ဒေါသ (၅) မိနစ် အပါယ်လေးဘုံ နှစ်တစ်သောင်း
<><><>🌹🌿🌹🌿🌹🌿🌹<><><>
ကုသိုလ်ကံပဲဖြစ်ဖြစ်
အကုသိုလ်ကံပဲဖြစ်ဖြစ်
အင်အားပြည့်ဝနေတဲ့ကံ တစ်ခု
စေတနာ တစ်ခု သည်
ဘဝတစ်ခုကိုအကျိုးပေးနိုင်တဲ့
စွမ်းအင်ရှိတယ်။
ဘဝတစ်ခုမှာ
ဒီးဒုတ်ငှက် တစ်ကောင်ဟာ
မိမိစားကျက်အနီး
လာရောက်စားသော
ဇီးကွက်ကလေးကို
သူ့ရဲ့နှုတ်သီးနဲ့
စိတ်ရှိလက်ရှိ ပေါက်သတ်နေလိုက်တာ
အချိန်အားဖြင့် ငါးမိနစ်လောက်တော့
ကြာမယ်ဆိုကြပါစို့။
ဒီငါးမိနစ်အတွင်းမှာ
သူပေါက်သတ်လိုက်လို့
သေသွားပြီဆိုရင်
အဲဒီငါးမိနစ်ဆိုတဲ့အချိန်ကာလ
အသေးလေးမှာ
ဒီဇီးကွက်ကိုပေါက်သတ်နေတဲ့
ဒေါသဇော ပြဌာန်းနေတဲ့
အကုသိုလ်ဇောတွေ
ဘယ်လောက် ဖြစ်မလဲ
မှန်းမျှော်ပြီး ကြည့်။
မျက်စိတစ်မှိတ်လို့ ခေါ်ဆိုအပ်တဲ့
အချိန်ကာလအတွင်းမှာ
ဒီအကုသိုလ်ဇောတွေသည်
သိန်းနဲ့ချီပြီး အမှုတော်ကို
ထမ်းရွက်နေကြပါတယ်။
ဒီတော့ငါးမိနစ်လောက်ဆိုရင်
ဇောပေါင်းဘယ်လောက်ဖြစ်မလဲ
စဉ်းစားကြည့်။
အဲဒီဇောတစ်ခုခုသည်
အပါယ်လေးဘုံမှာ
ပဋိသန္ဓေဖြစ်စေနိုင်တဲ့
စွမ်းအားအပြည့်အဝရှိတယ်။
အပါယ်လေးဘုံက
လွတ်မြောက်လာပြီး
လူ့လောကကိုရောက်လာရင်လည်း
အနာရောဂါထူပြောခြင်း စတဲ့
မကောင်းကျိုးတွေ
ဆက်တိုက်ပေါ်လာတတ်တယ်။
ဒါဟာဘာကို
အခြေခံလဲလို့ မေးရင်
မိမိရဲ့ကိုယ်ကျင့်သီလကို
သန့်ရှင်းစင်ကြယ်အောင်
ကျင့်ကြံအားထုတ်မှု မရှိခြင်း
အပေါ်မှာအခြေတည်နေပါတယ်။
ဒါကြောင့်
အခုလိုအသိဉာဏ်ရှိနေတဲ့
ဘဝတစ်ခုကိုရကြပြီ၊
ဘုန်းကြီးတွေကလည်း
တရားအကြိမ်ကြိမ်ဟောနေပြီ။
သာသနာတော်ကို ကြည်ညိုတဲ့
စိတ်ထားတွေလည်း ပေါ်နေပြီ။
တရားဘာဝနာတွေကိုလည်း
ကျင့်ကြံအားထုတ်ခွင့် ရနေပြီ
ဖြစ်ပါတယ်။
ယခုလိုကာလမှာ
ဒီလိုမကောင်းတဲ့အကျိုးကို ပေးတတ်တဲ့
ကိုယ်ကျင့်သီလ ပျက်စီးမှုဆိုတဲ့
လုပ်ငန်းရပ်တွေကို မပြုလုပ်သင့်ပါ။
ဘာကြောင့်လဲ
မိမိရဲ့အကျိုးကို
မျှော်လင့်တောင့်တခဲ့တယ်ဆိုရင်
သီလပျက်စီးကြောင်းဖြစ်တဲ့
ဒုစရိုက်တရားတွေကို
မကျုးလွန်သင့်ပါ။
ထို့ကြောင့်မြတ်စွာဘုရားရှင်က
တုံမေ-သင်ချစ်သားတို့
သုသီလ ကိုယ်ကျင့်သီလရှိသော
ပုဂ္ဂိုလ်တို့သည် ဟောထဖြစ်ကြပါကုန်လော့။
မိမိရဲ့မှီခိုအားထားရာအတွက်
နံပါတ်တစ် ပြုကျင့်ရမယ့်
တရားက ကိုယ်ကျင့်သီလ
ဖြူစင်အောင်
ကာယကံ ဝစီကံ မနောကံ တို့ကို
ကောင်းစွာစောင့်ထိန်းခြင်းပင်ဖြစ်ပါသည်။
၎င်းသည်ပင်လျှင် မိမိ၏ ကိုးကွယ်အားထားရာဖြစ်တော့သည်။
ကျေးဇူးရှင် ဖားအောက်တောရဆရာတော်ကြိီး
🙏🙏🙏🙏🙏🙏🙏🙏🙏🙏🙏🙏
အရှင်နန္ဒိယ-သာကီနွယ်
No comments:
Post a Comment