🌾🌾🍁🌾🌾🍁🌾🌾🍁
၁။ ဒါနကုသိုလ်ပြု၍ လောကီ၊(လူ၊နတ်ဘဝချမ်းသာ) ကိုသာ ဆုတောင်းက လောကီဆုကိုသာရ၏။ မဂ်ဖိုလ်နိဗ္ဗာန်ချမ်းသာကို မရနိုင်။
၂။ မဂ်ဖိုလ်နိဗ္ဗာန်ကိုသာ ဆုတောင်းက လောကီချမ်းသာကိုလည်းရ၏။ မဂ်ဖိုလ်ချမ်းသာကိုလည်း
မြန်မြန်ရ၏။
၃။ လောကီဆု၊ မဂ်ဖိုလ်နိဗ္ဗာန်ဆု နှစ်မျိုးတောင်းက နှစ်မျိုးလုံးသောချမ်းသာကို ရ၏။
သို့သော် မဂ်ဖိုလ်နိဗ္ဗာန် ဖြေးဖြေးမှရ၏။
၄။ နှစ်မျိုးစလုံးမတောင်းက လောကီ (လူချမ်းသာ၊ နတ်ချမ်းသာ)ကို ရနိုင်သေး၏။
"ဘာဆုကိုမျှမတောင်းဘဲ သား သ္မီးတို့အား ကျွေးမွေး ပေးကမ်းသောအမှုသည် ဆုမတောင်းပဲပြုသော ဒါနကုသိုလ်ဖြစ်သည်။ ထိုကုသိုလ်သည် အညံ့ဆုံး စကြာမင်းစည်းစိမ်ချမ်းသာကို ပေးနိုင်သည်"ဟူ၏။
လယ်တီဆရာတော်ကြီး၏ ဥတ္တမပုရိသဒီပနီ ပါရမီဒီပနီကို ရှုပါလေ။
ဘာဆုကိုမျှ မရည်ရွယ်ပဲ ဒါနအစရှိသော ကုသိုလ်ပြုသမျှ လောကီကျိုးကို ရနိုင်သည်မှတ်ပါ။
ဗုဒ္ဓဘာသာမဟုတ်သော ဘာသာခြားတို့ ပေးလှူကူညီကြသော အမှုမျိုးသည် ဘာဆုမျှမတောင်းပဲ ပြုအပ်သော ဒါန ဝေယျာဝစ္စအစရှိသော ကုသိုလ်တို့ပင်ဖြစ်သည်။
(မဟာသုတဒီပနီ၊၂၁၅/၆။)
ဓမ္မဒါန
ဦးသောဘန(မကွေး)
No comments:
Post a Comment