ဘာလုပ်ရင် ချမ်းသာမှာလဲ
==================
ကောင်းကောင်း လေ့ကျင့်
အားထုတ်မယ်ဆိုရင်
ဘယ်အရာဟာ ချမ်းသာသုခကို
ပေးနိင်မလဲ?
ဓမ္မော သုစိဏ္ဏော သုခမာဝဟတိ---
ကောင်းကောင်း လေ့ကျင့်
ကြိုးစားအားထုတ်မယ်ဆိုရင်
ချမ်းသာသုခကို ပေးနိင်တဲ့
အရာဟာ သူတော်ကောင်းတရားပါ။
သူတော်ကောင်းတရားလို့
ပြောလိုက်တဲ့အခါမှာ
စိတ်ထဲမှာ (၄)မျိုးလောက်တော့
နားလည်ပြီးသား ဖြစ်ရမယ်။
(၁) ဒါနသည် သူတော်ကောင်း
တရားလို့ နားလည် ရမယ်။
(၂) သီလသည် သူတော်ကောင်း
တရားလို့ နားလည် ရမယ်။
(၃) သမာဓိသည် သူတော်ကောင်း
တရားလို့ နားလည် ရမယ်။
(၄) ပညာသည် သူတော်ကောင်း
တရားလို့ နားလည် ရမယ်။
ဒါန သီလ သမာဓိ ပညာတို့ကို
ကောင်းကောင်း လေ့ကျင့်
ကြိုးစားအားထုတ်မယ်ဆိုရင်
အဲဒီ ကောင်းကောင်း လေ့ကျင့်
ကြိုးစားအားထုတ်ထားတဲ့
သူတော်ကောင်းတရားကပဲ
ကိုယ့်ကိုယ် ချမ်းသာသုခကို ပေးလိမ့်မယ်။
သစ္စာရွှေစည်ဆရာတော်
၏
"အမြတ်ဆုံးသော ရှင်သန်ခြင်း"တရားတော်မှ ကူးယူ ပူဇော်သည်။
No comments:
Post a Comment