🔹ဘုရားနဲ့တရားဘယ်သူကအရင်ပေါ်
တုန်းလို့ မေးလေ့မေးထ ရှိကြတယ်။
🔹အဲ့လို မေးလေ့မေးထ ရှိရင်တော့ ခွဲခြား
ပြီးတော့ ဖြေဆိုရမှာပဲ။
🔹မြတ်စွာဘုရားသိတဲ့တရားက ပဋိဝေဓ
ဓမ္မ ၊ မြတ်စွာဘုရားဟောတဲ့ တရားက
ဒေဿနာ ဓမ္မ ၊
🔹ပဋိဝေဓ ဓမ္မဆိုတာ အဲ့ဒီတရားကို သိပြီး
တော့ ဘုရားအဖြစ်ကို ရောက်တာ ဆို
တော့ တရားက အရင်ပေါ်တယ်လို့ ပြော
ရမှာပဲ။
🔹အမှန်တရား တစ်ခုဟာ ရှိမြဲရှိနေတာပဲ
ဖြစ်တယ်။
🔹ဥပမာမယ် နိဗ္ဗာန်ဆိုတာ အမြဲတမ်းရှိနေ
တဲ့ သဘောတရား တစ်ခုပဲ ဖြစ်တယ်။
🔹သို့သော် အကောင်အထည်နဲ့ရှိတာတော့
မဟုတ်ဘူး။
🔹သဘာဝအနေ နဲ့ရှိနေတာ။
🔹အဲ့သဘာဝအနေ နဲ့ရှိနေတာက
အမြဲတမ်းရှိနေတာ၊ ရှိလိုက် မရှိလိုက်
ဒီလိုမဟုတ်ဘူး။
🔹ရှိပြီးတော့ ပျက်စီးသွားတာလည်း
မဟုတ်ဘူး။
🔹နိဗ္ဗာန်က အမြဲတမ်းရှိနေတယ်။
🔹အမြဲတမ်းရှိနေတဲ့ အဲ့ဒီအရာကို
မြတ်စွာဘုရားကတွေ့ရှိတာပဲ ဖြစ်တယ်။
🔹မြတ်စွာဘုရားက နိဗ္ဗာန်ကို တွေ့ရှိတဲ့
သူ သာဖြစ်တယ်။
🔹နိဗ္ဗာန်ကို ဖန်တီးတဲ့ ပုဂ္ဂိုလ် မဟုတ်ဘူး။
🔹နိဗ္ဗာန်ကို ပြုလုပ်တဲ့ ပုဂ္ဂိုလ်မဟုတ်ဘူး။
🔹အဲ့တော့ တွေ့တယ်ဆိုတည်းက နဂို
တည်းကရှိတယ်ဆိုတဲ့ အဓိပ္ပာယ်ရတာ
ပေါ့။
🔹နိဗ္ဗာန်ရောက်ကြောင်း တရားကလည်းပဲ
နဂိုတည်းက ရှိတယ်။
🔹ဘုရားတစ်ဆူတစ်ဆူ ပေါ်တော့မှ
ဒီဘုရားရဲ့ဟောပြောချက်ကြောင့်-
🔹ဒီတရားကို သိကြရတာ ဖြစ်တယ်။
🔹အဲ့တော့ ပဋိဝေဓ ဓမ္မ ဆိုတဲ့
မြတ်စွာဘုရားတွေ တွေ့ရှိတဲ့ တရား ဆို
တာ ထာဝရ ရှိနေတဲ့ အရာသာဖြစ်တယ်။
🔹တရားဓမ္မကို ကျင့်ကြံကြိုးကုတ်
အားထုတ်ပြီးတော့ ရှာလိုက်တဲ့ အခါ
ဒီတရားကို သိသွားတယ်။
🔹ဆိုပါတော့ ကဿပမြတ်စွာဘုရား
လက်ထက် ဒီတရားကိုပဲဟောခဲ့တာ။
🔹ဒီ သစ္စာလေးပါးကိုပဲ ဟောခဲ့တာ။
🔹ကက္ကုသန္တ ဘုရားလည်းပဲ ဒီတရားကိုပဲ
ဟောခဲ့တယ်။
🔹ဟိုးရှေးက ဘုရားတွေလည်းပဲ ဒီတရား
ကိုပဲ ဟောခဲ့တယ်။
🔹သို့သော် ဘုရားတစ်ဆူ ပရိနိဗ္ဗာန်စံပြီး
သွားတဲ့နောက်မှာ ဒီတရားက ပြန်လည်
ပျောက်ကွယ်သွားပြန်တယ်။
🔹ပျောက်ကွယ်တယ်ဆိုတာ လူတွေရဲ့
ရင်ထဲက ပျောက်ကွယ်တာကိုပြောတာ။
🔹တရားအနေ နဲ့ကတော့ ရှိနေတာပဲ။
🔹လူတွေရဲ့ ရင်ထဲ မရောက်တာကို ပျောက်
ကွယ်တယ် လို့ ပြောတယ် နော်။
🔹အဲ့ဒီပျောက်ကွယ်သွားတဲ့ အရာကိုပဲ
မြတ်စွာဘုရားက ပြန်လည် ရှာဖွေ တွေ့
ရှိတယ်လို့ ခေါ်တယ်။
🔹ဒါကြောင့်မို့ (ပါဠိလို . . ) ငါသိတဲ့
တရားလို့ မြတ်စွာဘုရားကပြောတဲ့အခါ
မှာ ငါသိတယ်ဆိုတာ ငါရှာလို့တွေ့တဲ့
တရား ။
🔹ဒါကြောင့်မို့ အင်္ဂလိပ်ဘာသာနဲ့ပြန်တဲ့
အခါ Discover လို့ပြန်တယ်။
🔹Discover ဆိုတာ ပြန်တွေ့တာ လို့
ဆိုလိုတယ်ပေါ့နော်။
🔹အဲ့တော့ ပဋိဝေဓ ဓမ္မလို့ဆိုတဲ့
သစ္စာလေးပါးတရားဟာ နဂိုတည်းက
ရှိတာ။
🔹သတ္တဝါတွေ သန္တာန်မှာ မသိကြခြင်း
အားဖြင့် ရင်ထဲမရောက် ပဲနဲ့ပျောက်
ကွယ်သွားတယ်။
🔹အဲ့ဒါကို ကြိုးစားပြီးတော့ တရား
အားထုတ် ရှာလိုက်တဲ့အခါမှာ ပြန်ပြီး
တော့တွေ့တယ်။
🔹ပျောက်ဆုံးနေတဲ့ ရတနာကို ပြန်တွေ့
သလိုပဲ တရားကိုတွေ့တယ်။
🔹အဲ့ဒီတရားဟာ အဲဒီတရားကို သိလို့
ဘုရားဆိုတာ ဖြစ်ရတာ။
🔹အဲ့ဒီတရားမသိခင်က ဘုရားမဟုတ်ဘူး။
ဘုရားမဖြစ်သေးဘူး။
🔹အဲ့တော့ မြတ်စွာဘုရားသန္တာန်မှာ ရှိတာ
ကအသိဉာဏ်ပဲ။
🔹အဲ့ဒီအသိဉာဏ်နဲ့ တရားကို ရှာတွေ့တာ။
🔹ဒါဖြင့် ပဋိဝေဓ ဓမ္မလို့ဆိုတဲ့ ထိုးထွင်း သိ
တဲ့တရားသည် ထာဝရ ရှိနေတဲ့ တရား
ဖြစ်သည့်အတွက်ကြောင့်-
🔹ဘုရားမပွင့်လည်းပဲ ဒီတရားက ရှိမြဲရှိနေ
တယ်။
🔹သို့သော် လူတွေရဲ့ ရင်ထဲမှာ မရောက်
ဘူး။ လူတွေမသိကြဘူးလို့ ဒီလိုဆိုလို
တယ်။
🔹သတ္တဝါတွေ မသိဘူး။
🔹နောက် ဒေသနာ ဓမ္မ ဆိုတာ ကျတော့
မြတ်စွာဘုရားက ပဋိဝေဓ ဉာဏ်နဲ့ သိရှိ
နားလည်ပြီးတဲ့အခါမှာ သတ္တဝါတွေကို
ဟောပြောတာ ။
🔹လိုက်နာကျင့်သုံးရမယ့် တရားတွေကို
ဟောပြောတယ်။
🔹ရှောင်ရမယ့်တရားတွေကိုဟောပြော
တယ်။
🔹အဲ့တာကျတော့ ဘုရားဟော တဲ့ဓမ္မဆို
တော့ ဘုရားပွင့်ပြီးမှ ဖြစ်တာ။
🔹ဘုရားဟောမှ သိကြရတာ။
🔹သာမန်အားဖြင့်ကြည့်မယ်ဆိုလို့ရှိရင်
ပဋိဝေဓ ဓမ္မဆိုတာလည်း ဒါပဲ။
🔹ဘုရားကဟောတာလည်း သူသိတာကို
ဟောသည့်အတွက်ကြောင့် ဒေသနာ
ဓမ္မလည်း ဒါပဲဆိုတော့ ဓမ္မသည် ထာဝရ
ရှိနေတာ။
🔹ဘုရားက ထာဝရမဟုတ်ဘူး။
ဓမ္မက ထာဝရ လို့ ဒီလိုဆိုလိုတယ်ပေါ့
နော်။ ဒီလိုဆိုတယ်။
🔹ဒါကြောင့်မို့ ဘုရားအဆူဆူဟာ တရား
ကို အလေးမူပြီးတော့ နေလေ့ ရှိကြ
တယ်။
🔹ဘုရားအလေးပြုရမယ့် ရိုသေရမယ့်
ပုဂ္ဂိုလ်ဆိုတာ လောကမှာ မရှိဘူး။
🔹ဘာကြောင့်မရှိတာတုန်းဆိုရင်
မြတ်စွာဘုရားထက် သီလအရည်အချင်း
🔹သမာဓိအရည်အချင်း၊ ပညာ
အရည်အချင်း ကြည့်လိုက်မယ်ဆိုရင်-
🔹သာတဲ့ ဘက်ကိုမပြောနဲ့မှီတဲ့ ပုဂ္ဂိုလ် မရှိ
နိုင်ဘူး။
🔹ဘုရားအဆင့်ရောက်တဲ့ ပုဂ္ဂိုလ်မရှိဘူး။
🔹ဒါကြောင့်မို့ လူပုဂ္ဂိုလ် လူထဲတင်မကဘူး
နတ်ပဲဖြစ်ဖြစ် ဗြဟ္မာပဲဖြစ်ဖြစ် -
🔹သတ္တလောကကြီးတစ်ခုလုံးကို ကြည့်
လိုက်လို့ရှိရင် -
🔹မြတ်စွာဘုရားက လေးစားရမယ့်ပုဂ္ဂိုလ်
ဆိုတာ ပုဂ္ဂိုလ်အနေနဲ့ မရှိဘူး။
🔹ဒါကြောင့်မို့ ဘုရားကိုယ်တိုင်က ဓမ္မ ကို
အလေးစားပြုပြီးတော့ နေတယ်။
🙏ပါမောက္ခချုပ်ဆရာတော်🙏
🙏ဒေါက်တာ နန္ဒမာလာဘိဝံသ🙏
🌹ဓမ္မ,တရားဖြင့် ငြိမ်းအေး ကြပါစေ။🌹
Crd,,,,,🙏🙏🙏🙏🙏🙏🙏🙏🙏🙏🙏🙏🙏
No comments:
Post a Comment