🔹 ဖြစ်ကြောတို၊ ငြိမ်းလိုစိတ်၊
ထွက်ရိပ်ကင်း၊ ချက်ချင်းကု၊
ပျက်မှုစိုး၊ တိုး၍ စိုက်၊ လှိုက်လှိုက်ဖို၊
ကြည်ညို ခုနစ်တန် သောတာပန်။
၁။#ဖြစ်ကြောတို - သောတာပန်ဖြစ်လာလျှင်
မပယ်ရသေးသော လောဘ၊ ဒေါသ…
စသည်တို့ ဖြစ်သော်လည်း
ကြာရှည် မဖြစ်၊ ဖြစ်ကြောတိုသည်။
ပုထုဇဉ်တို့ကား
ဉာဏ်ဖြင့် မသိမ်းဆည်းနိုင်၍
ဖြစ်ကြောရှည်နေတတ်သည်။
၂။#ငြိမ်းလိုစိတ် - မပယ်ရသေးသော
ကိလေသာများ ငြိမ်းအေးအောင်
လုပ်မယ်ဆိုတဲ့စိတ် အမြဲရှိသည်။
ပုထုဇဉ်တို့ကား
ထိုကဲသို့ စိတ်မျိုး မထားကြချေ။
၃။#ထွက်ရိပ်ကင်း - ဤဘုရားသာသနာ၌သာ
သံသရာမှ ထွက်ရာလမ်း ရှိသည်။
အခြားတိတ္ထိသာသနာ၌ ထွက်ရပ်လမ်း
အကျင့်ကောင်း မရှိဟု ယုံကြည်သည်။
ပုထုဇဉ်တို့ကား အခြားမှာလည်း
ထွက်ရပ်လမ်း ရှိလေဦးမလား ဟု
သံသယရှိနေကြသည်။
၄။#ချက်ချင်းကု - အပြစ်သင့်လျှင်
ချက်ချင်း ကုစားသည်။
ရဟန်းဖြစ်လျှင် ဒေသနာကြားခြင်း၊
ဝတ်ဆောက်ခြင်း အမှုတို့ကို ချက်ချင်းပြု
ကုစားကြ၏။
လူပုဂ္ဂိုလ်များဖြစ်ပါက ကျူးလွန်မိသော
အပြစ်အတွက် ချက်ချင်းတောင်းပန်ကြ၏။
၅။#ပျက်မှုစိုး - ကိုယ့်သီလပျက်မှာ စိုးရိမ်သည်။
အရေးကြုံတိုင်း ကိုယ့်သီလကို
အမြဲ စောင်းငဲ့ကြည့်တတ်၏။
သားငယ်ရှိသော နွားမကြီးသည်
မြက်ခင်းပြင်၌ အစာစားလိုက်၊
သားငယ်ကို
စောင့်၍ကြည့်လိုက် ဖြစ်နေသည်။
ပုထုဇဉ်တို့ကား
သီလပျက်မှာကို မငဲ့တတ်ကြပေ။
၆။#တိုး ၍ #စိုက် - သစ္စာတရားတွေကို
ဟောပြီဆိုလျှင် တိုးတိုး၍ စူးစိုက်ပြီး
နာယူတတ်ကြ၏။
ပုထုဇဉ်တို့ကား ထိုသို့ မဟုတ်ချေ။
၇။#လှိုက်လှိုက်ဖို - သောတာပန်ပုဂ္ဂိုလ်သည်
သစ္စာတရားတွေကို နာယူရလျှင်
လှိုက်လှိုက်လှဲလှဲ ကြည်ညိုတတ်ကြသည်။
ပုထုဇဉ်တို့ကား ထိုသို့ မဟုတ်ချေ။
* ဤသို့သော အင်္ဂါ (၇)ပါးနှင့် ပြည့်စုံပါက
သောတာပန် ဖြစ်နိုင်ပါသည်။
.
.
. { ရွှေဗောဓိဆရာတော်အရှင်ဝိလာသ }
🙏 🙏 🙏
Virgo Virgo
No comments:
Post a Comment