🙏🙏🙏🙏🙏🙏🙏🙏
လယ်တီဆရာတော်ကြီးက
တို့လူတွေကို ကြည့်ပြီး
အားမလို အားမရကြီးနဲ့
မှတ်ချက်ချဖူးတာကတော့ ...
လူကမွေး၍ လူသွေးမပါဘူးတဲ့ဗျာ။
ဆိုလိုတာကတော့ ....
လူ့ဘဝ ခဏရောက်လာသော်လည်း
လူလို မကျင့် ... လူလို မသိ ...
တိရစ္ဆာန်ဘဝပေါင်းများစွာက
ကပ်ပါလာတဲ့ ...
ကြိုက်လောဘ၊ မကြိုက်ဒေါသ
မသိမောဟတွေ အတိုင်း
စိတ်ရိုင်းတွေနဲ့ လူလုပ်နေကြလို့ပဲတဲ့။
တိရစ္ဆာန်ကြီးတွေဗျာ။
ဆင်ကြီးတွေ ကျားကြီးတွေ
သူတို့ရုပ်ဓာတ်ကြီးတွေ
ဘယ်လောက် အားကောင်းသလဲ။
ကျင့်နိုင်တဲ့ ခန္ဓာရှိသော်လည်း
သိနိုင်တဲ့ဉာဏ် သူတို့မှာ ရှိပါ့မလား။
( မရှိပါ ဘုရား )
ဟော - အထက် နတ်ပြည်မှာကျတော့
နတ်တွေဆိုတာ ... လူတွေထက်
ဉာဏ်ကောင်းပါသော်လည်း
လူတွေလို ကျင့်နိုင်တဲ့ ရုပ်ခန္ဓာ မရှိဘူး။
ဒီတော့ နတ်ဘဝနဲ့လည်း
တရားကျင့်ဖို့ မလွယ်ဘူး။
နတ်ပြည်ဆိုတာဟာ
အတိတ် ကုသိုလ်သွားခံစားတဲ့ ကာမဘုံ၊
ဘာမှ လုပ်စရာ မလိုဘဲ ကာမဂုဏ် ခံစားရုံ
သက်သက်ဆိုတော့ ဒုက္ခကို မမြင်နိုင်ဘူး။
ဒုက္ခ မမြင်နိုင်သရွေ့ တရားတွေ့ပါ့မလား။
( မတွေ့ပါ ဘုရား )
ဒုက္ခအတိပြီးနေတဲ့
ငရဲ ပြိတ္တာ အသူရကာယ်
တိရစ္ဆာန်တွေကျတော့လည်း
သူများညှင်းဆဲတာ
အချိန်ပြည့်ခံနေရတော့
တရားကျင့်ချိန် ရပါ့မလား။
( မရပါ ဘုရား )
တရားကျင့်ဖို့ မဆိုထားနဲ့
တရားသံသော်မှ
ကြားခွင့်မရတဲ့ အပါယ်။
ဒုက္ခတွေမှာ ဓမ္မအရသာ
ခံစားခွင့် လုံးဝ မရှိပေဘူး။
တို့လူ့ဘဝသည်သာလျှင်
ကျင့်နိုင်တဲ့ ခန္ဓာကိုယ်လည်း ရှိတယ်။
သိနိုင်တဲ့ ဉာဏ်လည်း ရှိတယ်။
လူ့ဘဝမှာ ဒုက္ခဝေဒနာ ခံစားရသလို
သုခဝေဒနာလည်း ခံစား ရတာပဲ။
လူ့ဘဝဆိုတာ သမနွေးပိုင်းလေး
ရာသီဥတု ညီညွတ်မျှတတဲ့
အရပ်ဒေသနဲ့ တူတယ်။
#ကျေးဇူးတော်ရှင်
#မဟာဗောဓိမြိုင်ဆရာတော်ဘုရားကြီး
🙏🙏🙏🙏🙏🙏🙏🙏🙏🙏။🙏
အ ပ္ပ မာ ဒေ န သ မ္မာ ဒေ ထ
#သတိတစ်လုံး လက်ကိုင်သုံး
🙏🙏🙏🙏🙏🙏🙏🙏
No comments:
Post a Comment