🌻🌺🌻လူ (၃) မျိုး 🌻🌺🌻
လူဆိုတာ (၃) မျိုးရှိတယ် ...
၁။ ကုသိုလ်မရ ဝမ်းမဝတဲ့
အောက်တန်းစားလူကတစ်မျိုး ။
ပါဠိလိုတော့ 'အန္ဓ' လို့ခေါ်တယ် ၊
ပညာမျက်စိနှစ်ဖက်ကန်းသူပေါ့ ။
ဘဝကိုကြုံသလို ရေစုန်မျှောပြီးသွားနေတာ ၊
ရည်ရွယ်ချက်ကလည်းမရှိ ၊
လုပ်ငန်းမှာ စည်းရယ်ကမ်းရယ် ၊
မူရယ်ဘောင်ရယ်လို့လည်း
ဘာမှသတ်သတ်မှတ်မှတ်မရှိ
ကြုံသလိုသွားနေတဲ့သူ ။
၂။ ကုသိုလ်မရ ဝမ်းသာဝတဲ့
အလတ်တန်းစားလူကတစ်မျိုး ။
ပါဠိလိုတော့ 'ဧကစက္ခု' လို့ခေါ်တယ်၊မျက်စိတစ်ဖက်ပဲပါတယ် ၊
ပစ္စုပ္ပန်ဘဝ ခန္ဓာရပ်တည်ရေးအတွက်မျက်စိတစ်လှမ်းလေးသာ ကြည့်နိုင်တဲ့ (မျက်စိတစ်ဖက်သာပါတဲ့) ပုဂ္ဂိုလ် ။
လောကုတ္တရာအထိ ကြည့်နိုင်တဲ့
ပညာမျက်စိမပါဘူး ၊မျက်စိတစ်ဖက်သာပါတယ် ။
သူကျတော့ဝမ်းဝအောင်တော့
ကျွေးနိုင်တယ် ၊ကုသိုလ်ကိုလေးလေးနက်နက် တန်ဖိုးမထားလို့ကုသိုလ်တော့မရဘူး ။ မျက်စိမှိတ်လ်ိုက်တာနဲ့ စိတ်မအေးစရာတွေ တန်းစီလာကြမှာပေါ့ ။
၃။ ကုသိုလ်လည်းရ ဝမ်းလည်းဝတဲ့ အထက်တန်းစားပုဂ္ဂိုလ်ကတစ်မျိုး ။
ပါဠိလိုတော့ ' ဒွိစက္ခု '
မျက်စိနှစ်ဖက်ပါတဲ့လူ ။
ပစ္စုပ္ပန်ကိုမြင်အောင်ကြည့်နိုင်တဲ့
မျက်စိလည်းပါတယ် ၊ သံသရာက်ိုမြင်အောင်ကြည့်နိုင်တဲ့ မျက်စိလည်းပါတယ် ၊ ကိုယ့်အတွက်မြင်အောင်ကြည့်နိုင်တဲ့ မျက်စိလည်းပါတယ် ။
လောကီအတွက် မြင်အောင်ကြည့်နိုင်တဲ့ မျက်စိလည်းပါတယ် ၊လောကုတ္တရာအတွက် မြင်အောင်ကြည့်နိုင်တဲ့ မျက်စိလည်းပါတယ် ၊ ဘက်စုံမြင်အောင်ကြည့်နိုင်တဲ့
မျက်စိလည်းပါတယ် ။
သူကျတော့ ကုသိုလ်လည်းရဝမ်းလည်းဝ ၊ ဘာပဲလုပ်လုပ် သူကတော့ ကုသိုလ်နဲ့ကင်းတဲ့အချိန်မရှိဘူး ၊ စားဝတ်နေရေးအလုပ်ဟာလည်းကုသိုလ်ပဲ ၊ ဘာပဲလုပ်လုပ် ကုသိုလ်ရအောင်လိမ်မာပါးနပ်စွာ ယူတတ်တဲ့ပုဂ္ဂိုလ် ။
🙏🙏🙏 ယောဆရာတော်ဘုရားကြီး အရှင်သိရိန္ဒာဘိဝံသ
( တိပိဋကဓရ ဓမ္မဘဏ္ဍာဂါရိက အဂ္ဂမဟာပဏ္ဍိတ အဂ္ဂမဟာအကျော် ဝိနယပါဠိပါရဂူ
ပဋိသမ္ဘိဒါမဂ္ဂပါဠိပါရဂူ )
🙏🙏🙏
Credit...
No comments:
Post a Comment