ပိုက်ဆံရှိတာနဲ့ ကုသိုလ်ရှိတာမတူဘူး
🌸🌸🌸🌸🌸🌸🌸🌸🌸🌸🌸🌸🌸
ပိုက်ဆံရှိလို့
ငါရှိတယ်၊ ငါသုံးနိုင်တယ် ဆိုတဲ့
အတွေးလေး ၀င်လာတဲ့အခါမှာ
ချမ်းသာတယ်။
သြော်… ငါပိုင်ဆိုင်တဲ့ ပစ္စည်းတွေ
လုံခြုံ မှု ရှိရဲ့လားလို့ တွေးလိုက်လို့ရှိရင်
စိတ်ဆင်းရဲစရာ ဖြစ်လာတယ်။
တစ်ဖက်ကကြည့်ရင် ချမ်းသာသော်လည်း
တစ်ဖက်ကကြည့်ရင် ချမ်းသာတယ်လို့
ပြောလို့ မရဘူး။
ကုသိုလ်ကောင်းမှုကတော့
အဲဒါမျိုး မဟုတ်ဘူး။
ကုသိုလ်ကောင်းမှု ရှိတယ်ဆိုတဲ့
ပုဂ္ဂိုလ်တစ်ယောက်ဟာ
ကိုယ့်မှာ အားကိုးတစ်ခု ရှိနေတယ်။
ငါ့မှာ ကုသိုလ်ကောင်းမှု
ရှိတယ်ဆိုတဲ့ အတွေး
၀င်လာတဲ့ အခါမှာလည်း ချမ်းသာတယ်။
ထို ကုသိုလ်ကောင်းမှုတွေ
ပျောက်ပျက်သွားမလားလို့ တွေးပြီး
ပူပန်စရာလည်း မရှိဘူး။
ရေ၊ မီး၊ မင်း၊ ခိုးသူ
မချစ်မနှစ်သက်အပ်သော
အမွေခံ သားဆိုးသမီးဆိုးတွေရဲ့
အန္တရာယ်ကြောင့်
ကိုယ့်မှာရှိတဲ့ ကုသိုလ်တွေ
ပျောက်ပျက်သွားမလားလို့ တွေးပြီး
ပူပန်စရာလည်း မရှိဘူး။
အဲဒီတော့ ကုသိုလ်က
ချမ်းသာသက်သက် ပေးတာ။
ဒါကြောင့်မို့…
"သုခေါ ပုညဿ ဥစ္စယော"
ပုညဿ - ကုသိုလ်ကောင်းမှု၏၊
ဥစ္စယော - မိမိသန္တာန်မှာ
စုဆောင်းမိခြင်းသည်၊
သုခေါ - ချမ်းသာသုခ ရရှိခြင်း၏
အကြောင်းဧကန် အစစ်အမှန်ပဲ" လို့
ဒီလိုဟောထားတယ်။
ကုသိုလ်ကောင်းမှုဆိုတာ
ဒီလောက် အားကိုးရတယ်နော်။
ဒေါက်တာအရှင်နန္ဒမာလာဘိဝံသ
🙏🙏🙏🙏🙏🙏🙏🙏🙏🙏
Credit...
No comments:
Post a Comment