မှီခိုရာ
______
ကံပေါ်မှာ ဘယ်လို မြင်ရမှာတုန်းဆိုတော့
"ငါ့မှာ မှီစရာဆိုလို့, ခိုစရာဆိုလို့
ဒီကံပဲ ရှိတယ်"။
ဟော မှီခိုရာဆိုတဲ့ စကားလုံးလေးနော်။
မှီခိုရာဆိုတဲ့ ဗမာစကားလုံးလေးကို
မြင်အောင်ကြည့်။
ဘုန်းဘုန်းတို့ လူအသက်ကြီးလာပြီဆိုရင်
သူက သူ့ဟာသူ မရပ်တည်နိုင်ဘူး။
တစ်ခုခုကို မှီနေရတယ်။
ဘုန်းဘုန်းတို့ အိမ်မှာ အရိပ်ကို
ခိုရတယ်, သစ်ပင်အရိပ်ကို ခိုရတယ်။
ကိုယ့်ဟာကိုယ် ရပ်တည်လို့
မရလို့ နားခိုရာ ရှာရတယ်။
အဲတော့ မှီခိုဆိုတဲ့ စကားလုံးလေးက
ဘယ်လောက် ကျစ်လစ်တုန်း။
တစ်ခုခုကို ကိုယ် မှီနေရတယ်။
တစ်ခုခုရဲ့ အရိပ်အောက်မှာ
ကိုယ်ခိုနေရတယ်။
အဲတော့ ကိုယ့်မှာ မှီစရာဆိုလို့
ခိုစရာဆိုလို့ တကယ်က
ကိုယ်ပြုထားတဲ့ အလုပ်ပဲ ရှိတယ်။
သစ္စာရွှေစည်ဆရာတော်
၂၀၂၂.၁၂.၇
No comments:
Post a Comment