❀ ခ်မ္းေျမ့ရိပ္သာ ဆရာေတာ္ဘုရားႀကီး ဘာသာျပန္ထားတဲ့ ဘဝျပႆနာဆိုတဲ့ စာအုပ္ေလးရိွတယ္၊ အဲဒီစာအုပ္ေလးမွာ ကံၾကမၼာေၾကာင္းေတြနဲ႔ ပတ္သက္ၿပီးေတာ့ ေဟာစာတမ္းေတြထုတ္တယ္၊ အဲဒါကလည္း အိပ္ေမြ႔ခ်တဲ့ ပညာရပ္ကိုသံုးၿပီး ေရာဂါျဖစ္ေနတဲ့ ပုဂၢိၢဳလ္ေတြကို ေရာဂါကုတဲ့ အေၾကာင္းေတြကို မွတ္တမ္းတင္ထားတာ၊ အဂၢါေကစီ ဆိုတဲ့ စာေရးဆရာတစ္ေယာက္ေရးထားတာ။ အဲဒီစာအုပ္ ဖတ္ဖူးတဲ့ပုဂၢိဳလ္ေတြလည္း ရိွေကာင္းရိွပါလိမ့့္မယ္၊ မဖတ္ဖူးေသးရင္ေတာ့ အဲဒီစာအုပ္ေလး ႐ွာဖတ္ေပါ့။ ခ်မ္းေျမ့ရိပ္သာမွာ ရိွေကာင္းရိွပါလိမ့့္မယ္ေနာ္၊ အဲဒီမွာ ကံၾကမၼာရဲ႕အေၾကာင္းကို သ႐ုပ္ေဖာ္ထားတာ။ အဲဒီ သ႐ုပ္ေဖာ္တဲ့ ပုဂၢိဳလ္ေတြက ကံၾကမၼာအေၾကာင္းကို ယံုၾကည္တဲ့ လက္ခံတဲ့ ပုဂၢိဳလ္ေတြ မဟုတ္ဘူး၊ ကံၾကမၼာအေၾကာင္းကုိ ယံုၾကည္လက္ခံတဲ့ အယူဝါဒရိွသူေတြ မဟုတ္ဘူး။ အယူဘာသာတစ္မ်ိဳးရိွတဲ့ ပုဂၢိဳလ္ေတြ ။
❀ အဲဒီမွာ အမ်ိဳးသမီးတစ္ေယာက္ Wheel chair နဲ႔ သြားေနရတာ မသန္မစြမ္း ျဖစ္ေနတယ္၊ အဲဒီ မသန္မစြမ္းျဖစ္ေနတဲ့ အမ်ိဳးသမီးတစ္ေယာက္ကို အိပ္ေမြ႔ခ်ၿပီးေတာ့ အိပ္ေမြ႔ခ်ထားတဲ့ အခ်ိန္မွာ သူကၾကည့့္တယ္၊ ၾကည့့္လိုက္ေတာ့ဘာျဖစ္လို႔ ဒီအမ်ိဳးသမီးဟာ အခုလို မသန္မစြမ္းျဖစ္ၿပီး ေျခေထာက္ေတြ ဒူးေတြ နာေနရသလဲလို႔ သူက ၾကည့္လိုက္တာ၊ အိပ္ေမြ႔ခ်ၿပီး ၾကည့္လိုက္ေတာ့ ဘာေတြျမင္တုန္းဆိုရင္ သူေျပာတဲ့စကားအရ ေျပာရမယ္ဆိုရင္ `ဒီသတၱဝါသည္တဲ့ လြန္ခဲ့တဲ့ ခုနစ္ဘဝက ေရာမေခတ္မွာ ေရာမႏိုင္ငံမွာ အမ်ိဳးသမီးတစ္ေယာက္ျဖစ္ခဲ့တယ္တဲ့´။ ေဟာဒါ သူေျပာေနတာေနာ္။
❀ သူက ဒီ ကံ,ကံ၏အက်ိဳးကို ယံုၾကည္တဲ့လူလည္း မဟုတ္ဘူး၊ ဘဝကို ယံုၾကည္တဲ့လူလည္း မဟုတ္ဘူး၊ တစ္ျခားဘာသာဝင္ ပုဂိၢဳလ္တစ္ေယာက္ျဖစ္တယ္၊ အဲဒါေျပာၿပီး ဘာဆက္ေျပာတုန္းဆိုေတာ့ `အဲဒီတုန္းကတဲ့၊ ဘာသာမတူတဲ့ ပုဂၢိဳလ္ေတြကို ျခေသၤ့စာေကြၽးတယ္ဆိုတာ ရိွတယ္၊ အဲဒီ ျခေသၤ့ေတြ ေလွာင္ထားတဲ့ အထဲကို အဲဒီလူကို ပစ္ခ်လိုက္တယ္၊ အဲဒီမွာ ျခေသၤ့ေတြက ထြက္ၿပီးေတာ့ တိုက္ခိုက္တာေပါ့၊ အဲဒီအခ်ိန္တုန္းက အမ်ိဳးသမီးဟာ ထိုင္ၾကည့္ေနတဲ့ ပရိတ္သတ္ထဲမယ္ ပါတယ္တဲ့၊ ခုနက ရာဇဝတ္သားတစ္ေယာက္ကို ျခေသၤ့စာေကြၽးေတာ့ ျခေသၤ့ကေနၿပီးေတာ့ ထြက္ကိုက္တယ္၊ သူက႐ုန္းတယ္၊ ေျပးတယ္၊ ျခေသၤ့က လိုက္ၿပီးေတာ့ ကိုက္တယ္၊ ဖမ္းတယ္၊ ဒါေတြကိုၾကည့္ၿပီး သေဘာက်ကာ ရယ္ေမာခဲ့တယ္´ တဲ့။
❀ လြန္ခဲ့တဲ့ ခုနစ္ဘဝက သူက အဲဒီလို ရယ္ေမာခဲ့လို ဒီဘဝမွာ လာၿပီး ဒီလို မသန္မစြမ္း ျဖစ္ရတာတဲ့။ အဲဒီ အက်ိဳးဆက္လို႔ သူက ဒီလိုေဟာတယ္၊ အိပ္ေမြ႔ခ်ထားတဲ့ ပညာရပ္နဲ႔ ေဟာတာေနာ္။ အဲဒီစာအုပ္ေလးကို ဖတ္ၾကည့္ရင္ ေတြ႔လိမ့္မယ္၊ ဒါ ဘာကိုေျပာလိုတာတုန္းဆိုေတာ့ ကံၾကမၼာဆိုတာ ရိွတယ္ဆိုတာကို ေျပာျပတာေနာ္။
❀ ျမတ္စြာဘုရားသခင္ကိုယ္ေတာ္ျမတ္က ဒိဗၺစကၡဳဉာဏ္နဲ႔ ၾကည့္လိုက္တဲ့အခါ ဘယ္တုန္းက ဘာလုပ္ခဲ့တယ္၊ ဒါေၾကာင့္ ဒါျဖစ္ေနတယ္ဆိုတဲ့ ကံရဲ႕ အရိပ္အေယာင္ေတြအားလံုးကို ျမတ္စြာဘုရားက ေဖာ္ထုတ္တာ။ ဒါကို ယထာကမၼဴပဂဉာဏ္လို႔ ေခၚတယ္။
ေဒါက္တာနႏၵမာလာဘိဝံသဆရာေတာ္
UNICODE VERSION
✔ ✔ ✔ ✔ ✔ ✔ ✔ ✔
❀ ချမ်းမြေ့ရိပ်သာ ဆရာတော်ဘုရားကြီး ဘာသာပြန်ထားတဲ့ ဘဝပြဿနာဆိုတဲ့ စာအုပ်လေးရှိတယ်၊ အဲဒီစာအုပ်လေးမှာ ကံကြမ္မာကြောင်းတွေနဲ့ ပတ်သက်ပြီးတော့ ဟောစာတမ်းတွေထုတ်တယ်၊ အဲဒါကလည်း အိပ်မွေ့ချတဲ့ ပညာရပ်ကိုသုံးပြီး ရောဂါဖြစ်နေတဲ့ ပုဂ္ဂိ္ဂုလ်တွေကို ရောဂါကုတဲ့ အကြောင်းတွေကို မှတ်တမ်းတင်ထားတာ၊ အဂ္ဂါကေစီ ဆိုတဲ့ စာရေးဆရာတစ်ယောက်ရေးထားတာ။ အဲဒီစာအုပ် ဖတ်ဖူးတဲ့ပုဂ္ဂိုလ်တွေလည်း ရှိကောင်းရှိပါလိမ့့်မယ်၊ မဖတ်ဖူးသေးရင်တော့ အဲဒီစာအုပ်လေး ရှာဖတ်ပေါ့။ ချမ်းမြေ့ရိပ်သာမှာ ရှိကောင်းရှိပါလိမ့့်မယ်နော်၊ အဲဒီမှာ ကံကြမ္မာရဲ့အကြောင်းကို သရုပ်ဖော်ထားတာ။ အဲဒီ သရုပ်ဖော်တဲ့ ပုဂ္ဂိုလ်တွေက ကံကြမ္မာအကြောင်းကို ယုံကြည်တဲ့ လက်ခံတဲ့ ပုဂ္ဂိုလ်တွေ မဟုတ်ဘူး၊ ကံကြမ္မာအကြောင်းကို ယုံကြည်လက်ခံတဲ့ အယူဝါဒရှိသူတွေ မဟုတ်ဘူး။ အယူဘာသာတစ်မျိုးရှိတဲ့ ပုဂ္ဂိုလ်တွေ ။
❀ အဲဒီမှာ အမျိုးသမီးတစ်ယောက် Wheel chair နဲ့ သွားနေရတာ မသန်မစွမ်း ဖြစ်နေတယ်၊ အဲဒီ မသန်မစွမ်းဖြစ်နေတဲ့ အမျိုးသမီးတစ်ယောက်ကို အိပ်မွေ့ချပြီးတော့ အိပ်မွေ့ချထားတဲ့ အချိန်မှာ သူကကြည့့်တယ်၊ ကြည့့်လိုက်တော့ဘာဖြစ်လို့ ဒီအမျိုးသမီးဟာ အခုလို မသန်မစွမ်းဖြစ်ပြီး ခြေထောက်တွေ ဒူးတွေ နာနေရသလဲလို့ သူက ကြည့်လိုက်တာ၊ အိပ်မွေ့ချပြီး ကြည့်လိုက်တော့ ဘာတွေမြင်တုန်းဆိုရင် သူပြောတဲ့စကားအရ ပြောရမယ်ဆိုရင် `ဒီသတ္တဝါသည်တဲ့ လွန်ခဲ့တဲ့ ခုနစ်ဘဝက ရောမခေတ်မှာ ရောမနိုင်ငံမှာ အမျိုးသမီးတစ်ယောက်ဖြစ်ခဲ့တယ်တဲ့´။ ဟောဒါ သူပြောနေတာနော်။
❀ သူက ဒီ ကံ,ကံ၏အကျိုးကို ယုံကြည်တဲ့လူလည်း မဟုတ်ဘူး၊ ဘဝကို ယုံကြည်တဲ့လူလည်း မဟုတ်ဘူး၊ တစ်ခြားဘာသာဝင် ပုဂိ္ဂုလ်တစ်ယောက်ဖြစ်တယ်၊ အဲဒါပြောပြီး ဘာဆက်ပြောတုန်းဆိုတော့ `အဲဒီတုန်းကတဲ့၊ ဘာသာမတူတဲ့ ပုဂ္ဂိုလ်တွေကို ခြငေ်္သ့စာကျွေးတယ်ဆိုတာ ရှိတယ်၊ အဲဒီ ခြငေ်္သ့တွေ လှောင်ထားတဲ့ အထဲကို အဲဒီလူကို ပစ်ချလိုက်တယ်၊ အဲဒီမှာ ြခငေ်္သ့တွေက ထွက်ပြီးတော့ တိုက်ခိုက်တာပေါ့၊ အဲဒီအချိန်တုန်းက အမျိုးသမီးဟာ ထိုင်ကြည့်နေတဲ့ ပရိတ်သတ်ထဲမယ် ပါတယ်တဲ့၊ ခုနက ရာဇဝတ်သားတစ်ယောက်ကို ခြငေ်္သ့စာကျွေးတော့ ခြငေ်္သ့ကနေပြီးတော့ ထွက်ကိုက်တယ်၊ သူကရုန်းတယ်၊ ပြေးတယ်၊ ခြငေ်္သ့က လိုက်ပြီးတော့ ကိုက်တယ်၊ ဖမ်းတယ်၊ ဒါတွေကိုကြည့်ပြီး သဘောကျကာ ရယ်မောခဲ့တယ်´ တဲ့။
❀ လွန်ခဲ့တဲ့ ခုနစ်ဘဝက သူက အဲဒီလို ရယ်မောခဲ့လို ဒီဘဝမှာ လာပြီး ဒီလို မသန်မစွမ်း ဖြစ်ရတာတဲ့။ အဲဒီ အကျိုးဆက်လို့ သူက ဒီလိုဟောတယ်၊ အိပ်မွေ့ချထားတဲ့ ပညာရပ်နဲ့ ဟောတာနော်။ အဲဒီစာအုပ်လေးကို ဖတ်ကြည့်ရင် တွေ့လိမ့်မယ်၊ ဒါ ဘာကိုပြောလိုတာတုန်းဆိုတော့ ကံကြမ္မာဆိုတာ ရှိတယ်ဆိုတာကို ပြောပြတာနော်။
❀ မြတ်စွာဘုရားသခင်ကိုယ်တော်မြတ်က ဒိဗ္ဗစက္ခုဉာဏ်နဲ့ ကြည့်လိုက်တဲ့အခါ ဘယ်တုန်းက ဘာလုပ်ခဲ့တယ်၊ ဒါေကြာင့် ဒါဖြစ်နေတယ်ဆိုတဲ့ ကံရဲ့ အရိပ်အယောင်တွေအားလုံးကို မြတ်စွာဘုရားက ဖော်ထုတ်တာ။ ဒါကို ယထာကမ္မူပဂဉာဏ်လို့ ခေါ်တယ်။
ဒေါက်တာနန္ဒမာလာဘိဝံသဆရာတော်
No comments:
Post a Comment