အနေတတ်ပါစေ

◾မည်မျှပင်-

"ကိုးကွယ်ခံထိုက်သောပုဂ္ဂိုလ်"ကိုဖြစ်စေ၊ 

၎င်းအား"ကိုးကွယ် ဆည်းကပ်ရုံ"မျှဖြင့် 

"ဒုက္ခတွင်း"မှ မလွတ်ကင်းနိုင်ပေ။

"တရား မတွေ့"သရွေ့တော့-

"လွတ်မြောက်မှု"ကို မရရှိချေ။

ထိုကြောင့်-

"သစ္စာ တည်းဟူသော တရား"သည်သာ 

ပဓာနကျပေသည်။

"ဟောပြသူ"သည် "ပဓာန"မဟုတ်ပေ။

"တရား ဓမ္မဟောပြသူ"မှန်က

"ကြည်ညို လေးစား ထိုက်သည်"မှာ မှန်၏။

သို့သော် 

"ကြည်ညို လေးစားမှုကို 

အကောင်းမွန်ဆုံးသောနည်းအားဖြင့် ပြသခြင်း"

သည်ကား-

"တရားတော်ကို ကိုယ်တိုင်မျက်မှောက်

ပြုနိုင်ခြင်း"သာ ဖြစ်သည်။

"ဘုရားရှင်၏ နောက်ဆုံးနေ့များ"အတွင်း 

"အလွန်အမင်း ကြည်ညိုကြသူ တပည့်တို့အား"

 မိန့်ကြားရာတွင်-

"ဤကဲ့သို့သောကြည်ညို၍ပူဇော်ခြင်းမျိုးကား-

"ဘုရားရှင်"အား လျောက်ပတ်သော-

▪️ ရှိခိုးခြင်း ၊

▪️ပူဇော်ခြင်း၊

▪️အလေးအမြတ်ပြုခြင်း၊

▪️ဖူးမြော်ခြင်း၊

▪️ရိုသေခြင်း မမည်သေး။

"ဘုရားရှင်"၏-

▪️တပည့်သား ဘိက္ခုသံဃာ ဖြစ်စေ၊ 

▪️ဘိက္ခုနီ ဖြစ်စေ၊

▪️ဝတ်ကြောင်ဥပသကာ ဖြစ်စေ၊ 

▪️ဥပသိကာ ဖြစ်စေ၊

တရားတော်နှင့်အညီ တရားလမ်းကြောင်း 

တည့်တည့်ပေါ်၌-

"ပထမ ခြေလှမ်း"မှစ၍ "နောက်ဆုံးခြေလှမ်း"

နိဗ္ဗာန်နန်း တိုင်အောင်-

"ခိုင်ခိုင်မြဲမြဲ လျှောက်လှမ်းသူ"သည်သာလျှင် 

"ငါဘုရား"အားလျောက်ပတ်စွာ-

▪️ရှိခိုးခြင်း၊ 

▪️ပူဇော်ခြင်း၊ 

▪️အလေးအမြတ်ပြုခြင်း၊

▪️ဖူးမြော်ခြင်း၊

▪️ရိုသေခြင်းပြုသူ မည်၏"ဟူ၍

ဟောမြွက်တော်မူပါသည်။

"ဘုရားရှင်"အလေးအနက်ညွှန်ပြခဲ့သည်မှာ-

▪️မိမိဟောကြားသော တရားသည်၊

မိမိကိုယ်ကိုယ် တိုက်ရိုက် သိမြင်ခဲ့သော

တရားဖြစ်ကြောင်း၊

▪️အခြားသူများ အနေနဲ့နှင့်လည်း၊

တိုက်ရိုက်သိမြင်မှုကိုပင် ရရှိအောင် 

ကြိုးပမ်းကြရမည် ဖြစ်ကြောင်း နှင့်၊

▪️ဒိဋ္ဌတွေ့သိရခြင်း ပေါ်တွင် 

ကိုယ်တိုင် အဆုံးအဖြတ် ပေးကြရမည် ဖြစ်ကြောင်း"-သွန်သင်ခဲ့ပါသည်။

"မိမိကိုယ်တိုင်ပင်-

မိမိ၏ ခိုမှီရာကျွန်းသောင် ဖြစ်ကြစေလော့၊

"ကိုးကွယ်ရာ"သည်အခြားမှာမရှိ။ 

"သစ္စာတရား"ကို သင်၏ခိုမှီရာ

"ကျွန်းသောင်" ဖြစ်ပါစေလော့၊ 

"သစ္စာတရား"မှတစ်ပါး-

အခြားကိုးကွယ်မှီခိုရာမရှိချေ" ဟူ၍ 

ဟောကြားတော်မူခဲ့ပါသည်။

"အမှန်တရား၏ အမြင့်ဆုံးမှတ်ကျောက်"သည် 

"ကိုယ်တိုင် စူးစမ်းတွေ့ရှိချက်"ပင်ဖြစ်သည်။ 

"ယုံကြည်မှုသက်သက်"ဖြင့်တော့ 

"အမှန်တရား"အဖြစ် လက်ခံခြင်းမပြုသင့်ချေ။ 

"အမှန်တရား"ဟု လက်ခံရေးတွင် 

-ကြောင်းကျိုး ယုတ္တိရှိ/မရှိ၊ 

-လက်တွေ့ကျင့်သုံး၍ ရ /မရ၊ 

-ကျင့်သုံးခြင်းမှ အကျိုးတရားပေါ် /မပေါ် ၊

ဟူသော အချက်များကို စိစစ်ဖို့လိုပါသည်။ 

"ဆင်ခြင်ဉာဏ်"ကို အခြေပြု၍-

"အမှန်တရား"ကိုဆုံးဖြတ်လျှင်လည်းမရနိုင်ချေ။ 

"အမှန်တရား"သည်-

"အကျိုးကျေးဇူးရှိသော တရားဖြစ်/မဖြစ်"

ဆိုသော အချက်မှာ-

"လက်တွေ့အားဖြင့် 

ထင်ရှား သိမြင်ရခြင်း ဟုတ်/မဟုတ်"ဟူသော

အချက်ပေါ်တွင် တည်ပါသည်။

"ကမ္ဘာ့ဝိပဿနာ ဆရာကြီး ဦးဂိုအင်ကာ"

[Mr. Satya Narayan Goenka.]

━━━━━━━━━━━

▪မှီခိုရာ ကျမ်းကိုး▪

━━━━━━━━━━━

("The Art Of Living"

S.N Goenka.

"အနေတတ်ပါစေ"။

"ဦးတင်ဦး(မြောင်)" မြန်မာပြန် စာအုပ်။

စာ [၁၈/၁၉] မှ )

"ဓမ္မပဗ္ဗတ ဝိပဿနာ ရိပ်သာ"

နောင်ဆိုင်ကျေးရွာ ။ မူဆယ်/နမ့်ခမ်းမြို့။