❋လောကမှာ နီးပင်နီးသော်လည်း မမြင်တာတွေက အများကြီး၊ မမြင်နိုင်တာတွေက အများကြီး။ မြင်ဖို့ခက်တယ်။“ ဒုဒ္ဒသတ္တာ ဂမ္ဘီရံ၊ ဂမ္ဘီရတ္တာ ဒုဒ္ဒသံ”
❋နက်နဲတယ်ဆိုတဲ့ သဘာဝတရားတွေဟာ တချို့ဟာက “မြင်ဖို့ခက်လို့ နက်နဲတာ”၊ ဝေးလို့ မမြင်နိုင်တာမျိုး မဟုတ်ဘူး။ နက်နဲလို့ မမြင်နိုင်တာတော့ မဟုတ်ဘူး။ မြင်ဖို့ သတိမူရန်ခက်ခဲတဲ့ အတွက်ကြောင့် နက်နဲတယ်။
❋တချို့တရားကတော့ အဲဒီလိုမဟုတ်ဘူး၊ “နက်နဲလို့ မြင်ဖို့ခက်တာ”၊ ဆိုပါစို့ နီးလျက်သားနဲ့ မမြင်ရဘူး။ ဝေးလို့ မမြင်ရဘူး နှစ်မျိုး ရှိနိုင်တယ်။ ဝေးနေရင်လည်း မမြင်ရဘူး၊ နီးလျက်သားနဲ့လည်း မမြင်ရတာ ရှိတယ်။
❋အေး “ဓာတု” ဆိုတဲ့ သဘာဝတရားတွေက ကိုယ့်ခန္ဓာကိုယ်မှာရှိတယ်။ လူတိုင်း လူတိုင်းမှာ ရှိနေတဲ့ တရားတွေ ဖြစ်တယ်။အဲဒီ လူတိုင်း လူတိုင်းမှာ ရှိနေတဲ့တရားဟာ အလွန် နီးကပ်တယ်။ ကိုယ်ထဲမှာ ရှိနေသော်လည်းပဲ မြင်ဖို့ခက်ခဲသည့်အတွက်ကြောင့် ဂမ္ဘီရ နက်တယ်လို့ ဒီ လိုပြောတာ။ နိဗ္ဗာန်တို့ ဘာတို့ကျတော့ နက်နဲ လွန်းအားကြီးလို့ မမြင်နိုင်ဘူး လို့ပြောတာ။
“ဓာတုဝိဘင်္ဂသုတ် အနှစ်ချုပ်”တရားဒေသနာတော်မှ။
ဆရာတော်အရှင်နန္ဒမာလာဘိဝံသ
No comments:
Post a Comment