(ဓမ္မ"အမြင်နှင့် နှစ်သစ်ကူးခြင်း)
နှစ်သစ် ကူးတိုင်းကူးတိုင်း
နှစ်ဟောင်းထက် ကို
လာမယ့်နှစ်က
ပိုကောင်းလာလိမ့်မယ်လို့
စိတ်ထဲမှာမျှော်လင့်ကြတယ်၊
သို့သော်
သဒ္ဓါ'သီလ'သုတ
စာဂ'ပညာတို့ ဆိုတဲ့
အရေးပါတဲ့
အခြေအနေကောင်းတွေ
မဖန်တီးနိုင်ဘူး ဆိုရင်
လူတွေရဲ့မျှော်လင့်ချက်ဟာ
ဖြစ်လာမှာ မဟုတ်ဘူး!
ပိုကောင်းလာဖို့ဆိုတာ
မဖြစ်နိုင်ဘူး၊
နှစ်သစ်"အခါ(သမယ)မှာ
ပိုပြီးတော့
ကောင်းလာစေချင်ရင်
🌿ပိုၿပီး သဒ္ဓါတရားတွေ
ကောင်းလာအောင်
🌿ပိုပြီး ကိုယ်ကျင့်တရားတွေ
လုံခြုံလာအောင်
🌿ပိုပြီး စွန့်လွတ်မှုတွေ
ခိုင်မာလာအောင်
🌿ပိုပြီး အသိဉာဏ်တွေ
ကြွယ်ဝလာအောင်
လုပ်ကြဖို့လိုတယ်။
အဲဒီ
အကြောင်းတရားတွေ
ပြည့်စုံမှ သာလျှင်
မိမိတို့ရဲ့မျှော်လင့်ချက်နဲ့
ချမ်းသာသုခတွေ
မင်္ဂလာအပေါင်းနဲ့ပြည့်စုံပါစေ ဆိုတဲ့
ဆုတောင်းတွေတောင်းဆိုမှုတွေဟာ
တစ်လုံးတစ်ဝ ကြီးဖြစ်လာမှာဖြစ်တယ်။
နှစ်သစ်"ကူးတာသက်သက်နဲ့ကတော့
ကောင်းကျိုး ချမ်းသာတွေ
ရလာမှာ မဟုတ်ဘူးတဲ့။
လောကမှာ
အသစ်အသစ်"ဆိုတာ
ရှည်တဲ့ကာလအပိုင်းလေးတစ်ခုကို ကြည့်ပြီးတော့
အဟောင်းကုန်ပြီးရင်အသစ်ကူးတယ် လို့
ဒီလို ပြောကြတာ။
ဓမ္မအမြင်နဲ့
ကြည့်မယ် ဆိုလို့ရှိရင်
စက္ကန့်ပိုင်း တိုင်းဟာအသစ်
ကူးနေတာပါ
အဟောင်းကုန်ပြီးရင်အသစ်ကို
ပြောင်းနေတာပါ
ဒီလကုန်ရင်
နောက်လရောက်တာလည်း
(လ)အသစ် ကူးနေတာပါပဲ
ဒီနေ့ကုန်လို့
နောက်တစ်ရက်
ရောက်လာတာဟာရက်အသစ် ကူးနေတာပါ
ဒီနာရီကုန်လို့
နောင်နာရီဆိုတာလည်းအသစ်ကူးနေတာပါ
နောက်ဆုံး
ဒီစက္ကန့်လေး ကုန်သွားလို့
နောက်စက္ကန့်လေး ဆိုတာလည်း
ကူးနေတာပါ။
နေ့စဉ်နဲ့အမျှဟာ
အသစ်၊အသစ်"တွေချည်းပါပဲ
အဲသလို
အဟောင်းအဟောင်းတွေ
ချုပ်သွားပြီး
အသစ်၊အသစ်တွေပေါ်လာနေတယ် ဆိုတာ
လောကရဲ့ မတည်မြဲတဲ့
ရပ်တည်မနေတဲ့
အစဉ်,"ထာဝရ”
ရွှေ့ပြောင်းနေတဲ့
သဘာဝတရားကြီးမျှသာဖြစ်ပါတယ်။
တစ်ကယ်
စဉ်းစားကြည့်မယ် ဆိုလို့ရှိရင်
အသစ်ကို မျှော်တာဟာ
တဏှာ"လောဘ “ရဲ့
သွေးဆောင်မှုတစ်ခုသာ
ဖြစ်တယ်။
အသစ်ကို မျှော်ခြင်းသည်
တဏှာ"မကင်းသူ တို့ရဲ့
အတွေး တစ်ခုမျှသာဖြစ်တယ်။
နေ့စဉ်နဲ့အမျှ ကြည့်လေ
နေကြီး ထွက်လာပြီးတော့
ဝင်သွားလို့ရှိရင် မနက်ဖြန်ခါနေအသစ်ပေါ့
အဲဒီလို
နေ့တွေ၊ လတွေ
အသစ်အသစ် ပြောင်းနေတဲ့
အချိန်ကိုတော့ အသစ်လို့ မထင်ဘူး။
နဲနဲလေး
ကြာလာတဲ့အခါ ကျတော့
လပေါင်း (၁၂)လ၊ရက်ပေါင်း (၃၆၅)ရက်
ကြာညောင်းလာတဲ့အခါ ကျတော့
နှစ်ဟောင်း ကုန်လို့
နှစ်သစ် ရောက်လာပြီလို့
လူတွေကသတိထား မိလာတာပါ။
ဝိပဿနာ"ဉာဏ် နဲ့
ဆက်စပ်သုံးမယ် ဆိုလို့ရှိရင်
စက္ကန့်ပိုင်းတိုင်းမှာအသစ်အသစ်တွေဟာ
ပြောင်းနေတယ်လို့သိလာနိုင်တယ်။
အဲဒီတော့
အသစ်ပြောင်းတာတွေကို
မျှော်လင့်နေမယ် ဆိုရင်
တဏှာ"လောဘ ရဲ့
အမြင်နဲ့
မျှော်လင့်နေတာသာဖြစ်တယ်၊
ကောင်းကျိုးတရားတွေဖြစ်မလာနိုင်ပါဘူး။
ဒါကြောင့်
အသစ်ကိုမျှော်တာကိုရုတ်သိမ်းလိုက်တယ်၊
တရား"အမြင်နဲ့
ကြည့်လိုက်မယ် ဆိုရင်
အသစ်ရော"အဟောင်းပါအတူတူ ပါပဲ
အသစ် မမျှော်တော့ဘူး။
ဒါကြောင့်
မြတ်စွာဘုရားက
ငါ့"ဘဝ ဟာ
ဒါ နောက်ဆုံးပဲ
နောက်ထပ် မရှိတော့ဘူးလို့မိန့်တော်မူပါတယ်။
အသစ်ကို မမျှော်တော့ဘူး
ဆိုလို့ရှိရင်
ဒါဟာ သံသရာ"မှာ
ဒုက္ခတွေချုပ်ငြိမ်းသွားခြင်းသာ
ဖြစ်ပါတယ်။
အသစ်မျှော်နေသေးသမျှ
သံသရာထဲမှာ
ဒုက္ခတွေနဲ့
ဆုံကြ ကြုံကြရဦးမှာဖြစ်ပါတယ်။
ဒါကြောင့်
“တဏှာ"ရဲ့မျှော်လင့်ချက်မျိုး
မဖြစ်ပဲနဲ့
မိမိတို့ရရှိလာတဲ့
နှစ်သစ်ကာလအခါ(သမယ)မှာ
မဖြစ်သေးတဲ့ သဒ္ဒါတရားဖြစ်လာအောင်
မဖြစ်သေးတဲ့
ကိုယ်ကျင့်တရားတွေ ကောင်းမွန်လာအောင်
မဖြစ်သေးတဲ့ စာဂတရားတွေ များပြားလာအောင်
မဖြစ်သေးတဲ့ ပညာတရားတွေ
အသစ်ဖြစ်လာကြအောင်လို့
ကြိုးစားခြင်းသည်သာလျှင်
တစ်ကယ့်အစစ်အမှန်ဖြစ်တယ်
ဆိုတာကိုယုံကြည်ပြီးတော့
အားလုံးသော
တရားချစ်ခင် သူတော်စင်
ပရိတ်သတ်တို့သည်
နှစ်သစ်ကူးပြီးစ
နှစ်ဦး အခါသမယမှာ
ဗုဒ္ဓမြတ်စွာ ဟောကြားတဲ့တရားဓမ္မကို
လိုက်နာကျင့်သုံးနိုင်ကြပါစေ လို့
ဓမ္မလက်ဆောင်
ပေးတဲ့အနေနဲ့ ဒီတရားကို
ဟောကြားအပ်ပါတယ်။
🙏🙏🙏
ပါမောက္ခချုပ် ဆရာတော်ဘုရားကြီး
No comments:
Post a Comment