🌺🌺🌿🌺🌺🌿🌺🌺🌿🌺🌺
⛳တစ်နေ့တော့..
ငါလည်း သေရမှာပါလား?လို့
သေခြင်းတရားကို
အောက်မေ့လိုက်တာနဲ့
အရေးကြီးပါတယ်ဆိုတဲ့
ကိစ္စတွေအားလုံးဟာ
သေခြင်းတရားလောက်
အရေးမကြီးဘူးဆိုတာ သိလာတယ်။
⛳တစ်နေ့တော့...
ငါလည်း သေရမှာပါလား?လို့
သေခြင်းတရားကို
အောက်မေ့မိတာနဲ့
ချစ်ပါတယ် စွဲလန်းပါတယ်ဆိုတဲ့
သူတွေအပေါ်မှာ
သံယောဇဉ်ကြိုးစလေးတွေ
လျော့လျော့လာတယ်။
⛳တစ်နေ့တော့...
ငါလည်း သေရမှာပါလား?လို့
သေခြင်းတရားကို
အောက်မေ့လိုက်တာနဲ့
ပညာရေး"လူမှုရေး"စီးပွားရေး
အရေးပေါင်းများစွာဟာ
သေခြင်းတရားလောက်
မရေးမပါဘူး..ဆိုတာ
သဘောပေါက်လာတယ်။
⛳နောက်ဆုံးတော့..
သေခြင်းတရားကို
ဆင်ခြင်ရင်း မသေတဲ့နေရာ
နိဗ္ဗာန်ကို ရချင်လာတယ်
⛳ဇာတိ"ဆိုတဲ့
ခန္ဓာကြီးရလာရခြင်းရဲ့
ဆင်းရဲတွေကို မြင်လာတယ်
⛳ဇရာ"ဆိုတဲ့ အိုခြင်း
ဆင်းရဲတွေကို မြင်လာတယ်
⛳ဗျာဓိ"ဆိုတဲ့ ခန္ဓာကြီးရဲ့
အနာရောဂါတွေ နှိပ်စက်ခြင်း
ဆင်းရဲကို မြင်လာတယ်
⛳ဒါ့ကြောင့်..
ခန္ဓာကြီးရလာတာဟာ
ဆင်းရဲခြင်းတွေ
စုပုံနေပါလား?လို့
ဆင်ခြင် နှလုံးသွင်းတတ်လာတယ်။
⛳ရနေတဲ့ခန္ဓာကြီးကို
အရင်းတည်ပြီး
ခန္ဓာထဲကက ဖြစ်တာပျက်တာတွေ
သိချင်လာတယ် သိဖို့ ကြိုးစားလာတယ်
⛳သိဖို့ကြိုးစားရင်း
မကောင်းမှုမှန်သမျှ ရှောင်တတ်လာတယ်
ကောင်းမှုမှန်သမျှ ဆောင်တတ်တယ်
⛳ဒါဆိုရင်..
လူ့ဘဝရလာတာဟာ
အရင်းမရှုံးပဲ အမြတ်တွေ ထွက်လာနေတော့တာပါဘဲကွယ်..
_____________
ကြိုးစားနိုင်ကြပါစေသတည်း
မေတ္တာဖြင့်...
အရှင်နန္ဒိယ(သာကီနွယ်)
No comments:
Post a Comment