” ငါးပါးသီလ စောင့်ထိန်းခြင်း အကျိုးများ”

“ငါးပါးသီလ စောင့်ထိန်းခြင်း အကျိုးများ”

•••••••••••••••••••••••••••••••••••••••

▬▬▬▬▬▬▬▬▬▬▬▬▬

၁။“ပါဏာတိပါတ သိက္ခာပုဒ် စောင့်ထိန်းခြင်းအကျိုး၂၂မျိုး”

▬▬▬▬▬▬▬▬▬▬▬▬▬

(၁)။အင်္ဂါကြီးငယ်နှင့် ပြည့်စုံခြင်း၊

(၂)။အလုံးအရပ်နှင့် ပြည့်စုံခြင်း၊

(၃)။လျင်မြန်မှု နှင့် ပြည့်စုံခြင်း၊

(၄)။ခြေဖဝါးအပြင် ကောင်းစွာတည်ခြင်း၊

(၅)။တင့်တယ်လှပခြင်း၊

(၆)။နူးညံ့သိမ်မွေ့ခြင်း၊

(၇)။သန့်ရှင်းစင်ကြယ်ခြင်း၊

(၈)။ရဲရင့်ခြင်း၊

(၉)။ခွန်အားကြီးခြင်း၊

(၁၀)။သန့်ရှင်းပြေပြစ်သော စကားရှိခြင်း၊

(၁၁)။သတ္တဝါအများက ချစ်ခင်နှစ်သက်ခြင်း၊

(၁၂)။ပရိသတ် စည်းလုံးညီညွှတ်ခြင်း၊

(၁၃)။မတုန်လှုပ်ခြင်း၊

(၁၄)။သူတစ်ပါးတို့က မဖျက်ဆီးနိုင်ခြင်း၊

(၁၅)။သူတစ်ပါး ပရောဂကြောင့် မသေရခြင်း၊

(၁၆)။အခြွေအရံများခြင်း၊

(၁၇)။အဆင်းလှခြင်း၊

(၁၈)။အသွင်အပြင်ကောင်းခြင်း၊

(၁၉)။အနာရောဂါကင်းခြင်း၊

(၂၀)။စိုးရိမ်သောကကင်းခြင်း၊

(၂၁)။ချစ်သောသူတို့နှင့် မကွဲမကွာ အတူနေရခြင်း၊

(၂၂)။အသက်ရှည်ခြင်း။

▬▬▬▬▬▬▬▬▬▬▬▬▬▬

၂။ “အဒိန္နာဒါန သိက္ခာပုဒ် စောင့်ထိန်းခြင်း အကျိုး ၉မျိုး”

▬▬▬▬▬▬▬▬▬▬▬▬▬▬

(၁)။ဥစ္စာစပါး ပေါများခြင်း၊

(၂)။သုံးမကုန်အောင် စည်းစိမ်ကြွယ်ဝခြင်း၊

(၃)။မြဲမြံတည်တံသော စည်းစိမ်ရရှိခြင်း၊

(၄)။လိုချင်သော စည်းစိမ်ရလွယ်ခြင်း၊

(၅)။ရန်သူမျိုးငါးပါးနှင့်မဆက်ဆံသော စည်းစိမ်ရှိခြင်း၊

(၆)။ပြန့်ပြောသော စည်းစိမ်ရှိခြင်း၊

(၇)။ရောက်ရာအရပ်၌ အကြီးအကဲ ဖြစ်ရခြင်း၊

(၈)။မရှိသည်၏ အဖြစ်ကိုမသိရခြင်း၊

(၉)။ချမ်းသာစွာ နေရခြင်း။

▬▬▬▬▬▬▬▬▬▬▬

၃။“ကာမေသုမိစ္ဆာစာရ သိက္ခာပုဒ်စောင့်ထိန်းခြင်း အကျိုး၁၇မျိုး”

▬▬▬▬▬▬▬▬▬▬▬

(၁)။ရန်သူမရှိခြင်း၊

(၂)။သတ္တဝါတို့၏ ချစ်ခင်မှုကို ခံရခြင်း၊

(၃)။ထမင်း အဖျော် အဝတ် စသည်ရလွယ်ခြင်း၊

(၄)။ချမ်းသာစွာ အိပ်စက်ရခြင်း၊

(၅)။ ချမ်းသာစွာ နိုးကြားခြင်း၊

(၆)။အပါယ်ဘေးမှ လွတ်ခြင်း၊

(၇)။မိန်းမဘဝ၊နပုံးဏ္ဍုတ်ဘဝမဖြစ်ခြင်း၊

(၈)။အမျက်မထွက်ခြင်း၊

(၉)။အမှန်ကို ပြုလေ့ရှိခြင်း၊

(၁၀)။ကြည်သာရွှင်ပျ မျက်နှာလှခြင်း၊

(၁၁)။ချမ်းသာသုခ နှင့် ပြည့်စုံခြင်း၊

(၁၂)။ ဣနြေ္ဒ ပြည့်စုံခြင်း၊

(၁၃)။လက္ခဏာ ပြည့်စုံခြင်း၊

(၁၄)။ယုံမှား သံသယကင်းခြင်း၊

(၁၅)။ကြောင့်ကြမှုကင်းခြင်း၊

(၁၆)။ချမ်းသာစွာနေရခြင်း၊

(၁၇)။ဘေးရန်မရှိခြင်း။

▬▬▬▬▬▬▬▬▬▬▬▬▬

၄။ “မုသာဝါဒ သိက္ခာပုဒ် စောင့်ထိန်းခြင်း အကျိုး ၁၄ မျိုး”

▬▬▬▬▬▬▬▬▬▬▬▬▬

(၁)။ဣနြေ္ဒ ကြည်လင်ခြင်း၊

(၂)။သန့်ရှင်းသာယာချိုသာသောစကားရှိခြင်း၊

(၃)။ညီညာသောသွားရှိခြင်း၊

(၄)။မဝလွန်းခြင်း၊

(၅)။မပိန်လွန်းခြင်း၊

(၆)။မပုလွန်းခြင်း၊

(၇)။မရှည်လွန်းခြင်း၊

(၈)။အတွေ့ကောင်းခြင်း၊

(၉)။ခံတွင်းမှ ကြာနံ့သင်းခြင်း၊

(၁၀)။မိမိပြောစကား ပရိသတ်က နာယူခြင်း၊

(၁၁)။ရိုသေလေးစားထိုက်သော စကားရှိခြင်း၊

(၁၂)။ကြာပွင့်လွှာနှင့်တူသော နူးညံ့နီမြန်း၍ပါးသောလျှာရှိခြင်း၊

(၁၃)။မဆုတ်နစ်ခြင်း၊

(၁၄)။မတုန်လှုပ်ခြင်း။

▬▬▬▬▬▬▬▬▬▬▬▬

၅။ “သုရာမေရယ သိက္ခာပုဒ် စောင့်ထိန်းခြင်း အကျိုး၂၃မျိုး”

▬▬▬▬▬▬▬▬▬▬▬▬

(၁)။ကာလသုံးပါး၌ မမေ့လျော့ခြင်း၊

(၂)။ဉာဏ်ကောင်းခြင်း၊

(၃)။သတိကောင်းခြင်း၊

(၄)။အရာဋ္ဌာနအားလျော်စွာ ဖြစ်ပေါ်လာသော ဉာဏ်ရှိခြင်း၊

(၅)။မပျင်းရိခြင်း၊

(၆)။မဆွံ့အခြင်း၊

(၇)။မရူးခြင်း၊

(၈)။မတုန်လှုပ်ခြင်း၊

(၉)။ချုပ်ချယ်စော်ကားမှုမခံရခြင်း၊

(၁၀)။မငြူစူခြင်း၊

(၁၁)။ဝန်တိုမှုကင်းခြင်း၊

(၁၂)။စကားမှန်ကန်ခြင်း၊

(၁၃)။ကုန်းတိုက်စကား၊

ကြမ်းတမ်းစကား၊ပြိန်ဖျင်းစကားမပြောခြင်း၊

(၁၄)။ကျေးဇူးကို သိခြင်း၊

(၁၅)။စွန့်ကြဲခြင်း၊

(၁၆)။သီလရှိခြင်း၊

(၁၇)။ဖြောင့်မတ်ခြင်း၊

(၁၈)။အမျက်မထွက်ခြင်း၊

(၁၉)။အရှက်အကြောက်နှင့်ပြည့်စုံခြင်း၊

(၂၀)။အယူဖြောင့်မတ်ခြင်း၊

(၂၁)။မြင့်မြတ်ခြင်း၊

(၂၂)။ပညာရှိခြင်း၊

(၂၃)။အကျိုး ရှိသည်၊ မရှိသည်၌ လိမ္မာခြင်း။

(မှတ်ချက်။ ။ ဣတိဝုတ် အဋ္ဌကထာ နှင့်

ခုဒ္ဒကပါဌ အဋ္ဌကထာတို့တွင် လာရှိသည်။)

_____________________________________________________

"ငါးပါးသီလ (Five Precepts) အနက်အဓိပ္ပာယ်"

             ပါဠိ -  မြန်မာ -  English

              <><><><><><><><>

(၁) "ပါဏာတိပါတာ ဝရေမဏိသိက်ခာပဒံ သမာဒိယာမိ"

       သတ္တဝါတို့၏အသက်ကို သတ်ခြင်းမှ ရှောင်ကြဉ်ပါ၏။

       I shall abstain from killing.

(၂) "အဒိန်နာဒါနာ ဝရေမဏိသိက်ခာပဒံ သမာဒိယာမိ"

       သူတစ်ပါး၏ ပစ္စည်းဥစ္စာကို မတရားရယူခြင်းမှ ရှောင်ကြဉ်ပါ၏။

      I shall abstain from taking what is not given.

(၃) "ကာမသေုမိစ်ဆာစာရာ ဝရောမဏိသိက်ခာပဒံ သမာဒိယာမိ"

       ကာမဂုဏ်တို့၌ မှားယွင်းစွာ ပြုကျင့်ခြင်းမှ ရှောင်ကြဉ်ပါ၏။

       I shall abstain from illegal sexual conduct.

(၄) "မုသာဝါဒါ ဝရောမဏိသိက်ခာပဒံ သမာဒိယာမိ"

       မမှန်သောစကားကို ပြောဆိုခြင်းမှ ရှောင်ကြဉ်ပါ၏။

       I shall abstain from telling lies.

(၅)"သုရာမရေယ မဇ်ဇပ်ပမာဒဋ်ဌာနာ ဝရောမဏိသိက်ခာပဒံ သမာဒိယာမိ"

      မူးယစ်မေ့လျော့စေတတ်သော အရက်သေစာတို့ကို

      သောက်စားခြင်းမှ ရှောင်ကြဉ်ပါ၏။

      I shall abstain from any kind of  intoxicant.

                      ( ချမ်းမြေ့ဆရာတော် )

_____________________________________________________

ငါးပါးသီလ ခံယူဆောက်တည်ပုံ

*******************

အဟံ ဘန္တေ တိသရဏေန သဟ ပဉ္စသီလံ ဓမ္မံ ယာစာမိ၊ အနုဂ္ဂဟံ ကတွာ သီလံ ဒေထ မေ ဘန္တေ။ (ဒုတိယမ္ပိ၊ တတိယမ္ပိ)

ယမဟံ ၀ဒါမိ တံ ဝဒထေ။

အာမ ဘန္တေ

နမော တဿ ဘဂဝတော အရဟတော သမ္မာသဗ္မုဒ္ဓဿ ( သုံးကြိမ်)

ဗုဒ်ဓံ သရဏံ ဂစ်ဆာမိ၊

ဓမ်မံ သရဏံ ဂစ်ဆာမိ၊

သံဃံ သရဏံ ဂစ်ဆာမိ၊

(ဒုတိယမ်ပိ၊ တတိယမ်ပိ)

သရဏ ဂမနံ ပရိပုဏ်ဏံ ။ အာမ ဘန္တေ

*ပါဏာတိပါတာ ဝရေမဏိ သိက်ခာပဒံ သမာဒိယာမိ၊

သူ့အသက် သတ်ခြင်းမှ ရှောင်ကြဉ်ပါ၏။

*အဒိန်နာဒါနာ ဝရေမဏိ သိက်ခာပဒံ သမာဒိယာမိ။

သူတစ်ပါး ပစ္စည်း ခိုးယူခြင်းမှ ရှောင်ကြဉ်ပါ၏။

*ကာမသေုမိစ်ဆာစာရာ ဝရေမဏိ သိက်ခာပဒံ သမာဒိယာမိ၊

သူတစ်ပါး သားမယား ပြစ်မှားခြင်းမှ ရှောင်ကြဉ်ပါ၏၊

*မုသာဝါဒါ ဝရေမဏိ သိက်ခာပဒံ သမာဒိယာမိ၊

လိမ်ညာ ပြောဆိုခြင်းမှ ရှောင်ကြည်ပါ၏၊

*သုရာ မေရယ မဇ္ဇပမာဒဋ္ဌာနာ ဝေရမဏိ သိက္ခာပဒံ သမာဒိယာမိ၊

သေရည် အရက်သောက်ခြင်းမှ ရှောင်ကြဉ်ပါ၏။

_______________________________________________________

“ ငါးပါးသီလ သာသနာ ”

■ သရဏဂုံတည်ပြီးတဲ့နောက်မှာ ပါဏာတိပါတာ ဝေရမဏိ-သတ္တဝါတွေရဲ့ 

အသက်ကို သတ်ခြင်းမှ ရှောင်ကြဉ်တယ်ဆိုတဲ့ သာသနာရော ငါ့သန္တာန်မှာ 

တည်ရဲ့လား ?

■ အဒိန္နာဒါနာဝေရမဏိ ...သူများဥစ္စာကို မတရားယူခြင်းမှ ရှောင်ကြဉ်မှု 

လို့ဆိုတဲ့ ဒီသီလသာသနာရော ငါ့သန္တာန်မှာ တည်သလား ?

■ကာမေသုမိစ္ဆာစာရာဝေရမဏိ ... ကာမဂုဏ်ကိစ္စတွေမှာ မှားမှား 

ယွင်းယွင်း ပြုလုပ်ခြင်းမှ ရှောင်ကြဉ်ခြင်းဆိုတဲ့ ဒီကိုယ်ကျင့်သီလ 

သာသနာရော ငါ့သန္တာန်မှာ ရှိရဲ့လား ?

■မုသာဝါဒါ ဝေရမဏိ ... လိမ်လည်လှည့်စား ပြောကြားခြင်း သူတစ်ပါး 

အကျိုး ပျက်စီးအောင် လိမ်ခြင်းဆိုတာမျိုးမှ ရှောင်ကြဉ်မှုလို့ ဆိုတဲ့ ကိုယ်ကျင့်

သီလ သာသနာမျိုးရော ငါသန္တာန်မှာ တည်သလား ?ဆိုတာ ဆင်ခြင်

စဉ်းစားရမယ်။

■ သုရာမေရယမဇ္ဇပ္ပဒဋ္ဌာနာ ဝေရမဏိ ... မူးယစ်စေတတ်တဲ့အရာတွေ 

အရက်တို့ ဘီယာတို့ အခြားမူးယစ်ဆေးဝါးတွေတို့ သုံးစားခြင်းမှ 

ရှောင်ကြဉ်မှုဆိုတဲ့ ဒီ ကိုယ်ကျင့်သီလရော ငါသန္တာန်မှာ တည်သလား ?

ဟော ..... ကိုယ့်သန္တာန်မှာ သာသနာဘယ်နှစ်ခု တည်သလဲဆိုတာ 

ဆန်းစစ်ကြည့်ရမယ်။

လူတိုင်းလူတိုင်းဟာ အကယ်၍ ကိုယ့်သန္တာန်မှာ။ ဥပမာ ... ငါးပါး သီလထဲက 

တစ်ပါးမတည်ဘူး ဆိုရင် သာသနာတစ်ပါး ကွယ်တာလို့ပဲ ပြောရမယ်။

အဲဒီတော့ ... သာသနာတည်တယ် , မတည်ဘူးဆိုတာ ကျင့်သုံးတဲ့ပုဂ္ဂိုလ် နဲ့

ဆိုင်တယ်။အဲဒါကို သတိထားကြဖို့ လိုတယ်ပေါ့။ကိုယ့်သန္တာန်မှာ သာသနာ

တည်အောင် ကြိုးစား။

အဲ ... တစ်ချို့က သာသနာတည်တယ်ဆိုတဲ့ အဓိပ္ပါယ်ကို မသိသည့် 

အတွက်ကြောင့် ကိုယ်ကျင့်တရားကောင်းအောင် မကြိုးစားပါဘဲနဲ့ 

အခြားကိစ္စတွေမှာ ပြိုင်ဆိုင်နေတာမျိုးကတော့ တလွဲဆံပင်ကောင်း 

နေတာမျိုး ဖြစ်တယ်။

အဲဒီတော့ ... အခြားကိစ္စတွေမှာ ပြိုင်ဆိုင်မှုမပြုဘဲနဲ့ ကိုယ်ကျင့်သီလနဲ့ 

ပတ်သက်ပြီး ကိုယ်သန္တာန်မှာ ဘယ်လောက်တည်သလဲ ဆိုတာ ကိုယ့်ဟာကိုယ် စစ်ဆေးသင့်တယ်။ မတည်သေးလို့ရှိရင် တည်အောင် ကြိုးစား 

တည်လို့ရှိရင် ခိုင်မာအောင် ကြိုးစား။ဒီလို ကြိုးစားရမယ် ။အဲဒီလို ကြိုးစား

လို့ရှိရင် ကိုယ်အတွက်တော့ ကျေနပ်စရာချည်းပဲ။

ငါသန္တာန်မှာ သာသနာတည်နေတယ်လို့ ဒီလို ပြောရမယ်။

- ပါမောက္ခချုပ်ဆရာတော်ကြီးဒေါက်တာ နန္ဒမာလာဘိဝံသ - အဂ္ဂမဟာပဏ္ဍိတ

Dhamma Danã Source ►

Young Buddhist Association