ငါကောင်းတာတွေလုပ်ရဲ့သားနဲ့
ကောင်းတာတွေမဖြစ်ပါလားလို့ အပြစ်မမြင်ပါနဲ့။
ကောင်းတဲ့ကံတွေ
အကျိုးမပေးနိုင်အောင်လို့ ကိုယ့်ရဲ့အကုသိုလ်ကံတွေက ပိတ်ထားတာပါ။
အဲဒီအကုသိုလ်ကံတွေကုန်သွားရင် ကောင်းတဲ့ကုသိုလ်ကံတွေလာပါလိမ့်မယ်။
အတိတ်ကလည်းမကောင်းတာတွေ
လုပ်တယ်။အခုပစ္စုပ္ပန်မှာလည်း
မကောင်းတာတွေလုပ်နေမယ်ဆိုရင်
အဲဒီကံတွေကရှည်ပြီးမဆုံးနိုင်တော့ဘူး။
ဒုက္ခတွေနဲ့ဆင်းဆင်းရဲရဲနေရမယ်။
ဘယ်သူကောင်းကောင်း၊
မကောင်းကောင်း ကိုယ့်တရားသာကိုယ်လုပ်။
အကုသိုလ်ကံတွေကပါးပါးလာလိမ့်မယ်။
ကုသိုလ်ကံတွေကရောက်လာလိမ့်မယ်။
နောက်ကကျွဲကူးရေပါ ပါသလိုမျိုးဖြစ်ဖြစ်လာလိမ့်မယ်။
အခုနေ ဘုန်းဘုန်းက ရေပေးပါလို့
တောင်းရင် ရေချည်းပဲယူခဲ့လို့ရသလား။
ခွက်ပါ ပါရသလား။
ဘုန်းဘုန်းတောင်းတာကတော့ ရေပါ။ဒါပေမဲ့
ခွက်ကလိုအပ်လို့ကိုပါလာတာမဟုတ်လား။
အဲဒီလိုပါပဲ။
ဒီတရားသာကြိုးကြိုးစားစားအားထုတ်ကြပါ။လောကုတ္တရာရအောင်အားထုတ်ရင်းနဲ့
လောကီတွေအကုန်ကပ်ပါလာပါလိမ့်မယ်။
လောကုတ္တရာရေကိုသာရအောင်ယူပါ။
လောကုတ္တရာရေနဲ့ထိုက်တန်တဲ့
လောကီရေခွက်ကတော့ သူ့အလိုလို
ပါလာပါလိမ့်မယ်။
ကြိုးစားပမ်းစားနဲ့ ကျင့်ကြံအားထုတ်ကြပါယောဂီတို့။
ဆရာတော်ဦးသီရိဓမ္မ၏တရားတော်များ
Crd
မြနန်းခေမာ🙏🙏🙏
No comments:
Post a Comment