သူများဘ၀တွေကို
ကဲ့ရဲ့ရတာ လွယ်သလောက်
ကိုယ့်တိုင် အပြစ်ကင်းအောင်တော့
ကြိုးစားဖို့ မေ့နေတတ်ကြတယ် ။
သူများဘ၀တွေကို
အထင်သေးရတာလွယ်သလောက်
ကိုယ့်တိုင် ဘာမှမဟုတ်တာကိုတော့
လက်မခံနိုင်ပဲ မေ့နေတတ်ကြတယ် ။
သူများဘ၀တွေကို
ဆုံးမရတာ လွယ်သလောက်
ကိုယ်ကိုယ်ကို ဆုံးမဖို့အတွက်တော့
အရမ်းခက်ခဲ နေတတ်ကြတယ် ။
သူများဘ၀တွေကို
ဝေဖန်ရတာ လွယ်သလောက်
ကိုယ့်ကိုယ်ကို မဟုတ်သေးဘူးလို့
ဝေဖန်ရတာက ခက်နေတတ်တယ် ။
သူများဘ၀တွေကို
အားကိုးရတာဟာလွယ်သလောက်
ကိုယ်တိုင် အားကိုးရာရှိဖို့ကတော့
လုပ်ရတာ ခက်နေတတ်ပါတယ် ။
သူများဘ၀ကို
အချိန်ပေးရတာ လွယ်သလောက်
ကိုယ်တိုင်မှာ အချိန်ပေးဖို့ကြတော့
လူအများစုဟာ မေ့နေတတ်ပါတယ် ။
သာရ ဂ ဝေ သီ
No comments:
Post a Comment