူမ က နတ်ပြည်ရောက်ရတာပေါ့ ။

ရသေ့မိုက် ရဲ့ ""

လို ပြောလိုက်လေတော့ သတည်း ။

--------------

ကျွန်မတို့ ပတ်၀န်းကျင်မှာလည်း ......

.....

.....

.....

ကိုယ်ဘယ်လို အနေအထားပဲ ရောက်ရောက်

ကိုယ့်စိတ်ကို အကုသိုလ်စိတ်ကင်းပြီး

ကုသိုလ်စိတ်တွေ များများ ထားနိုင်ကြပါစေလို့

ဆုတောင်းမေတ္တာ ပို့သရင်း

  မေတ္တာဖြင့်အားလုံးငြိမ်းအေးချမ်းသာကြပါစေ ....

#Credit