🌷🌷🌿🌷🌷🌿🌷🌷🌿
မစဉ်းစားမိလျှင်
လောကကြီးသည် ပျော်စရာ ကောင်း၏
ဉာဏ်နှင့် စဉ်းစားကြည့်ပါက
မှိတ်ထားသည့် မျက်စိ မဖွင့်ရဲအောင် ကြောက်စရာ ကောင်းလှပါသည်။
ဖွင့်ထားသည့် မျက်စိ ပြန်မမှိတ်ရဲအောင် ကြက်သီးထဖွယ် ကြောက်မက်ဖွယ် ထိတ်လန့်ဖွယ် ကောင်းလှပါသည်။
အဝိဇ္ဇာ နှင့် တဏှာ၏ ဖိအားကြောင့်
ပျော်စရာအတု နှင့်သာ အချိန်ဖြုန်းနေကြ၏။
ချမ်းသာစစ် ချမ်းသာမှန်ကို ရှာဖို့ စိတ်မကူးကြ
ချမ်းသာစစ် ချမ်းသာမှန်သို့ ပို့ဆောင်ပေးသော တရားသည် တိမ်ယောင်ယောင်နှင့် နက်သည်။
လွယ်ယောင်ယောင်နှင့် ခက်သည်။
သဒ်ဓါ ဝီရိယ စသော ဗိုလ်ငါးပါးနှင့် ရှေ့တန်းတင်ပြီး အားထုတ်နိုင်ဖို့ လိုလေသည်။
ကံလမ်းနှင့် သွား၍ မရ ဉာဏ်လမ်းစခန်း ဖြစ်၏။
ရှေးက အရိယာ သူတော်ကောင်းကြီးများက
သူမတူအောင် စွန့် ,သူမတူအောင် ကျင့်မှ
သူမတူသည့် တရားထူးတွေ ရကြောင်း အလုပ်နှင့် သက်သေပြသွားကြ၏။
#တစ်ဘဝတည်းသည်းခံပြီး
စွန့်စွန့်စားစား အားထုတ်သွားမည် ဆိုလျှင်
သံသရာတစ်လျှောက်လုံး
မည်သည့်အခါမှ ဒုဂ္ဂတိဘဝ မကျရောက်တော့ဘဲ သုဂတိ ဘဝကိုသာရောက်မည် ဖြစ်သည်။
အိုရမည့် ခန္ဓာ , နာရမည့် ခန္ဓာသေရမည့် ခန္ဓာဆိုးကြီးများနှင့် မတွေ့မကြုံ မဆုံတော့ဘဲ
၁၅၀၀ ကိလေသာအပူဓါတ် အလောင်ဓါတ် ချုပ်ငြိမ်းသည့် နိဗ္ဗာန်သို့ မျက်မှောက်ပြုရမည် ဖြစ်လေသည်။
ကျေးဇူးတော်ရှင်ဖားအောက်တောရဆရာတော်ဘုရားကြီး
🙏🙏🙏🙏🙏
No comments:
Post a Comment