တချို့က ဘုရားကျောင်းကန်တွေ ရှိနေရင် သာသနာထွန်းကားနေတယ်လို့ ထင်ကြတယ်။
ကိုယ်တိုင်ကျ ငါးပါးသီလတောင် မလုံဘူးဆိုရင် သူ့အတွက် သာသနာကွယ်နေတာပဲလေ…။
သာသနာပြုအစစ်ဆိုတာ ဗုဒ္ဓမြတ်စွာဟောထားတဲ့ တရားဓမ္မတွေကို သင်ယူတာနဲ့ ကျင့်သုံးတာဟာ တကယ့်သာသနာပြုအစစ်ပဲ။
သာသနာပြုရဲ့အဓိပ္ပာယ်ကို မသိလို့ရှိရင် ကိုယ့်ကိုယ်ကို ဘာလုပ်နေတယ်ဆိုတာ မသိလိုက်ဘဲ ဖြစ်နေလိမ့်မယ်။ သာသနာပြုအစစ်ကို မဖြစ်ဘဲနဲ့ နေလိမ့်မယ်။
အဲဒီလို သင်ယူမှ၊ ကျင့်သုံးမှ သာသနာသည် ရင်ထဲရောက်မှာပေါ့။ ရင်ထဲက သာသနာမပျောက်မှ သာသနာမကွယ်တာ။ နို့မို့ဆိုရင် သာသနာဆိုတာ ကွယ်သွားနိုင်တယ်။
အေး… တချို့က ဘုရားတွေ၊ ကျောင်းကန်တွေ ရှိနေရင် သာသနာထွန်းကားနေတယ်လို့ ထင်တယ်။ သူကတော့ ငါးပါးသီလတောင် မလုံဘူးဆိုရင် သူ့အတွက် သာသနာကွယ်နေတာပဲလေ။
ဘုရားကတော့ ရှိတာပဲ။ ဒီပြင် ဗုဒ္ဓဘာသာမဟုတ်တဲ့ နိုင်ငံတွေမှာလည်း ဘုရားရှိနေတာပဲ။ ဟုတ်ကဲ့လား။ ကျောင်းဟောင်းကြီးတွေ၊ ဘုရားရုပ်ပွားတော်တွေ၊ ဆင်းတုတော်တွေ ဒီကနေ့ကမ္ဘာမှာ ဗုဒ္ဓဘာသာနိုင်ငံမဟုတ်တဲ့ နိုင်ငံတွေမှာလည်း ရှိနေတာပဲ။ အဲဒါ သာသနာတည်တယ်လို့ ခေါ်ရမှာလား၊ ခေါ်လို့မရဘူးနော်။
တကယ့်သာသနာသည် ကိုယ့်ရဲ့ရင်ထဲ၊ နှလုံးသားထဲမှာ တည်တယ်။ ကိုယ်တိုင်ကျင့်သုံးမှ ကိုယ့်သာသနာ။
ဒါကြောင့်မို့ မှတ်ဖို့ရာက ရင်ထဲက သာသနာမပျောက်စေနဲ့။ အပြင်ကသာသနာက ကိုယ်နဲ့ ဆိုင်ချင်မှဆိုင်မယ်။ ကိုယ့်ရင်ထဲက သာသနာ ကိုယ်မပျောက်ဖို့ အရေးကြီးတယ်။ မြတ်စွာဘုရားဓမ္မတွေကို ကိုယ်ဘယ်လောက် လိုက်နာကျင့်သုံးသလဲ ဆိုတဲ့အပေါ်မှာ မူတည်တယ်။
ပါမောက္ခချုပ်ဆရာတော်
ဒေါက်တာ အရှင်နန္ဒမာလာဘိဝံသ
🙏🙏🙏
မူရင်းပို့စ်ပိုင်ရှင်အား
ⒸⓇⒺⒹⒾⓉ..
No comments:
Post a Comment