_______________________
🔹'လောကကြီးမှာ အမှားကို !
အမှန်ထင်လို့ ဘဝပျက်သူတွေ အများကြီးပဲ။
🔹 အမှားကို အမှန်ထင်အောင် !
ပြောတဲ့ စကားကို ❝ မုသားစကား ❞ လို့ ခေါ်ပါတယ်။
🔹မုသားစကားဆိုတာ !
မဟုတ်မမှန်တဲ့ စကားပါ။
🔹 ဝါဒမှိုင်းတိုက်သူတွေဟာ !
မုသားစကားကို ယုတ္တိရှိရှိ ပညာသားပါပါ
ပြောတတ်တယ်။
🔹 ဒိသာပါမောက္ခရဲ့ မုသားစကားကြောင့် !
စာတော်တဲ့ အင်္ဂုလိမာလဟာ
လူသတ်သမားကြီး ဖြစ်သွားတယ်။
🔹တချို့ပညာရှင်တွေဟာ !
အပြောကောင်းပေမဲ့ အကောင်းကို မပြောခဲ့ဘူး။
အမှားကို အမှန်ထင်အောင်ပြောခဲ့တယ်။
🔹ယင်းမုသားစကားကြောင့် !
တချို့လူတွေဟာ အမှားကို အမှန်လို့
ထင်သွားကြတယ်။
🔹ဒီတလွဲ အထင်ကြောင့် !
သူတို့ ဘဝလေးတွေဟာ လမ်းကြောင်းလွဲသွားတယ်။
🔹 လမ်းကြောင်းလွဲမှတော့ !
ငါးပါးမှောက်ပြီပေါ့။ တချို့ဆိုရင် အဖတ်ဆယ်လို့
မရလောက်အောင် ပျက်စီးသွားတယ်။
🔹 ဒါဆိုရင် !
အလိမ်အညာခံရသူတွေဟာ
တစ်ဘဝလုံး ပေးဆပ်လိုက်ရတာပဲ။
သူတို့အတွက် နစ်နာလွန်းပါတယ်။
🔹 ဒါကြောင့် !
မုသားစကားပြောခြင်းဟာ နားထဲကို
အဆိပ်ခတ်တာနဲ့ အတူတူပဲ။
🔹ပါးစပ်ထဲ အဆိပ်ခတ်ရင် !
တစ်ယောက်ထဲ သေနိုင်တယ်။
နားထဲ အဆိပ်ခတ်ရင်တော့ !
လူအများကြီး သေနိုင်တယ်လေ။
🔹 ဒါကြောင့် မြတ်စွာဘုရားက !
မုသားစကား ဆိုရင် ရယ်စရာတောင်
မပြောနဲ့လို့ မိန့်ခဲ့တာပါ။
🔹မုသားစကားဟာ !
အကုသိုလ်ထဲမှာတော့ ကြောက်စရာ
အကောင်းဆုံးလို့လည်း မိန့်တော်မူခဲ့ပါတယ်။
🔹ဘာ့ကြောင့်လဲ !
သူများကို အဆိပ်ခတ်လိုက်ရင် ကိုယ်လည်း
တနေ့ကျရင် အဆိပ်သင့်မှာပဲလေ။ ဒါ သဘာဝပဲ။
🔹 တန်ပြန်အကျိုး ရမှာစိုးလို့ မြတ်စွာဘုရားက " မုသားစကား မပြောနဲ့" လို့ သတိပေးခဲ့တာပါ။
🔹 ဒါကြောင့် !
တိုတောင်းလှတဲ့ ဘဝလေးမှာ
မကျေနပ်မှုတွေ မုန်းတီးမှုတွေ
ကောက်ကျစ်မှုတွေ လှည့်စားမှုတွေနှင့်
အချိန် မဖြုန်းသင့်ပါဘူး။
🔹 ကိုယ့်ဘဝကို !
ရိုးသားသော ဖြူစင်သော
မြင့်မြတ်သော တည်ကြည်သော
ဘဝလေး ဖြစ်အောင် ကြိုးစားရမယ်။
🔹အဲဒီလို ဘဝမျိုး ရဖို့အတွက် !
အလိုအပ်ဆုံး အရာကတော့
သစ္စာတရားပဲ ဖြစ်ပါတယ်။
🔹ဒါကြောင့် ဘယ်လိုအကြောင်းကြောင့်မျှ
သူများနားထဲကို အဆိပ်မခတ်မိစေနဲ့ ။
❝ သတ္တဝါခပ်သိမ်း၊ တရားကိန်း၊
အေးငြိမ်းချမ်းသာရှိပါစေ ❞
_______________________
#အင်ကြင်းမြိုင်ဆရာတော်
#အရှင်ဒေဝိန္ဒာဘိဝံသ
No comments:
Post a Comment