ထီးနဲ့ တူသော စိတ်
••••••••✷✿✷••••••
ထီးဟာ ...
ထီးကို အသုံးပြုတဲ့ ပုဂ္ဂ္ဂိုလ်
ထီးဆောင်းတဲ့ ပုဂ္ဂိုလ်ရဲ့ အထက်မှာပဲ အမြဲ ရှိတယ်။
အောက်မှာ ဘယ်တော့မှ မရှိဘူး …
ထို့အတူပဲ
ဝိပဿနာ ယောဂီများရဲ့ စိတ်ဟာ
ကိလေသာတွေရဲ့ အထက်မှာပဲ
အမြဲတမ်းရှိနေရမယ် …
ကိလေသာတွေရဲ့ အောက်မှာ
ဘယ်တော့မှ မရှိစေရဘူး …
မိမိရဲ့ စိတ်ကသာလျှင်
ကိလေသာကို လွှမ်းမိုးနိုင်ရမယ်။
ကိလေသာက မိမိကို မလွှမ်းမိုးစေရဘူး။
ကိုယ့်စိတ်ကသာလျှင်
ကိလေသာကို အနိုင်ရရမယ်။
ကိလေသာက ကိုယ့်ကို နိုင်သွားတယ် ဆိုတာ မရှိစေရဘူး။
လောဘ ဖြစ်လာရင်လည်း
လောဘ အလိုကို မလိုက်နဲ့။
လောဘကို တွန်းလှန်နိုင်အောင် ကြိုးစား …
ဒေါသ ဖြစ်လာရင်လည်း
ဒေါသ အလိုကို မလိုက်နဲ့။
ဒေါသကို တွန်းလှန်နိုင်အောင်ကြိုးစား …
ဘဝင်မြင့်မှု မာန , မနာလိုမှု ဣဿာဖြစ်လာရင်လည်း မာန ဣဿာ အလိုကို မလိုက်နဲ့။
မာန ဣဿာကို တွန်းလှန်နိုင်အောင် ကြိုးစား။
ကိလေသာတွေထဲမှာ တဏှာက
တော်တော် ကြောက်ဖို့ကောင်းတယ် …
ဒေါသဖြစ်လည်း ဒေါသဖြစ်နေတာကို
သူက လိုက်သာယာ …
ဣဿာဖြစ်လည်း ဣဿာဖြစ်နေတာကို
သူက လိုက်သာယာ …
ဘာကိလေသာဖြစ်ဖြစ် သူက လိုက်သာယာနေတော့ ကိုယ့်စိတ်မှာဖြစ်နေတဲ့ ကိလေသာကို မကောင်းမှန်း သိသိကြီးနဲ့
မစွန့်နိုင်ဘဲ ဖြစ်နေတတ်တယ်။
ဒါကြောင့် ကိုယ့်ရဲ့စိတ်ကို တဏှာက လွှမ်းမိုးချုပ်ကိုင် မထားနိုင်အောင် ကြိုးစားရမယ်။
ကိုယ့်ရဲ့စိတ်ကို တဏှာက နှောင်ဖွဲ့
ရစ်ပတ်မထားနိုင်အောင် အားထုတ်ရမယ် …
တဏှာကို မတွန်းလှန်နိုင်ရင်
အခြား ကိလေသာတွေကိုလည်း
တွန်းလှန်နိုင်ဖို့ မလွယ်ဘူး …
တဏှာကိုသာ ရဲရဲကြီး တွန်းလှန်နိုင်ရင်
ကိုယ်စိတ်ဟာ ကိလေသာရဲ့ အထက်မှာ
ဖြစ်သွားပါပြီ …
ဒီတော့
ကိုယ့်စိတ်ကို ထီးနဲ့ တူအောင်
ကြိုးစားကြရမယ် …
ဆရာတော် အရှင်ဆန္ဒာဓိက
( ရွှေပါရမီတောရ )
🙏🙏🙏
Credit..
No comments:
Post a Comment