"ရေဆာလိုက်တာ...ဟောတွေ့ပြီ ဟိုမှာရေတွေ...ရေတွေ..." ဟင်...ရေတွေက သွေး...သွေး...သွေးတွေ ဖြစ်သွားပြီ"
ဂင်္ဂါမြစ်ကမ်းဘေးမှာ
အဝတ်ဗလာ ကြောက်စရာကောင်းလှတဲ့
ရုပ်ခန္ဓာကြီးနဲ့ တစ်ကိုယ်လုံးမှာ
နက်မှောင်နေတဲ့ဆံနွယ်ကို ဖုံးအုပ်ထားတဲ့
ပြိတ္တာမတစ်ဦးဟာ ဆာလောင်မှုကို
ဆင်းရဲကြီးစွာ ခံစားနေရရှာပါတယ်။
ဂင်္ဂါမြစ်ကမ်းဘေးမှာ အစာရေစာ
ရလိုရငြား ရှာဖွေနေသော်လည်း
နှစ်ပေါင်းများစွာသာ ကြာညောင်းခဲ့ပါတယ်
သို့သော် ရေကြည်တစ်ပေါက်မျှ သောက်ခွင့်မရခဲ့ပေ။
တစ်နေ့မှာ ထိုပြိတ္တာမကြီးသည် ဆွမ်းခံကြွလာတဲ့
"အရှင်သင်္ခါရေဝတမထေရ်မြတ်"နှင့် တွေ့ကာ
လူ့ဘဝက သူ့ဘဝရဲ့ အကြောင်းကို မထေရ်မြတ်
အား လျှောက်ထားပြောပြခွင့် ရခဲ့ပါတယ်။
"အရှင်ဘုရား
ကောသမ္ဗီပြည် ဥတေနမင်းကြီး ထီးနန်းစိုးစံစဉ်က
တပည်တော်မ လူ့ဘဝရခဲ့ပါတယ်။
တပည့်တော်မရဲ့ သား,သမတ်နဲ့သမီးတို့ဟာ
ရှင်မဟာကစ္စည်း မထေရ်မြတ်နှင့်တကွ
သံဃာတော်များအား အိမ်သို့နေ့စဉ် ပင့်ဖိတ်ပြီး
ဆွမ်းကပ် တရားနာခြင်းကို ပြုကြပါတယ်။
သမီးနဲ့သမတ်အဲ့သလို သံဃာတွေအိမ်ပင့်ပြီး
ဆွမ်းကပ်တရားနာ လှူဒါန်းကုသိုလ်ပြုတာကို
တပည့်တော်မ မလိုလား မနှစ်သက်ခဲ့ဘူးဘုရား..."
ဒါကြောင့် တပည့်တော်မရဲ့ သမီးဖြစ်သူ
"ဥတ္တရာ"ကို ဒီလို့ပြောလိုက်မိတယ်ဘုရား...
"နင်ဒီဘဝ အခုလိုလှူဒါန်းတဲ့ အစားအသောက်
တွေအားလုံးဟာ
နောင်ဘဝမှာ နင့်အတွက် သွေးတွေဖြစ်ပါစေ"လို့
တပည့်တော်မ ပြောဆိုခဲ့မိတယ် ဘုရား။
အဲ့ဒီဝစီကံ အကုသိုလ် ကြောင့် တပည့်တော်မ
အခုလို ဆင်းရဲကြီးစွာ ခံစားနေရတဲ့ ပြိတ္တာမ ဘဝ
ရောက်နေရတာ ဖြစ်ပါတယ်ဘုရား။
တပည့်တော်မမှာ အခုလို နက်မှောင်လှပတဲ့
ဆံကေသာတွေ ရှိနေတာကတော့
သမီးနဲ့သမတ် သံဃာတစ်ပါးအား
ဒေါင်းမြီးယပ်တောင်လေး လှူတာမြင်လို့
စိတ်တူသဘောတူ ကြည်ဖြူမိတဲ့ ကုသိုလ်
ကြောင့်ဖြစ်ပါတယ်ဘုရား။
တပည့်တော်မ ဒီလိုဘဝ
ဒီလိုဆင်းရဲမှ လွတ်ချင်လှတယ်ဘုရား
တပည့်တော်မကို သနားသောအားဖြင့်
ကယ်မတော်မူပါလို့ ပြိတ္တာမကြီးက
မထေရ်မြတ်အား လျှောက်ထားပါတယ်။
မထေရ်မြတ်လည် ပြိတ္တာမကြီးရဲ့ လျှောက်
ထားမှုကို လက်ခံတော်မူပြီး "ဒီလိုဆိုရင်
ဆိုင်းငဲ့ပါအုံး ဆွမ်းခံပြန်တဲ့အခါ ကျောင်းရှိသံဃာ
များကို ဆွမ်းလှူဒါန်းပြီး ဒကာမကြီးကို ရည်စူးပြီး
ဆွမ်းကုသိုလ်ပြုပေးပါ့မယ် ဒကာမကြီးအားရဝမ်းသာ သာဓုခေါ်ပါလေလို့ ပြောကြား
ပြီး ကြွသွားတော်မူပါတယ်။
ဆွမ်းခံပြန် ကျောင်းပြန်ရောက်တော့ မထေရ်မြတ်က ပြိတ္တာမကြီးရဲ့ ဘဝဆင်းရဲ့ကို သီတင်းသုံးဖော် သံဃာတော်များအား ပြောပြ၍ ဆွမ်းလှူဒါန်ကုသိုလ်ပြုပြီး အမျှတမ်းပေးဝေလိုက်ပါတယ်။
ပြိတ္တာမကြီးလည်း မထေရ်မြတ်ရဲ့ ကုသိုလ်အမျှကို ဝမ်းမြောက်ဝမ်းသာ သာဓုခေါ်လိုက်သည်နှင့်တပြိုင်နက် ပြိတ္တာဆင်းရဲ့ဘဝမှ လွတ်ပြီးတော့ နတ်ပြည်၌ နတ်သမီးဖြစ်၍ ချမ်းသာတဲ့ ဘဝကို
ရရှိသွားပါတယ်။
ဤဝတ္ထုကို သတိပြုပြီးတော့ ဓမ္မမိတ်ဆွေများ
လည်း
သားသမီးပြုလုပ်နေတဲ့ ကုသိုလ်အမှုကို မိဘကကြည်ဖြူကြပါ။
မိဘများပြုလုပ်နေတဲ့ ကုသိုလ်အမှုတွေကိုလည်း
သားသမီးများက စိတ်တူသဘောတူကြည်ဖြူကြပါ။
မစ္ဆရိယလွှမ်းမိုး စေတနာဆိုးဖြင့် သူတစ်ပါးရဲ့ ကုသိုလ်ကောင်းမှု ပြုလုပ်နေတဲ့အပေါ်မှာ
ဟန့်တား ပိတ်ပင် ပြောဆိုခြင်း မပြုကြဖို့
သတိထားနိုင်ကြပါစေလို့ အသိပေးရင်း ဤဓမ္မစာစုကို နိဂုံချုပ်လိုက်ပါတယ်...။
အရှင်ဝိသုတ (ရေစကြို) 🙏🙏
Credit..
No comments:
Post a Comment