သုခဝေဒနာသည် ဆင်းရဲသေးသလော
**************************
"" အရှင်နာဂသေနဘုရား သုခဝေဒနာသည် ကုသိုလ်လော။ အကုသိုလ်လော။ အဗျာကတပင်ဖြစ်ပါသလော။
••• မင်းမြတ် .. အချို့သော သုခဝေဒနာသည် ကုသိုလ်ဖြစ်၏။ အချို့သော သုခဝေဒနာသည် အကုသိုလ် ဖြစ်၏။ အချို့သော သုခဝေဒနာသည် အဗျာကတ ဖြစ်၏။ •••
"" အရှင်ဘုရား.. သုခဝေဒနာသည် ကုသိုလ်ဖြစ်ခဲ့ပါလျှင် ဒုက္ခမဖြစ်ပေရာ။ ဒုက္ခဖြစ်နေပြန်လျှင်လည်း ကုသိုလ် မဖြစ်ပေရာ။ ကုသိုလ်မည်သည် ဒုက္ခဟူ၍ မဖြစ်သင့်ပါ။ ""
••• မင်းမြတ်.. ယောက်ျားတစ်ယောက်၏ လက်ထဲ၌ လောလောပူသော သံတွေခဲကို ကိုင်ထားရာ၏။ အခြား လက်တစ်ဖက်၌ အေးစက်လှသော ဆီးနှင်းခဲကို ကိုင်ထားရာ၏။
မင်းမြတ်.. အသို့ပါနည်း။
ထိုအပူ အအေး နှစ်မျိုးလုံးတို့သည် လောင်မြိုက်ကြပါမည်လော..•••
"" အရှင်ဘုရား.. မှန်လှပါ၏။ နှစ်မျိုးလုံးပင် လောင်မြိုက်ကြပါလိမ့်မည် ""
••• ထိုနှစ်မျိုးလုံးသည် အပူချည်းလော..•••
"" အပူချည်း မဟုတ်ပါ.""
••• ထိုနှစ်မျိုးလုံးသည် အအေးချည်းလော •••
"" အအေးချည်းလည်း မဟုတ်ပါ။
••• မင်းမြတ်.. လောလော ပူသော သံတွေခဲက လောင်သည်ဖြစ်အံ့။ နှစ်မျိုးလုံးသည် အပူချည်း မဟုတ်သောကြောင့် အပူကလောင်သည် ဟူသောစကားသည် မမှန်ပေရာ။ အကယ်၍ အအေးကလောင်သည် ဖြစ်အံ့ .. နှစ်မျိူးလုံးသည် အအေးချည်း မဟုတ်သောကြောင့် အအေးကလောင်သည် ဟူသော စကားသည် မမှန်ပေရာ။ •••
""အရှင်ဘုရား ဆိုလိုရင်းအနက်အဓိပ္ပါယ်ကို မိန့်ကြားတော်မူပါ ဘုရား..""
••• မင်းမြတ်.. ဝေဒနာသည် အမျိုးမျိုး အစားစား များပြားလှစွာကုန်၏။ ပင်ရင်း မူလာအားဖြင့် သောမနဿ ၊ ဒေါမနဿ ၊ ဥပေက္ခာ ဟူ၍ ဝေဒနာသုံးမျိုး ရှိကုန်၏။ ထိုဝေဒနာ သုံးမျိုးကို ကာမဂုဏ်ခံစားမှုနှင့် သက်ဆိုင်သော ဂေဟဿိတ၊ ကာမဂုဏ်မှ ထွက်မြောက်ကြောင်းနှင့် ဈာန် မဂ်ဖိုလ်တို့နှင့် ပတ်သက်သော နေက္ခမ္မဿိတ အားဖြင့် မြှောက်ပွားလိုက်သော် ဝေဒနာခြောက်မျိုး ဖြစ်ကုန်၏။ ထိုဝေဒနာခြောက်မျိုးတို့ကို ရူပါရုံ စသော အာရုံခြောက်ပါးနှင့် မြှောက်ပွားလိုက်သော် ဝေဒနာ သုံးဆယ့်ခြောက်မျိုး ရှိကုန်၏။ ထိုဝေဒနာ သုံးဆယ့်ခြောက်မျိုးတို့ကို အတိတ်၊ အနာဂတ်၊ ပစ္စုန်ပ္ပန် ကာလသုံးတန်နှင့် မြှောက်ပွားပြန်သော် ဝေဒနာ တစ်ရာ့ရှစ်မျိုးတို့ ဖြစ်လာကြပေ၏။.•••
"" အရှင်ဘုရား... သင့်လျော်လှပါပေ၏။ ""
[[ သုခဝေဒနာဟူသော ခံစားမှုသဘော သက်သက်ကိုသာ ရှု၍ မိလိန္ဒမင်းက ဒုက္ခမဖြစ်နိုင်ကြောင်း အဆိုပြု၏။
အရှင်နာဂသေနက ကုသိုလ်ပင် ဖြစ်သော်လည်း ဖြစ်ခြင်းပျက်ခြင်းနှင့် မကင်းနိုင်၍ ဒုက္ခသာ ဖြစ်ကြောင်း သစ္စာနည်းအားဖြင့် ဖြေဆို၏။
ကုသိုလ်ပင်ဖြစ်သော်လည်း ဖြစ်ခြင်း ပျက်ခြင်း မကင်းသဖြင့် ဒုက္ခဖြစ်ပုံကို အေးစက်သော ဆီးနှင်းခဲ၏ လောက်ကျွမ်းပုံနှင့် ဥပမာပြုထား၏။ ထို့နောက် တစ်နေရာ တစ်ဌာနမှာ ဟောကြားထားသော ဝေဒနာတစ်မျိုးမျိုးကိုသာ တရားသေ စွဲမှတ်မထားစေရန် အရာဌာနအားလျော်စွာ အမျိုးမျိုးအဖုံဖုံ ဟောကြားထားသော ဝေဒနာများကို ထုတ်ဖော်မိန့်ကြားပေ၏...]]
❆ မိလိန္ဒပဥှာ ❆
မာဏဝရေးသားပြုစုသည်။
No comments:
Post a Comment