#ပဋ္ဌာန်းပစ္စယနိဒ္ဒေသကို အဓိဋ္ဌာန်ဖြင့် ရွတ်ဖတ်ပူဇော်ပုံ အစီအစဉ်များ
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
၁ - ကိုယ်လက်သန့်စင်ပါ (ရေချိုးနိုင်က ရေချိုးပါ )
၂ - ရွတ်ဖတ်ချိန်ဝတ်ဆင်ရန်ထားသောအဝတ်ကို သီးသန့်ထား၍ လဲလှည်ဝတ်ဆင်ပါ။
၃ - နတ် ဗြဟ္မာများနှင့်တကွ သုံးဆယ့်တစ်ဘုံသား ဝေနေယျသတ္တဝါအားလုံးကို ဖိတ်မန်ပါ။
၎ - ရွတ်ဖတ်ပူဇော်တော့မည်ဖြစ်ကြောင်း အဓိဋ္ဌာန်နှင့် အကြိမ်အရေအတွက်ကို လျှောက်ထားပါ။
၅ - အချိန်မှန်နိုင်သမျှ မှန်ဖို့ ကြိုးစားလျက် ရွတ်ဖတ်ပူဇော်ပါ။
၆ - သစ္စာဆို အမျှဝေ၍ မေတ္တာပို့ကာ ပြန်လွှတ်ပါ။
၇ - ဆက်စပ်သမျ အားလုံးကို မေတ္တာပို့ပါ။
၁။ ကိုယ်လက်သန့်စင်ပါ (ရေချိုးနိုင်က ရေချိုးပါ )
ပဋ္ဌာန်းပစ္စယုဒ္ဒေသ ပါဠိတော်ကို ရွတ်ဖတ်ပူဇော်ခြင်းမပြုမှီ မိမိခန္ဓာကိုယ်အား သန့်ရှင်းစေရန် ရှေးဦးစွာ ရေဆေး၍ ( သို့မဟုတ် - ရေချိုး၍ )ကိုယ်လက်သန့်ရှင်းရေးလုပ်ပါ။ ကုသိုလ်ကောင်းမှု ပြုရာတွင် ညစ်ပတ်ပေရေနေသော အနေအထားဖြင့် မပြုသင့်ပါ။ လာရောက်နာယူကြမည့် နတ်ဗြဟ္မာတို့သည်လည်း သန့်ရှင်မှုကို အလွန်နှစ်သက်ကြသည်ကို သိထားသင့်လှပါ၏။
၂။ ရွတ်ဖတ်ချိန်ဝတ်ဆင်ရန်ထားသောအဝတ်ကို သီးသန့်ထား၍ လဲလှည်ဝတ်ဆင်ပါ။
ပဋ္ဌာန်းပစ္စယနိဒ္ဒေသကို ရွတ်ဖတ်ပူဇော်ရာတွင် ဝတ်ဆင်ပူဇော်ရန်အတွက် သန့်သောဝတ်စုံ တစ်စုံကို သီးသန့်ထားရှိသင့်ပါသည်။ ရဟန်းတော်များ သင်္ကန်းအသစ်တစ်စုံ ၊ ဆရာလေးများ ဝတ်စုံအသစ်တစ်စုံ ၊ ဒကာများအတွက် ယောဂီဝတ်စုံ (သို့) ပိတ်ဖြူစင်ကြယ်တစ်စုံ ၊ ဒကာမများအတွက် ယောဂီဝတ်စုံ ၊ သို့မဟုတ်ပါက မည်သူဖြစ်ပါစေ အဝတ်အစားသန့်နိုင်သမျှ သန့်သောဝတ်စုံတစ်စုံကို ဝတ်၍ပူဇော်နိုင်ပါ၏။အဝတ်အစားသန့်ရှင်းရခြင်းသည် စိတ်ကြည်လင် စေလိုသောသဘော ၊ နတ်ဗြဟ္မာများက ညစ်ပတ်သည်ကို မကြိုက်သောသဘောတို့ကြောင့် အသစ်ဖြစ်သောအဝတ်အစား (သို့မဟုတ်) လုံးဝအသစ်မဟုတ်သော်လည်း သစ်လွင်၍ မညစ်ပတ်သော အဝတ်အစားကို ဝတ်ဆင်ပူဇော်ရခြင်း ဖြစ်ပါ၏။
၃။ နတ် ဗြဟ္မာများနှင့်တကွ သုံးဆယ့်တစ်ပုံသား ဝေနေယျသတ္တဝါအားလုံးကို ဖိတ်မန်ပါ။
ဖိတ်မန်ပုံနမူနာ----------
မြတ်စွာဘုရားရှင်အား ၉ ရက်တိတိ ၊ ၁၅ ရက်တိတိ ၊ တစ်လတိတိ (မိမိစွမ်းနိုင်သမျှခြင်း ရက်သတ်မှတ်ထည့်ရန်) တစ်နေ့လျှင် အနဲဆုံးတစ်ခေါက်အဓိဋ္ဌာန်အဖြစ် ပဋ္ဌာန်းပစ္စယနိဒ္ဒေဖြင့် ရွတ်ဖတ်ပူဇော်တော့မည်ဖြစ်ပါ၍ ပဋ္ဌာန်းတရားနာယူရန်ဆန္ဒရှိကြသော အားလုံးသောနတ်ဗြဟ္မာများ သိုက်နန်းရှင်ပုဂ္ဂိုလ်များ ၊ မကျွတ်မလွတ်သောသတ္တဝါများ ၊ သိအပ် မသိအပ်၊ မြင်အပ် မမြင်အပ်၊ ကြားအပ် မကြားအပ်၊ အားလုံသောပုဂ္ဂိုလ်အပေါင်းတို့အား ဖိတ်မန္တကပြုပါ၏။ပဋ္ဌာန်းတရားနာယူရန် ဆန္ဒရှိသည့် အားလုံးသောပုဂ္ဂိုလ်သတ္တဝါအားလုံး ဤနေရာဤဋ္ဌာသို့ ကြွရောက်၍ ပဋ္ဌာန်းတရား နာယူနိုင်ကြပါစေ...၊ မကြားလိုက်ရ မသ်ိလိုက်ရ မမြင်လိုက်ရ မရှိကြပါစေနှင့်...။
ပဋ္ဌာန်းတရား၏ အကျိုးအာနိသင် တန်ခိုးအာနိသင်ကို ရရှိခံစား စံစားနိုင်ကြပါစေ.၊ယခုချိန်မှစ၍ မြတ်စွာဘုရားရှင်အား ပဋ္ဌာန်းပစ္စယနိဒ္ဒေသဖြင့် ရွတ်ဖတ်ပူဇော်ပါတော့မည်။ပဋ္ဌာန်းတရားနာယူရန် ကြွရောက်ကြပါ။
၎။ ရွတ်ဖတ်ပူဇော်တော့မည်ဖြစ်ကြောင်း အဓိဋ္ဌာန်နှင့် အကြိမ်အရေအတွက်ကို လျှောက်ထားပါ။
စတင်အဓိဋ္ဌာန်ပုံနှင့် အကြိမ်အရေအတွက်လျှောက်ထားပုံနမူနာ...........
ဤယနေ့မှစ၍ ဘုရားတပည့်တော်သည် / ဘုရားတပည့်တော်မသည် မြတ်စွာဘုရားရှင်အား
၉ ရက်တိတိ ၊ ၁၅ ရက်တိတိ ၊ တစ်လတိတိ (မိမိစွမ်းနိုင်သမျှခြင်း ရက်သတ်မှတ်ထည့်ရန်) အဓိဋ္ဌာန်အဖြစ် ပဋ္ဌာန်းပစ္စယနိဒ္ဒေသဖြင့် ရွတ်ဖတ်ပူဇော်မည်ဟု အဓိဋ္ဌာန်ပြုပါ၏။ ထိုသို့ အဓိဋ္ဌာန်ပြုရာတွင် ယနေ့ ပထမနေ့အဓိဋ္ဌာန်အဖြစ် ပဋ္ဌာန်းပစ္စယနိဒ္ဒေသဖြင့် ရွတ်ဖတ်ပူဇော်ပါတော့မည် မြတ်စွာဘုရား။ ဘုရားတပည့်တော်အား ပဋ္ဌာန်းပစ္စယနိဒ္ဒေသဖြင့် ရွတ်ဖတ်ပူဇော်ခွင့် ပြုပါဘုရား.... (အစနေ့လျှောက်ရန် )
လွန်ခဲ့သော (.....................)နေ့မှစ၍ ( ဘုရားတပည့်တော်သည် / ဘုရားတပည့်တော်မသည်) မြတ်စွာဘုရားရှင်အား ၉ ရက်တိုင်တိုင် ၊ ၁၅ ရက်တိုင်တိုင်၊ တစ်လတိုင်တိုင် (မိမိစွမ်းနိုင်သမျှခြင်း ရက်သတ်မှတ်ထည့်ရန်) အဓိဋ္ဌာန်အဖြစ် ပဋ္ဌာန်းပစ္စယနိဒ္ဒေသဖြင့် ရွတ်ဖတ်ပူဇော်မည်ဟု အဓိဋ္ဌာန်ပြုခဲ့ရာတွင် ယနေ့ ( ဒုတိယနေ့ / တတိယနေ့ / ၄ ရက်မြောက်နေ့ / ၅ ရက်မြောက်နေ့ /၆ ရက်မြောက်နေ့ / ၇ ရက်မြောက်နေ့ / ၈ ရက်မြောက်နေ့ / ၉ ရက်မြောက်နေ့ ) အဓိဋ္ဌာန်အဖြစ် ပဋ္ဌာန်းပစ္စယနိဒ္ဒေသဖြင့် ရွတ်ဖတ်ပူဇော်ပါမည် အဓိဋ္ဌာန်ပြုပါ၏။ ဘုရားတပည့်တော်အား ပဋ္ဌာန်းပစ္စယနိဒ္ဒေသဖြင့် ရွတ်ဖတ်ပူဇော်ခွင့် ပြုပါဘုရား.....(နောက်ရက်များ လျှောက်ရန်)
၅။ အချိန်မှန်နိုင်သမျှ မှန်ဖို့ ကြိုးစားလျက် ရွတ်ဖတ်ပူဇော်ပါ။
ပဋ္ဌာန်းတရားကို လာရောက်နာယူမည့် နတ်ဗြဟ္မာများနှင့် သတ္တဝါများအတွက် အချိန်မှန်မှုသည် အဓိကကျသည့်အတွက် စတင်ရွတ်ဖတ်ပူဇော်မည်ဟု အဓိဋ္ဌာန်ပြုရန် စဉ်းစားတွေးတောစဉ်ကပင် အတတ်နိုင်ဆုံးမှန်မှန်ရွတ်နိုင်မည့်အချိန်ကို ရွေးချယ်စဉ်းစားသင့်လှပါသည်။ အချိန်မမှန်ပါက နာယူမည့်နတ်ဗြဟ္မာ သတ္တဝါများသည်လည်း မျက်စိလည်နားမှောက်ကာ စိတ်မရှည်ဖြစ်နိုင်ပါ၏။ မိမိဘက်က အချိန်မှန် ရွတ်ဖတ်ပူဇော်သည့်အခါ နာယူကြမည့်သူများအနေဖြင့်လည်း ဒီအချိန်ပဋ္ဌာန်းနာချိန်ဟု မှတ်သားထားနိုင်၍ နှစ်ဦးနှစ်ဘက် အကျိုးရှိစေနိုင်မည် ဖြစ်ပါ၏။ သို့ဖြစ်၍ အချိန်မှန်နိုင်သမျှ မှန်အောင် ကြိုးစားပါ။
ယခုချိန်မှစ၍ မြတ်စွာဘုရားရှင်အား ပဋ္ဌာန်းပစ္စယနိဒ္ဒေသဖြင့် ရွတ်ဖတ်ပူဇော်ပါတော့မည်ဘုရား...ဟု ဘုရားရှိရာ မှန်းမျှော်လျက် လက်အုပ်ချီးလျှောက်ထား၍ စတင်ရွတ်ဖတ်ပါ.....
( ရွတ်ဖတ်ပူဇော်နေစဉ်တွင် မြတ်စွာဘုရား ဗောဓိပင်အောက် ရွှေပလ္လင်ထက်ဝယ် အရှေ့ဘက်မျက်နှာမူ၍ ပဋ္ဌာန်းတရားတော် ဆင်ခြင်နေပုံကို သမာဓိထားလျက် အာရုံပြုထားပါ )
နမော တဿ သုံးခေါက်......
ပစ္စယုဒ္ဒေသ သုံးခေါက်.......
ပစ္စယနိဒ္ဒေသ........
ပစ္စယနိဒ္ဒေသအပြီးမှာ မိမိရရှိထားသော ဂါထာတော်များလည်း ဆက်လက်ပူဇော်ပါ။
၆။ သစ္စာဆို အမျှဝေ၍ မေတ္တာပို့ကာ ပြန်လွှတ်ပါ။
သစ္စာဆိုရန်.........
( ပဋ္ဌာန်းနှင့်ဂါထာများရွတ်ပြီးပါက သစ္စာဆိုပုံနမူနာ )
ယနေ့မှစ၍ {{{ လွန်ခဲ့သော (........................)နေ့မှစ၍}}} ( ဘုရားတပည့်တော်သည် / ဘုရားတပည့်တော်မသည်) မြတ်စွာဘုရားရှင်အား ၉ ရက်တိုင်တိုင် ၊ ၁၅ ရက်တိုင်တိုင်၊ တစ်လတိုင်တိုင် (မိမိစွမ်းနိုင်သမျှခြင်း ရက်သတ်မှတ်ထည့်ရန်) အဓိဋ္ဌာန်အဖြစ် ပဋ္ဌာန်းပစ္စယနိဒ္ဒေသဖြင့် ရွတ်ဖတ်ပူဇော်မည်ဟု အဓိဋ္ဌာန်ပြုခဲ့ရာတွင် ယနေ့ ( ပထမနေ့/ ဒုတိယနေ့ / တတိယနေ့ / ၄ ရက်မြောက်နေ့ / ၅ ရက်မြောက်နေ့ /၆ ရက်မြောက်နေ့ / ၇ ရက်မြောက်နေ့ / ၈ ရက်မြောက်နေ့ / ၉ ရက်မြောက်နေ့ ) အဓိဋ္ဌာန်အဖြစ် ပဋ္ဌာန်းပစ္စယနိဒ္ဒေသဖြင့် ရွတ်ဖတ်ပူဇော်ခဲ့သည်ဖြစ်ပါ၏။
ဤစကားသည် မှန်ကန်သော သစ္စာစကားဖြစ်ပါ၏...ဤမှန်ကန်သောသစ္စာစကားကို ဆိုရခြင်းကြောင့်လည်းကောင်း...
ပဋ္ဌာန်းပစ္စယနိဒ္ဒေသနှင့် ဂါထာတော်များ၏ တန်းခိုးရှိန်စော် အာနုဘောတော်ကြောင့်လည်းကောင်း
ဘုရားတပည့်တော်၏ / ဘုရားတပည့်တော်မ၏ ဝစီကံကုသိုလ်စေတနာတို့ကြောင့်လည်းကောင်း
ဘုရားတပည့်တော်သည် နိဗ္ဗာန်ကို လျှင်မြန်စွာမျက်မှောက်ပြုရပါလို၏။ နိဗ္ဗာန်မရောက်မှီ စပ်ကြား ဤယခုချိန်မှစ၍ နိဗ္ဗာန်မရမချင်း ဘုရားတပည့်တော်သည် ( ................. ပါရစေဟု လိုရာဆုတစ်ခု ကိုသာ စွဲမြဲစွာ ဆန္ဒပြုပါ )
သစ္စာဆိုပြီးသည်နှင့်.....အမျှဝေပါ
အမျှဝေပုံ နမူနာ.......
မိမိသိတတ်စအရွယ်မှစ၍ ဤယခုအချိန်ထိတိုင် ပြုလုပ်စောင်ထိန်း ပွားများအားထုတ်ခဲ့သမျှသော ဒါန သီလ ဘာဝနာ ကုသိုလ်ကောင်းမှုအစုစုတို့၏အဖို့ဘာဂကို ယနေ့ ပဋ္ဌာန်းတရားကို လာရောက် နာယူကြသည့် နတ်ဗြဟ္မာများ သိုက်နန်းရှင်ပုဂ္ဂိုလ်များ မကျွတ်မလွတ်သော သတ္တဝါးများ သိအပ် မသိအပ်၊ မြင်အပ် မမြင်အပ်၊ ကြားအပ်း မကြားအပ် အားလုံးသောသတ္တဝါအပေါင်းတိုနှင့်တကွ သုံဆယ့်တစ်ဘုံ အလုံးစုံရှိ သတ္တဝါအားလုံးတို့အား အမျှပေးဝေပါ၏.....
အားလုံးကြားကြားသမျှ အမျှ အမျှ အမျှ ( သုံးကြိမ်ဝေပါ )
အမျှဝေပြီးနောက် ဖိတ်ထားသူများအား ပြန်ပို့ပါ...
ပြန်ပို့ပုံနမူနာ.....
ယနေ့ ပဋ္ဌာန်းတရားကို လာရောက် နာယူကြသည့် နတ်ဗြဟ္မာများ သိုက်နန်းရှင်ပုဂ္ဂိုလ်များ မကျွတ်မလွတ်သော သတ္တဝါးများ သိအပ် မသိအပ်၊ မြင်အပ် မမြင်အပ်၊ ကြားအပ်း မကြားအပ် အားလုံးသောသတ္တဝါအပေါင်းတို့ .... သင်တို့အားလုံး မိမိနေရာဘုံဋ္ဌာနသို့ ပြန်နိုင်ပါပြီ..
အားလုံး ပဋ္ဌာန်းတရာကို နာယူရသည့်အတွက် ကိုယ်စိတ်နှစ်ဖြာ ကျမ္မာချမ်းသာကြပါစေ...
လိုအင်ဆန္ဒပြည့်ဝကြပါစေ...အစစအရာရာအဆင်ပြေကြပါစေ... ဘေရန်ခပ်သိမ်း ကင်းငြိမ်းကြပါစေ..
ကြောင့်ကြခပ်သိမ်း ကင်းငြိမ်းကြပါစေ.. သာသနာပြုနိုင်ကြပါစေ...နိဗ္ဗာန်ကို အမြန်ဆုံးမျက်မှောက်နိုင်အောင် အားထုတ်နိုင်ကြပါစေ...သင်တို့အားလုံး ကိုယ့်နေရာကို ပြန်ရောက်ကြပါစေ.....
၇။ ဆက်စပ်သမျ အားလုံးကို မေတ္တာပို့ပါ။
ဘိုးဘွားမိဘများနှင့် ဆွေမျိုးသားချင်းအားလုံး ......
( ကိုယ်စိတ်နှစ်ဖြာ ကျမ္မာချမ်းသာကြပါစေ... လိုအင်ဆန္ဒပြည့်ဝကြပါစေ...အစစအရာရာအဆင် ပြေကြပါစေ... ဘေရန်ခပ်သိမ်း ကင်းငြိမ်းကြပါစေ..ကြောင့်ကြခပ်သိမ်း ကင်းငြိမ်းကြပါစေ.. သာသနာပြုနိုင်ကြပါစေ...နိဗ္ဗာန်ကို အမြန်ဆုံးမျက်မှောက်နိုင်အောင် အားထုတ်နိုင်ကြပါစေ...)
သင်ဆရာ မြင်ဆရာ ကြားဆရာ ဆရာသမားများအားလုံး (............)
လုပ်ဖော်ကိုင်ဖက်အားလုံး အပေါင်းအသင်း သူငယ်ချင်းအားလုံး (............)
မိမိလုပ်ငန်းနှင့်ဆက်စပ်နေသူအားလုံး(............)
ကျေးရွာသူ/သားအားလုံး ၊ / ရပ်ကွက်သူ/သားအာလုံး (...........။)
တိုင်းသူပြည်သားအားလုံး (...........)
ကမ္ဘာသူ ကမ္ဘာသားအားလုံး (............)
သုံးဆယ့်တစ်ဘုံသူ သုံးဆယ့်တစ်ဘုံသားအားလုံး (.........)
စကြာဝဠာ အနန္တရှိ လူနတ်ဗြဟ္မာ သတ္တဝါအားလုံး (.........)
ကမ္ဘာသူ ကမ္ဘာသားအားလုံး.....(.......................)
အကျိုးဖြစ်ထွန်မည့် သစ်ပင်ကို စနစ်တကျစိုက်ပျိုးရသကဲ့သို့ ကုသိုလ်ပြုရာတွင်လည်း စနစ်တကျကုသိုလ်မျိုးစေ့ကို စိုက်ပျိုးကြဲချပါ။ ကြက်တူရွေးရွတ်သလို မလုပ်မိပါစေနှင့်။
မြတ်ဗုဒ္ဓသည် ပဋ္ဌာန်းတရားတော်ကို ဆင်ခြင်သည့်အခါ ပီတိအရှိန်အဟုန်ကြောင့် ရောင်ခြည်တော်များ ကွန်မြူးရသည်မို့ အားလုံး ပဋ္ဌာန်းတရားတော်၏ အကျိုးကျေးဇူးများ ခံစားရရှိလိမ့်မည်ဟု မျှော်လင့်မိပါ၏။
#သုခိန်(ဗုဒ္ဓတက္ကသုိလ်)
No comments:
Post a Comment