ပြင်းထန်တဲ့ဝေဒနါခံစားရပြီဆိုရင်
-မကြောက်ပါနဲ့
-စိတ်ကိုလျော့ထားပေးပါ
-ကြောက်တဲ့စိတ်က ရုပ်ကိုပိုပြီး
ဖောက်ပြန်စေပါတယ်။
ဖောက်ပြန်ပျက်စီးတတ်တဲ့သဘောဖြစ်လို့ဖောက်ပြန်ပျက်စီးနေတာကို
"ငါ့ရုပ်"လို့ မယူမိပါစေနဲ့။
သေရင်လည်း ထားခဲ့ရမယ့်ရုပ်ကို
အခုကတည်းက စိတ်နဲ့ခွာပြီး
အရင်စွန့်ထားလိုက်ပါ။
#ကိုယ်သာနာပြီးစိတ်မနာပါစေနဲ့
ရှင်သန်ချင်လွန်းတဲ့စိတ်ကို လျော့ပေးပါ။
ရှင်သန်ချင်လွန်းတဲ့စိတ်က
#ပိုပြီးသေစေနိုင်ပါတယ်
အသက်ရှူလို့မရ ဖြစ်လာရင်
ရှူချင်လွန်းတဲ့စိတ်ကို လျော့ပေးပါ။
တကယ်အသက်ရှူ အရမ်းကြပ်လာတဲ့အခါမှာအတင်းရှူရင် ပိုကြပ်ပါတယ်။
မရှူတော့မှပဲ ပြန်ရှူလို့ရသွားတာပါ။
ရုပ်ကို စိတ်နဲ့ ဆုပ်ကိုင်မထားပါနဲ့။
#ဆုပ်ကိုင်ထားတဲ့စိတ်က
ရုပ်ကို ပိုတင်းကြပ်ပြီးဖောက်ပြန်စေပါတယ်။
သေရမှာကို ကြောက်နေမယ့်အစား
သေခြင်းတရားကို စွန့်လွှတ်တဲ့စိတ်နဲ့
ဉာဏ်အားကိုးပြီး ရင်ဆိုင်လိုက်ပါ။
ဒါမှသာ-စွန့်လွှတ်တဲ့ကုသိုလ်စိတ်ကြောင့်
ကံပြောင်းပြီး ကောင်းသွားနိုင်သလို
သေခဲ့ရင်တောင် ပူစရာမရှိပါဘူး။
မေတ္တာဖြင့်
ဆရာလေးခေမာရံသီ
No comments:
Post a Comment