🌺🌺🌿🌺🌺🌿🌺🌺🌿🌺🌺
ဘုရားဟောထဲမှာရှိတယ်။ ဒေါသဖြစ်နေတယ်လို့ ပြန်သိရင် စိတ္တာနုပဿနာ သတိပဋ္ဌာန် ပွားများပြီးဖြစ်တယ်။
အဲဒီတော့ ဒေါသကို ပယ်ဖို့ရာ အကောင်းဆုံးနည်းဟာ
အဲဒီဒေါသဖြစ်တာကို သိဖို့ပါပဲ။ ကြည့်ပါများလို့ရှိရင် အဲဒီ
ဒေါသစိတ်ကို ကြည့်ရင်းနဲ့ ပထမအစမှာတော့ ငါဒေါသ
ဖြစ်တယ်လို့ ဒီလိုထင်တာကိုး။ သတိပိုကောင်းလာတဲ့အခါ၊
သမာဓိပိုကောင်းလာတဲ့အခါ ဒေါသစိတ်ကို တည့်တည့်ကြီး
ကြည့်သွားလို့ရပြီဆိုရင် အဲဒီဒေါသစိတ်ဟာ ငါ မဟုတ်ဘူး
ဆိုတာ ထင်ရှားလာတယ်။ သိပ်သိသာတယ်။
#ဒေါသစိတ်သည် ဒေါသစိတ်ပဲ။ ငါ မဟုတ်ဘူး။
အဲဒီလို ဒေါသကို ' ငါ ' မဟုတ်ဘူးလို့ မြင်နိူင်ပြီဆိုရင်
အဲဒီဒေါသကို ပယ်ဖို့ရာ ပိုပြီးတော့ လွယ်သွားတယ်။
လွတ်မြောက်ဖို့ရာလည်း လွယ်သွားတယ်။
ဘယ်လိုကိလေသာမျိုးပဲဖြစ်ဖြစ် ' ငါ ' ဆိုတဲ့ သက္ကာယဒိဋ္ဌိနဲ့
တွဲမိပြီဆိုရင် သူ့ကိုပယ်ရခက်တယ်။ အဲဒီတော့ အဲဒီဒေါသ
စိတ်ကို ကြည့်ပြီးတော့ ဒီဒေါသစိတ်ဟာ ဒေါသစိတ်ပဲ။ ငါ
မဟုတ်ဘူး။ ပုဂ္ဂိုလ် သတ္တဝါ မဟုတ်ဘူး။ အကြောင်းရှိလို့
ဖြစ်လာတဲ့ မကျေနပ်တဲ့ မနှစ်မျို့တဲ့ မနှစ်သက်တဲ့ ...
စိတ်ကလေးတစ်ခုပဲလို့ သေချာမြင်ပြီဆိုရင် ဒီလိုမြင်နေတာ
ကိုက သူ့ကိုပယ်သလို ဖြစ်သွားတာ။ ဘာကိုပယ်လိုက်လဲ
ဆိုတော့ " ငါ " ဆိုတဲ့ သက္ကာယကို ပယ်လိုက်တာ။
#ပထမအဆင့်မှာ ဒေါသကို ပယ်ဖို့ထက်
ဒေါသကို " ငါ " လို့ထင်နေတဲ့ အထင်မှားမှုကို
ပယ်ဖို့က ပိုအရေးကြီးတယ် . . . . . ။
🙏ဆရာတော်ဦးဇောတိက🙏
မေတ္တာဖြင့် ..
Ven Vannita .
No comments:
Post a Comment