🌟 ပျားသို့ပမာ 🌟
၁ ။ ""ပျားရည် "" ဆိုသည်မှာ ချိုမြိန်သောအရသာရှိ၏ ။ အင်အားကြည့်စေ၏။ ချမ်းသာမှု့ကိုပေး၏ ။ ဆေးဖက်ဝင်၏။ အားလုံးကနှစ်သက်ကြ၏။ မွန်မြတ်သောပစ္စည်းဟုသတ်မှတ်ကြသည်။
ထို့အတူ မြတ်စွာဘုရားကို ဟောကြားတော်မူသော အမှန်လးပါး သေစ္စာတရား တို့သည်လည်း ဤ ပျားနှင့်အလားတူကြ၏။ ပျား၏အင်္ဂါရပ်များဖြစ်တော့၏ ။
၂ ။ ထိုမှတဖန်... ပျားရည် တို့သည် ပုပ်သိုးသည့်အလေ့မရှိ .. ပျက်စီး၍ စွန့်ပစ်ရသည့် ထုံးစံဓမ္မတာ သူ့မှာမပါ အမြဲတမ်း ရှင်သန်နေသကဲ့သို့ဖြစ်တော့၏ ။ သို့ဖြစ်၍ ""မသေဆေး ""ဟူ၍လည်း ဥပမာပေးကြ၏ ။
ထို့အတူ သစ္စာတရားတို့သည်လည်း ဘ၀အဖန်ဖန် မသေရအောင် စွမ်းဆောင်နိုင်ကြသဖြင့် ပျားနှင့်ဥပမာ တူကြသည်ဟု နှိုင်းကြပြန်သည် ။
၃ ။ ထိုမှတစ်ပါး ""ပျားရည် "" ဆိုသည်မှာ အထွတ်အမြတ် ပန်းပေါင်းစုံတို့၏ ၀တ်မှုန်.. ၀တ်ရည် တို့သာဖြစ်ကြ၏ ။ ပျားကောင်များက သယ်ဆောင်ပေးကြ၍သာ "" ပျားရည် " ဟု ခေါ်နေကြခြင်း ဖြစ်သည်။ စင်စစ်သော်ကား အမွန်အမြတ် အထွတ်အဖူး ပန်းတကာ့ပန်းတို့၏ ၀တ်မှုန်.. ၀တ်ဦးတို့သာ ဖြစ်သည် ။
ထို့အတူ သစ္စာတရားတို့သည်လည်း တရားတကာ တရားတို့၏ အထွတ်အမြတ် .. အညွန့်အဖူး အဦးဝတ်မှုန်တို့သာ ဖြစ်ကြ၍ ပျားနှင့်တူမျှ သည်ဟု ခိုင်းနှိုင်းကြသည် ။
ဤ ဆိုခဲ့ပြီး အဓိပ္ပါယ်တို့ကို ဖော်ပြလို၍ လည်းကောင်း မိုးကုတ်ဆရာတော်ကြီး၏ ဘ၀တွင်လည်း သုံးကြိမ် .. သုံးခါ ပျားတွေဝိုင်း၍ ၀ိုင်းကြ အုံကြ ၀န်းရံခသည်ကို မှတ်တမ်းတင်လို၍ လည်းကောင်း ..... ထိုမှတစ်ပါး မိုးကုတ်နှင့် ပျားသည် မင်္ဂလာများ ဖြစ်သည်ဟု သိမှတ်စေလို၍ လည်းကောင်း ဤ ပျားအုံပုံကြီးကို ဖော်ပြပါသတတ်...။
📖တစ်ဘ၀သာသနာ ..အရှင်ဃောသိတ.
No comments:
Post a Comment