"ဘုန်းကံ" ကြီးတယ်။
"ဘုန်းကံ" နည်းတယ်။
လောကကြီးမှာ သိပ်အသုံးများတဲ့ ဝေါဟာရ။သို့သော်"ဘုန်းကံ"ဆိုတဲ့ စကားရဲ့အဓိပ္ပါယ်ကိုသေသေချာချာသိတဲ့သူက နည်းတယ်။
ကိုယ့်စာပေကိုတောင် မသိကြဘူး
နားမလည်ကြဘူးဆိုတာ ဒါကိုပြောတာ။
ရိုးရာဓလေ့တွေရဲ့အောက်မှာ ဘူမသိ ကိုးမသိ ဘဝတွေ စုံလုံးကန်းကြရတယ်။
"ဘုန်းကံ"ဆိုတာ
"ဘုန်း"ဆိုတာ…ပုည(ကုသိုလ်ကောင်းမူ့)ဆိုတဲ့ပါဠိကနေ ဆင်းသက်လာတာဖြစ်တယ်။ရှေးဟောင်းစာပေတွေမှာ "ဘုန်း"ကို "ပုဉ်း"ဆိုပြီးရေးကြပါတယ်။
"ကံ"ဆိုတာကလည်း ကမ္မ(အလုပ်)ဆိုတဲ့
ပါဠိပျက် စကားလုံးမျှသာဖြစ်တယ်။
ဒီတော့ ကုသိုလ်ကောင်းမှု များများရှိတဲ့ လုပ်တဲ့ပုဂ္ဂိုလ်တိုင်းဟာ "ဘုန်းကံ"ကြီးမားတာ ။မဟုတ်မဟတ်တာတွေ များများလုပ်တဲ့ ပုဂ္ဂိုလ်
တွေဟာ "ဘုန်းကံ" နည်းကြတာပါပဲ။
ကံ ဆိုတာ အလုပ်။ ကိုယနေ့စဉ်ရက်ဆက် ဘာတွေလုပ်နေလဲ ဒါပါပဲ။
ထမိန်တမ်းအောက်က ဝင်မိလို့
မိန်းမက အပေါ်က ဖြစ်နေလို့
ဘုန်းကံနိမ့်သွားရတယ်ဆိုတဲ့ အယူအဆဟာရိုးရာဓလေ့သာဖြစ်တယ်။ ။
ရိုးရာဓလေ့နဲ့ ဘာသာရေးကို
ကွဲကွဲပြားပြား သိအောင်မလုပ်ကြဘူးဆိုရင်တို့တွေ ကိုးကွယ်နေတဲ့ မြတ်စွာဘုရားရှင်ကို
ဝိုင်းပြီးတော့ သိက္ခာချနေကြခြင်းသာဖြစ်တယ်။
သီလ သမာဓိ ပညာ,ဒါန သီလ ဘာဝနာ အားရှိတဲ့ပုဂ္ဂိုလ်တစ်ယောက်ကို ဘာမဟုတ်တဲ့ သက်မဲ့ ထမိန်တစ်ထည်က
ဘုန်းကံနိမ့်သွားအောင် လုပ်လို့ မရပါဘူး။
ဘုန်းကံက ယောက်ျားဖြစ်ခြင်း
မိန်းမဖြစ်ခြင်းနဲ့မဆိုင်ဘူး။ ဂုဏ်ရှိ ဂုဏ်မဲ့။ပညာရှိ ပညာမဲ့ခြင်းနဲ့လုံးဝ မဆိုင်ဘူး။
ဒါဖြင့်..ဘာနဲ့ဆိုင်သလဲ။
လုပ်နေတဲ့ အလုပ်နဲ့သာဆိုင်တယ်။
ကိုယ်ကျင့်သီလနဲ့သာ ဆိုင်ပါတယ်။
ခပ်ညံ့ညံ့ အမျိူးသမီးတွေကိုယ်၌က ဒီအယူအဆမျိူးကို လက်ခံပြီး မိန်းမဖြစ်ရတဲ့ဘဝကို သိမ်ငယ် နေကြတာလည်း တွေ့ဖူးပါတယ်။
လောကကြီးမှာယောက်ျားကြီးပဲ မရှိနိုင်သလို မိန်းမ မရှိဘဲနဲ့လည်း
လူ့လောကဆိုတာ ဖြစ်မလာနိုင်ဘူး။
အရာရာတိုင်းဟာ အစုံလိုက်
အတွဲလိုက်သာ ဖြစ်တည်တယ်။
တစ်ဦးနဲ့တစ်ဦး ကျေးဇူးတင်စရာ အဖြစ်နဲ့သာရူ့မြင်ကြရမှာဖြစ်တယ်။
(ပါမောက္ခချုပ်ဆရာတော်ကြီး)
ဒေါက်တာနန္ဒမာလာဘိဝံသ
Credit..
No comments:
Post a Comment