" ခေတ်မမှီနဲ့ ခေတ်ဆန်ကြ "
ဆုတ်ကပ်ဆိုတော့ ခေတ်က
အောက်ကိုလျှောပြီး မျောသွားနေတယ်။
ခေတ်ကိုမှီပြီး ခေတ်နောက်
လိုက်နေရင်တော့
စုန်းစုန်းမြှုပ်မှာပဲ ။
ဒီတော့
ခေတ်ကို ဆန်တက်ရမှာ
ခေတ်ဆန်တယ် ဆိုတာ
သူများ မလုပ်တာကို လုပ်တာပဲ ။
သူများတွေ လောဘကြီးနေချိန်မှာ
တို့က လောဘမကြီးပဲ နေကြ ။
သူများတွေ ဒေါသကြီးနေချိန်မှာ
တို့က မေတ္တာနဲ့ သည်းညည်းခံ နေကြ ။
သူများတွေ မာနနဲ့ မသမာစိတ်နဲ့
လုပ်နေချိန်မှာ တို့က သမာသမတ်နဲ့ လုပ်ကြ ။
သူများတွေ နှမြောတွန့်တိုနေချိန်မှာ
တို့က ရက်ရက်ရောရော ပေးကမ်းကြ ။
သူများတွေ မုသားဘယ်လောက်ပြောပြောတို့က မှန်တာပဲ ပြောကြ ။
သူများတွေ အင်္ကျီအမဲကြီးဝတ်လာရင်
ကိုယ်က ဖြူ စင်ပြလိုက်
မင်းအင်္ကျီက မည်းညစ်ပေရေနေတာပဲလို့
ပြောမနေနဲ့
အဖြူ နဲ့ အမဲ ယှဉ်ပြလိုက်
သူ့ဟာသူ သိလာပါလိမ့်မယ် ။
ခေတ်မှီပြီး ရောလိုက်မနေနဲ့
ခေတ်ကို ဆန်တက်ကြ ။
ဘယ့်နှယ်လဲ
ခေတ်မှီ မှာလား
ခေတ်ဆန် မှာလား
မဟာဗောဓိမြိုင်ဆရာတော်ဘုရားကြီး
🌹🙏🌹🙏🌹🙏🌹🙏🌹🙏🌹
Credit...
No comments:
Post a Comment