🌺🌺🌿🌺🌺🌿🌺🌺🌿
'ပိသုနဝါစာ' တဖက်သားကိုအပြစ်မြင်ပြီးပြောတာ ပိသုနဝါစာ သီလပျက်တယ်။ သီလပျက်တဲ့ပုဂ္ဂိုလ်ဟာ သတ္တိညံ့သောကြောင့် နိဗ္ဗာန်နဲ့ဝေးတာပဲ။ အပူဓာတ်ဆိုတော့ ရုပ်တွေကကြည်ပါ့မလား စိတ်ကောလင်းပါ့မလား... ဝိပဿနာဉာဏ်မလာဘူးလေ။
ကျန်တဲ့အချိန်တွေမှာ တဖက်သားကို အပြစ်တွေခဏခဏမြင်နေတယ်၊ အပြစ်တွေပြောနေတယ်ဆိုတဲ့ ပုဂ္ဂိုလ်က မဂ်နဲ့အဝေးကြီးပဲ ဘာမှမဆိုင်ဘူး။ သဘောပေါက်လား ထိုင်တုန်းခဏလေး ထိုင်သာထိုင်တယ် ဘယ်လင်းမလဲ.. သီလပျက်မှတော့ ရှေ့ရပါ့မလား.. မရဘူးလေ။
ယောဂီအချင်းချင်းတောင်မှ အတင်းပြောတာရှိသေးတယ်... ယောဂီအချင်းချင်းအတင်းပြောတယ်ဆိုတာ "ဟိုယောဂီက စကားများနေတယ် တရားမမှတ်ဘူး လို့ပြောတယ်" သူကရောမှတ်လို့လား မမှတ်လို့လား။ မမှတ်လို့မြင်တာပေါ့ မှတ်ရင်ဘယ်မြင်မလဲ.. ယောဂီအတင်းပြောတာအဲ့ဒါပြောတာ။
"ဟိုယောဂီက စကားများနေတယ် တရားမမှတ်ဘူး ယောဂီနဲ့မတူဘူးလို့" သွားပြောလိုက်တယ်ဆိုရင် သူကလည်း အဲ့အချိန်မှာ တရားမှတ်သလား? ဟိုက ဘာသိဘာသာပြောတဲ့ ပုဂ္ဂိုလ်က အပြစ်မရှိဘူး။
ကိုယ်ကအထင်သေးပြီး အပြစ်တင်တာ ပိုတောင်ဆိုးသေးတယ်။ သဘောပေါက်လား ယောဂီအချင်းချင်း အတင်းပြောတာ သဘောပေါက်တယ်နော်။
အဲတော့ ကိုယ့်ကိုယ်ကိုသိပါ.. ကိုယ့်ကိုယ်ကိုအကဲခတ် လက်တွေ့မှာလည်း ကျင့်သုံးရမှာလေ။ ဘယ်သူ့ကြည့်လိုက် ကြည့်လိုက် မှတ်ထားနော် မပြိုင်ရဘူး။ သူသူငါငါတွေ ယှဉ်ပြိုင်ပြီးတော့မှ ဂုဏ်တွေထည့်လိုက်ရင် အပြစ်တွေပေါ်မလာဘူးလား။ ကိုယ်လိုချင်တဲ့ပုံစံမရရင်ပဲ အပြစ်တွေမြင်မလာဘူးလား။
ကြာတော့ ဝါသနာထုံရင် အားမွေးတာကိုက ကြည့်တော့မယ်ဆိုရင် မျက်လုံးထဲမှာ အားမွေးထားတာက အပြစ်ဖော်ရေး နှိမ့်ချမြင်ရေး ငါ့ကောင်းကြောင်းနဲ့ သူ့မကောင်းကြောင်း ဖြစ်ရေးကများမနေဘူးလား? ကြာတော့ ဝါသနာဆိုးတွေ ဖြစ်မနေဘူးလား။ ရှေ့ကိုတက်ပါ့မလား။ သဘောပေါက်လား။
သူများမကောင်းကြောင်း စပြောကြည့် လိုက်လာတာတွေ အများကြီးပြောတာပဲ ကောင်းကြောင်းရှာဆို ထွက်မလာဘူး။ အဲတော့မှတ်ပါ ကိုယ့်ကိုယ်ကိုစောင့်ရှောက်ရမှာတဲ့။ တခါ ကိုယ်မျိုးစေ့ကို ကောင်းအောင်လုပ်ရမှာလေ။ မေတ္တာဆိုတာ အဲ့အတွက်ပါပဲ။ ကိုယ့်ကိုယ်ကိုလည်း ဒုက္ခမပေးရဘူး။
တဖက်သားကို အပြစ်တွေမြင်လို့ နုလုံးသွင်းလိုက်ရင် ရင်ထဲမှာ အေးမလား ပူမလား (ပူပါတယ်ဘုရား) အမုန်းဓာတ် လာဘ်ပိတ်ဓာတ် သဘောပေါက်လား.. အနာဂတ်မှာ ခဏခဏအဲ့ဒါတွေ များလာရင် လုပ်ငန်းတွေပျက်ကုန်ရော အလုပ်တွေမကောင်းတော့ဘူး။ အရင်းတွေပြုတ်ကုန်လိမ့်မယ်။
ဘာလုပ်စာရမှန်းမသိအောင်ဖြစ်တယ်ဆိုတာ တခြားကြောင့်မဟုတ်ဘူး အမြဲတမ်း ကြည့်လို့ချင်ရင် ကွာဟတိုင်း ကွာဟတိုင်း အပြစ်ပဲမြင်နေတာ တန်ဖိုးထားတာမလာတော့ဘူး။
အမှန်ဖြစ်ရမှာက တဖက်သားရင်ထဲမှာ စိတ်တိုင်းကျ ပျော်ပြီး ၀မျးသာပွီး အောင်မြင်တာလေး မြင်ယောင်ရမှာ။ အဲ့ဒါ မလာမှ မလာတာကြီးကို သဘောပေါက်လား။ တခါ မိခင်နေရာနေပြီးတော့ တဖက်သားကို အပြည့်အ၀နားလည်ပြီးတော့ တန်ဖိုးထားပြီး ချစ်စိတ်ကလေးပေါ်လိုက်လလို့ချင်ရင်လည်း ကိုယ်ရတာပေါ့။
အဲဒါလည်း မကျင့်ကြဘူးလေ.. သဘောပေါက်လား အဲ့အခြေခံမပါဘဲ သီလလုံပါ့မလား။ သီလမလုံရင် သမာဓိဖြစ်ပါ့မလား။ မဂ်ဉာဏ် ဖိုလ်ဉာဏ်ရောရပါ့မလား အဝေးကြီပဲ သဘောပေါက်ရဲ့လား နားလည်တယ်နော်။
ဒါဖြင့်ရင် ကိုယ့်ကိုယ်ကိုယ် အရင်စောင့်ရှောက်ရမှာ ။ မေတ္တာမှာက "အဟံအဝေရော ဟောမိ" ကိုယ့်ကိုယ်ကိုအေးအောင် အရင်နေရမှာလေ။ အေးဖို့ဆိုတာထက် အစာစားမမှာဖို့လိုတာပေါ့ စိတ်အစာစားတာပြောတာနော် တွေးတာပြောတာ။
တွေးလိုက်ရင် ဘယ်သူဖြစ်ဖြစ် အပြစ်မရှာဘဲ ခွင့်လွှတ်ပြီး နားလည်ပေးရင် အေးမလာဘူးလား အဲဒါကိုယ့်ကိုယ်ကိုစောင့်ရှောက်တယ်ခေါ်တယ်။ သဘောပေါက်လား ကိုယ့်ကိုယ်ကိုတောင် မချစ်လို့ မိုလို့ပူအောင်တွေးတာလေ။
မနက်မိုးလင်းလာရင် ဘုရားတော့ရှိခိုးပါရဲ့.. လှည့်လိုက်တာနဲ့ ဆူစရာပူစရာပေါ်လာပြီး ပြောပြီဆိုရင် ကိုယ့်ကိုယ်ကို ပူအောင်တွေးနေတာ။ ကိုယ့်ကိုယ်ကိုဖျက်ဆီးနေတာလေ.. ကိုယ့်အနာဂတ်ဖျက်ဆီးတယ်ခေါ်တယ်။ ကိုယ့်ကိုယ်ကိုချစ်တဲ့ ပုဂ္ဂိုလ်က ပူအောင်တွေးပါ့မလား။ ကိုယ့်ကိုယ်ကိုလည်း မချစ်တတ်ကြဘူး ခက်တာက။
ကိုယ့်ကိုယ်ကို မချစ်တတ်တာ ခေါ်တယ်။ အတွေးမျိုးစေ့က လောလောဆယ်လည်း ပူလောင်တယ်၊ အနာဂတ်မှာလည်း ဆိုးဆိုးလာမှာဖြစ်သောကြောင့် ကိုယ့်ကိုချစ်တဲ့ ပုဂ္ဂိုလ်က ဘယ်လို ပူအောင်တွေးမလား မျက်ရည်ကျအောင်တွေးတဲ့အလုပ် လုပ်အုန်းမှာလား။
ကျေးဇူးတော်ရှင် ပိုင်းလော့ဆရာတော်ဘုရားကြီး
🙏🙏🙏
မိမိကိုယ်ကို ချစ်တတ်ပါစေလေ တရားတော်မှ ကောက်နှုတ် ဖေါ်ပြခြင်း ဖြစ်ပါသည်။
Credit
No comments:
Post a Comment