ရဟန်းလူထွက်လျှင် ကျန်ရှိပစ္စည်း မည်သူပိုင်သနည်း
•••••••••••••••••••••••••••••••••••••••••••••••••••••••••••••••
အမေး...
လူအဖြစ်သို့ရောက်ပြီးသော ပုဂ္ဂိုလ်သည် မိမိနေထိုင်ခဲ့သော ကျောင်းကို ငါပိုင်ဆိုင်သောကျောင်းဟု ပြောဆိုကြရာ ထိုသူပိုင်ဆိုင်ထိုက် မပိုင်ဆိုင်ထိုက်ကြောင်းများကို သိလိုပါသည်။
အဖြေ....
ထိုကျောင်းသည် ထိုရဟန်း၏ ပုဂ္ဂလိကအဖြစ်နှင့် ရေစက်ချ၍လှူသော ကျောင်းဖြစ်အံ့....။
လူထွက်၍သွားသော်လည်း ထိုသူ၏
သန္တကပင်ဖြစ်၏။
သို့သော် ထိုလူထွက်သည် ထိုကျောင်းသည် ငါ၏သန္တကဖြစ်သည်ဟု ရောင်းချ၍ စားခြင်းငှါ လည်းမအပ်။
ဖျက်ဆီးခြင်းငှါလည်း မအပ်။
#သဒ္ဓါဒေယျဝိနိပါတ ဖြစ်၏။
သဒ္ဓါဒေယျဝိနိပါတဆိုသည်ကား...ပစ္စည်းရှင်ဒါယကာတို့က နောင်သံသရာကျိုးကို ယုံကြည်အားကိုး၍ လှူဒါန်းသော ပစ္စည်းလေးပါးတို့ကို သံဃာအကျိုး ၊ သာသနာအကျိုးမှတပါးသောအရာ၌ ပေးစွန့်ရောင်းချခြင်းကို ပြုခြင်းတည်း။
လောက၌ အလွဲသုံးစားမှုခေါ်သည်။
ဝိနည်းတော်၌ ဒုက္ကဋ်အာပတ်သင့်သည်ဟု လာ၏။
သုတ္တန်တို့၌မူကား အလွန်အပြစ်ကြီးသည်ဟု လာ၏။
ထို့ကြောင့် သဒ္ဓါဒေယျ...လှူဒါန်းထားသော ကျောင်းပစ္စည်းမျိုး ၊ ပရိက္ခရာဘဏ္ဍာမျိုး ၊ ဘုရားဆင်းတု ၊ စာထုပ် ၊ စာအုပ်....စသည်တို့ကို ငါ၏ ပုဂ္ဂလိက
သန္တကဖြစ်သည်ဟု အလွဲသုံးစား မှုကို ပြုခြင်းငှါမထိုက် ၊ ဆင်ခြင်ကြလေကုန်...။
လယ်တီဆရာတော်ဘုရားကြီး
🙏🙏🙏ရဟန်းကျော်
Credit
No comments:
Post a Comment