🌹🌹 ကံကြမ္မာဝဋ်ကြွေး ပြေးမလွတ်ပါ 🌹🌹
လူ့ဘဝမှာ
မကောင်းမှုတွေ လုပ်ခဲ့သမျှဟာ
ဘဝသံသရာအတွက်
ဝဋ်ကြွေးတွေချည်းပါပဲ။
ကံကြမ္မာ ဝဋ်ကြွေးဆိုတာ
အနှိုင်းမဲ့မြတ်ဗုဒ္ဓတောင်မှ
ပြေးမလွတ်ခဲ့ပါဘူး။
ဘယ်သူပဲဖြစ်ဖြစ်၊
ဘယ်လိုပုဂ္ဂိုလ်ပဲဖြစ်ဖြစ်
မိမိပြုလုပ်ခဲ့တဲ့
လွဲမှားတဲ့ အရာမှန်သမျှဟာ
ဘယ်လို ဆင်ခြေမျိုးတွေပဲပေးပေး
မိမိသန္တာန်မှာ မပျောက်မပျက်
ရှိနေမှာဖြစ်ပြီး ဒီဝဋ်ကြွေးတွေက
လွတ်အောင်ပြေးဖို့ဆိုတာ
ဘယ်သံသရာမှာ မှ မရှိပါဘူး။
ဒီတော့ကာ
ကံကြမ္မာဝဋ်ကြွေးတွေ
သံသရာမှာ မတင်ရှိဖို့၊
မပေးဆပ်ကြရဖို့အတွက်
မကောင်းတဲ့ စိတ်တွေ၊
မကောင်းတဲ့ အပြုအမူတွေ၊
မကောင်းတဲ့ လုပ်ရပ်တွေကို
လက်တွေ့မပြောနဲ့၊
စိတ်အကြံလေးနဲ့တောင်
မတွေးကြပါနဲ့၊ မကြံကြပါနဲ့၊
မပြောကြပါနဲ့၊ မလုပ်ကြပါနဲ့။
တစ်ဘဝစာ တစ်ခဏတာ
အရေးကြည့်ပြီးလည်း
မကောင်းမှု မပြု ကြပါနဲ့။
မကောင်းတာ မကြံကြပါနဲ့။
မကောင်းတဲ့ အတွေးအခေါ်
အယူအဆနဲ့ လုပ်ရပ်တွေဟာ
ဘဝဝဋ်ကြွေးတွေချည်းပဲ
ဖြစ်တယ်ဆိုတာ သတိထားရှောင်ကြဉ်
ကြိုးကုတ်အားထုတ်တော်မူနိုင်ကြပါစေ။
ပါမောက္ခချုပ်ဆရာတော်ကြီး
ဒေါက်တာအရှင်နန္ဒမာလာဘိဝံသ
🙏🌷🙏🌷🙏
#credit🙏
No comments:
Post a Comment